Levítico 7:2 - La'aqtaqa Ñim Lo'onatac 'Enauacna 2013

² Qaq da qaỹalauat ca nachetaqtaxanaxat shiguiỹac maye sa imauaq da qaỹavigaxat, nache huaña qanqa'en ca nalaataqa' na shiguiỹac maye nachetaqtaxanaxat. Qaq ca ltago'q nache qaicoroto naua laỹel añi nca'atoxonaxalate.

Levítico 7:2 Iomraidhean Croise

Isaías 52:15

qaq nache 'eetec nataqa'en qome da qalota na ỹotta'a't shiỹaxauapi nam huo'o da la'aalaxa, qaq na nta'alpi qom ila'a nache 'eco' qaicaua naua la'aqtaqa, cha'aye ỹauaachigui qataq ỹaỹaten qome dam sa ỹauanega da hua'aqchigui.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Ezequiel 40:39

Qaq se'eso ñegueuo, nache netañalo soua cuatro nquia'axala'ate. Dos soua netañalo na 'oonolec laỹe se'eso ñegueuo, qaq nachesoua naxa soua qaỹachaleguete da qaỹalauat na shiguiỹacpi maye nachetaqtaxanaxat qaỹavigaxatta, qataq ana nachetaqtaxanaqte da yaqto' qaỹapalaxat na nasouaxashetpi, huo'otaq ca lỹa nasouaxashet.

Levítico 1:11

qataq da ipelecot na lqosot, nache ỹachaña da pa'aỹa'ague da sheu' añi nca'atoxonaxalate, huaña naqa'en ye lanataqa' Ñim Nataxala'. Nache ñeua ntaxaỹaxanaxanaqa maye chegoxogueta so Aarón, icoroto naua laỹel añi nca'atoxonaxalate ca ltago'q que'eca shiguiỹac.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 1:5

Ime, nache ỹalauat, ipelecot na lqosot que'eca huaca llalec, huaña naqa'en ye lanataqa' Ñim Nataxala', qaq ñeua llalqa so Aarón maye ntaxaỹaxanaxanaqa da qaitaxaỹapegue' Ñimaye, nache ỹacoora ca ltago'q que'eca shiguiỹac nache icoroto naua laỹel añi nca'atoxonaxalate maye netaña ye ñegueuo ñi npe'l.

Levítico 14:13

Qataq ipelecot na lqosot ca qagueta huaña naqa'en ye nalaataqa' na shiguiỹac maye qoỹaneuo da qaỹavigaxat. Qaq aca nachetaqtaxanaqte maye sa imauaq da qaỹavigaxat, nache lalamaqte ca ntaxaỹaxanaxanec. Qaq acamaye ỹataqta sa qaishetapec.

Levítico 3:2

Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Levítico 3:8

nache ỹashel-lec na lqaic. Ime, nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Ime, nache ñeua llalqa so Aarón icoroto naua laỹel añi nca'atoxonaxalate ca ltago'q.

Levítico 4:24

Nache ỹashel-lec na lqaic que'eca quetaq, qataq nache ỹalauat ipelecot na lqosot, ỹauaachigui naqa'en Ñim Nataxala', da huaña ye nalaataqa' ana nachetaqtaxanaqte maye qaỹavigaxatta, cha'aye nachetaqtaxanaxat maye sa imauaq da qaỹavigaxat.

Levítico 4:29

Ime, nache ỹashel-lec na lqaic aca'aca quetaq, qataq ipelecot na lqosot huaña ye nalaataqa' na shiguiỹac maye nachetaqtaxanaxat qaỹavigaxatta.

Levítico 4:33

Ime, nache ỹashel-lec na lqaic aca'aca qagueta, nache ipelecot na lqosot, cha'aye lachetaqtaxanaqte maye sa imauaq da qaỹavigaxat, huaña naqa'en ye nalaataqa' na shiguiỹac maye nachetaqtaxanaxat qaỹavigaxatta.

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Levítico 5:9

Ime, nache nlom da ichegoxolec na 'oonolec laỹe añi nca'atoxonaxalate ca ltago'q que'eca nachetaqtaxanaxat. Qaq ca no'onañi, nache ichegoqot na pa'aguiñi añi nca'atoxonaxalate, cha'aye nachetaqtaxanaxat maye sa imauaq da qaỹavigaxat.

Levítico 6:25

«Qonapega ñi Aarón qataq ñeua llalqa, qoneta': 'Era da llec aca nachetaqtaxanaqte maye sa imauaq da qaỹavigaxat, ca shiguiỹac nachetaqtaxanaxat da qaỹalauat, nache huaña ye nalaataqa' na shiguiỹac ỹauaachigui qanqa'en Ñim Nataxala', cha'aye acamaye ỹataqta sa qaishetapec.

Levítico 6:7

Nache camaye ỹanot Ñim Nataxala' ca lachetaqtaxanaxat yaqto' Ñimaye ỹapalaxat ca lasouaxashet que'eca shiỹaxaua, huo'otaq ca lỹa huasoilec camaye, nache qaỹapalaxat.»

Números 6:12

qataq nache chegoqchiguiña da qaltaq qaiỹotauga da lalamaxat Ñim Nataxala', qataq ỹaneuo ca qagueta llalec maye ivi' ye 'oonolec vi'i, da lachetaqtaxanaxat maye sa imauaq da qaỹavigaxat. Nache caua hua'au' na'axa'te saishet qome da qanaloqteereuo souaxat da qana'aqchet da lataxac camaye da qoỹanot Ñim Nataxala'.

Hebreos 11:28

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ỹo'ot so nquia'axac maye le'enaxat Lapascua. Nataqa'en damaxasoxoolec da qaỹa'ame'n naua laso'omi naua ntago'q naua lma'ate na Israel le'ecpi. Yaqto' so namaxashec piguem le'ec maye qanamaq da dalaataxan saishet da huo'o ca ỹalauat nam la'auaxanec llalec nam Israel le'ecpi.

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.