Lucas 1:53 - La'aqtaqa Ñim Lo'onatac 'Enauacna 2013

⁵³ Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Nuevo Testamento Toba Sur

⁵³ Qataq nam deuenaxaatac, qalaq ÿanem da qaica ca iuen naq'en, qaq nam sallaxanecpi, qalaq ÿataqta qui'itchiguilo naq'en naua lhua'q da ÿamaqhuec.

Nuevo Testamento Toba Sombrero Negro

⁵³ En nedañi da'me nachiquiyaĝa'j gaa'me 'uo da'me louenaĝanaĝa'j nataq'aen en ochichiguilo naa'me loua' gaa'me neuoyaĝadi da'me yamaĝadegue.

Lucas 1:53 Iomraidhean Croise

Salmos 146:7

Ñimaye ỹo'otec da no'on lataxac cam qaica ca nyacnataguec, qataq ỹanem da lquia'axac cam huo'o na lqouaxa. Ñim Nataxala', isouec na ncoñeteguishecpi,

Salmos 34:10

Na sallaxanecpi qalaq ỹe'eguelaxa da choxoraq qataq nque'etaxangui na lqouaxa, qalaxaye nam nmitaique Ñim Nataxala', qalaq qaica ca iueetac.

Ezequiel 34:29

Na lanaxanaqa'pi qome qalaq ỹataqta no'on na huetalec lañiguishec, nache namayepi saishet da qaltaq ỹe'eguelaxa da nque'etaxangui na lqouaxa, qataq na laỹepi ỹotta'a't shiỹaxauapi saishet qome da ỹe'eguelaxa da ỹe'eetac namayepi.

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Lucas 1:54

Qataq itauan na Israel le'ecpi maye lamaxashecpi, qataq saishet da ỹaxanec da lauotaxanaqtaic namayepi.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Lucas 6:24

Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da!

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

1 Corintios 1:26

Qami' ỹaqaỹañicpi, qami' tachigui qarvilli da 'eetec co'ollaq qami' iỹaxanalo Ñim Lo'onatac 'Enauacna na'aictaxa da qoỹeetega saq 'amaqtaq da qaraỹaañiqui, qataq saq 'amaqtaq da qoñiita na nalaua'a da nta'a, qataq na chegaqaigui nam 'amaqtaqaicpi.

1 Corintios 4:8

Qami' mashe qami' hueto'oto 'enauac nam qanqopichiitaique: mashe qami' sallaxanaqa, qataq mashe qoñiita'am na nta'alpi, qaq 'eeta'am da nache qomi' qauasaqaitre'c. ¡'Onaxaico' da ỹataqta 'eesa da qami' nta'al! ¡Yaqto' qami' qaro'onataxanaxau' da qomi' nta'al!

1 Samuel 2:5

Qaq nam sa iueetaique co'ollaxa cam aloq, qaq nagui qalaq nmeela't da yaqto' ỹanata ca aloq, Qaq nam huo'o co'ollaxa na lqouaxa, nagui qalaq qaica ca lqouaxa. Qaq ana 'alo maye saishet co'ollaxa da deco'o, nagui qalaq siete da ỹe'eguelaxalec da deco'o, qaq anam qalota co'ollaxa na llalec, qaq nagui qalaq taỹañicra.