Levítico 7:9 - La'aqtaqa Ñim Lo'onatac 'Enauacna 2013

⁹ Qataq 'enauac aca nachetaqtaxanaqtepi maye nauole maye nauotaxaqui ana qatelaxanaxaqui, huo'otaq aca taxaqui qataq ca nauoxonaxala' acamaye, nache taỹot ca ntaxaỹaxanaxanec maye ỹaneuo.

Levítico 7:9 Iomraidhean Croise

2 Reyes 12:17

Qaq se'eso na'a'q, so Jazael maye nta'a ye Siria, taỹa co'ollaxa ye Gat da iloquiaxan nache loxonec. Qaq co'ollaq ime, nache qaltaq naỹamaxat da taỹa ye Jerusalén da iloquiaxan.

Ezequiel 44:29

Namayepi, ishet qome da chectac nam ala na nañiguishec, maye Aỹem ỹanot na Israel le'ecpi, qataq na shiguiỹacpi maye qoỹaneuo da nachetaqtaxanaxatpi souaxat na nasouaxashetpi, qataq ca nachetaqtaxanaxat souaxat ca lỹa nasouaxashet. Qataq 'enauac qome nam iỹotauga na Israel le'ecpi da Aỹem ỹanot, nache lalamaxat qome namayepi.

Levítico 2:10

Qaq ca no'onañi laỹepi aca'aca nachetaqtaxanaqte maye chegaqaigui ana ala ca nañiguishec, nache taỹot ñi Aarón qataq na llalaqpi. Cha'aye aca'aca qaiỹotauga nachetaqtaxanaqte maye qaỹavigaxat da qoỹanot Ñim Nataxala', acamaye ỹataqta sa qaishetapec.

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

Levítico 7:10

Qataq 'enauac aca nachetaqtaxanaqtepi maye chegaqaigui na lsoche ana ala ca nañiguishec, ca mashe ndaqñiguishec qataq lalegue ca aceite, huo'otaq ca saxanaxa da qairaqten, nache taỹot 'enauac na llalaqpi so Aarón. Qataq nache 'eeta'a't ye lcata ca taỹot ñi 'oonolec.

Levítico 7:8

Nataqa'en ca ntaxaỹaxanaxanec maye ỹaneuo aca nachetaqtaxanaqte qaỹavigaxatta, camaye nache lalamaxat ca lo'oc que'eca shiguiỹac maye nachetaqtaxanaxat.

Números 18:9

Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

1 Corintios 9:13

Qami' qauaỹaañi da na do'onataxaategueua'a añi no'onaxanaxaqui late'erai, namayepi chectac na nallec maye lalamaxat añi no'onaxanaxaqui. Dam ỹoqta sheetega 'eeta': nam huetapegue' añi nca'atoxonaxalate da ỹavigaxattac na nachetaqtaxanaxat huaca lapat, namayepi chectac na qaiỹotauga lapat.

1 Corintios 9:7

¿Negue't ca ishet da taua'a da nale ca nta'a, nache maiche nsheetetapeguela't? Qataq ¿negue't ca ishet da ỹaañi ana uva, qaq saishet da chec ana ala? Qataq ¿negue't ca ishet da ilotague' ana qagueta, qaq saishet da nỹomgui na lche' maye nlomtac?

Gálatas 6:6

Cha'aye ca mashe ỹaỹateeta da napaxaguenataguec da la'aqtac Ñim Lo'onatac 'Enauacna, qaq camaye no'on da nhuaate' ca napaxaguenaxala' 'enauac nam no'on maye ỹaconeguet.