Lucas 1:43 - La'aqtaqa Ñim Lo'onatac 'Enauacna 2013

⁴³ Qaq ¿negue't aỹem da aỹem 'anamaqtega, 'am maye 'am late'e Ñim Ỹataxala'?

Nuevo Testamento Toba Sur

⁴³ Qaq ¿négue't aÿim da huo'otaq aÿim namaqtega adam late'e ñi ÿataxala'?

Nuevo Testamento Toba Sombrero Negro

⁴³ Ja jalo'taguet ta'le jayem dejapichiya jañe'me lat'e qom'te ñe'me Yejaliaĝanec.

Lucas 1:43 Iomraidhean Croise

Salmos 110:1

Ñim Nataxala' 'enapega ñim ỹataxala', 'eeta': «'Anso'ootaña qome da pa'aigue na aỹoic, nache ivitta'a qome da hueto'oto ñaqa'en naua 'arapia'ate na 'ampa'aguenaxauapi.»

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Mateo 3:14

Qalaxaye so Juan co'ollaq cheta'ague, nache sa ỹaỹamaxaren da nachelaxan Somaye. Nache 'enapego' So Jesús, 'eeta': –Aỹem maye iuen taxa da aỹem 'anachelaxan, qalaq ¿ta'ainco' ye aỹem 'auanaỹa da 'auauotaique da 'am ñachelaxan?

Lucas 1:42

ime, nache asomaye ỹataqta nlamaxaren da 'enapega aso María, 'eeta': –Ñim Lo'onatac 'Enauacna ỹactec da 'am ỹanem lqouagaxanaqtaic, qaq saishet da qoneta'am na laỹepi 'alpi. Nataqa'en na 'aỹa'alec qome ỹanem da lqouagaxanaqtaic.

Lucas 1:44

Cha'aye can choche sa'axaỹa da 'arquinaxanaxac, nache na nogotolec maye huetaigui na iuel daỹapec souaxat da ntonaxac.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Lucas 7:7

Qataq nataqa'en aỹem sela'a da saishet da saiguet da 'am sepaca'a da 'am she'eguena'a. Nachaqrata da 'am ñachoxonnot da 'auauo'o ca 'ara'aqtac, da yaqto' no'oita ye ỹamaxashec, cha'aye aỹem sa'amaqten da yemaye ishet da no'oita.

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Rut 2:10

Nache aso Rut ỹa'alyiñi naua l-llecte, nache iviraxata'aguet naqa'en na latap na 'alhua, nache inat so Booz, 'eeta': ¿Ta'ainco' da aỹem taalec da 'arauotaxanaqtaic, ye aỹem choche sachegaqauec?

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.