Lucas 1:13 - La'aqtaqa Ñim Lo'onatac 'Enauacna 2013

¹³ Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Nuevo Testamento Toba Sur

¹³ Qalaxayi so namaxashic 'enapeco': –Zacarías, sa ishit da 'ayi'i, cha'ayi ñi Dios hua'aqtega da 'anqouagaxaunaxac. Qaq nagui añi 'adhua Elisabet huo'o qome ca llalec. Qaq camayi 'ai'anagui qome da l'enaxat Juan.

Nuevo Testamento Toba Sombrero Negro

¹³ Qalaĝaja ñe'me piyem le'ec dojapegue', enaac: —Zacarías, ¡ena'te ado'e! Joñe'me Dios joote domachiya da'me adajelaĝanaĝac, qama'le jañe'me adoua Elisabet am yanem qomle ga'me ac'oĝot, nach'eñe jo'ne auenaqatenec qomle Juan.

Lucas 1:13 Iomraidhean Croise

Génesis 17:10

Qaq 'era da so'ot ñaỹamaxataxac da 'am ñaỹamaxate', qaq damaye iuen da ipaqueelec nataqa'en cam 'am chegoxoguetpi, qaq 'enauac qome ca ỹalleppi da qoñiita iuen da qaỹauo'o ca na'anaxat na lo'oc.

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Salmos 113:9

Qataq Ñimaye ỹo'ot da huo'o ca lma' aca 'alo maye sa deco'o, qataq ỹanem da ntonaxac da ishet da nate'e acamaye. ¡Qaỹo'oxoren qome Ñim Nataxala'!

Salmos 118:21

'Am sho'oxoren qome 'Am Nataxala', cha'aye aỹem 'auasateguet co'ollaxa qataq nache 'am ica'alaxaqui.

Isaías 8:3

Qaq co'ollaq qaỹata'ague de'era, nache soue'eguet aso na'aqtaxanaxana maye maiche ihua, nache asomaye hualaxai, qaq co'ollaq deco'o nache ỹale so llalec. Huaña nache Ñim Nataxala' aỹem 'enapega, 'eeta': «'Anagui qome da le'enaxat Maher Salal Jasbaz.

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.

Oseas 1:4

Nache Ñim Nataxala' 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Jezreel, cha'aye sa ñaỹaloxon da sauo'o ca nhuaxanaguec na chegoxoguetpi so nta'a Jehú, souaxat da ỹataqta qalota so lalaatacpi co'ollaq huaña ye Jezreel, yaqto' nache loga't ñaqa'en da lo'onataxanaxac da nta'a na Israel.

Oseas 1:6

Qaq aso Gomer, qaltaq hualaxai co'ollaxa, nache co'ollaq deco'o, nache 'alo aso llale. Nache Ñim Nataxala', 'enapega so Oseas, 'eeta': «Aya'aye nogotole, 'aỹa'anagui da le'enaxat Lorrujama, cha'aye aỹem saishet da qaltaq sechoxoreetac da lo'onataxanaxac na Israel le'ecpi, qataq nache saishet da sapalaxat na lasouaxashetpi.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Mateo 14:27

Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Lucas 1:14

Da lañoxoc camaye 'am ỹo'otec qome da ỹataqta lta'araic da 'antonaxac, qataq qalota nataqa'en qome na machiguiñi.

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Lucas 2:21

Qaq co'ollaq mashe ivi' soua ocho na'axa'te da lañoxoc so nogotolec, nache qaỹauo'o so la'anaxat na lo'oc Somaye. Ime, qaq qoỹanagui da le'enaxat Jesús, dam ne'enaxat maye da'aqtaxanem co'ollaxa so lamaxashec Ñim Lo'onatac 'Enauacna aso María co'ollaq saxanaxa da hualaxai.

Hechos 10:31

Nache somaye aỹem 'enapega, 'eeta': «Cornelio, Ñim Lo'onatac 'Enauacna mashe hua'aqtega da 'anqouagaxaunaxac, qataq imeteetac 'enauac nam 'auo'otpi da 'autauaatac nam huo'o da lhuenaxanaxa.

Jueces 6:23

Nache Ñim Nataxala' 'enapeco': «'Am talec da nlagaxayec. Qaq saishet da 'añi'i, cha'aye saishet da 'aleu.»

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.