Levítico 5:4 - La'aqtaqa Ñim Lo'onatac 'Enauacna 2013

⁴ Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.

Levítico 5:4 Iomraidhean Croise

2 Samuel 21:7

Qalaxaye so nta'a ichoxoren co'ollaxa so Mefiboset, maye llalec so Jonatán, qataq laual so Saúl, souaxat da somaye naỹamaxate' co'ollaxa so Jonatán.

2 Reyes 6:31

Nache so nta'a 'enapeco': «Ñim Lo'onatac 'Enauacna, ỹataqta lta'araic qome naqa'en ca ñeuaxanaguec, da ne'ena na'a'q saishet da secheguec na lqaic ca Eliseo, maye llalec som Safat.»

Salmos 106:33

nache ỹataqta qaỹaỹallaqchet somaye, ỹoqo'oye sa ilo'oguelo naua la'aqtaqa co'ollaq detaqa.

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

Levítico 5:3

Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.

Números 30:6

Qaq aca 'alo da huo'otaq ỹalaxaraic da ỹan ca la'aqtac, nache da mashe ime da ỹan ca la'aqtac nache huaron,

Números 30:8

Qaq que'eca lhua acamaye da huo'otaq la'axaỹaxac da nỹalaqtoc ca ỹan la'aqtac acamaye, nache da sa ỹaỹamaxaren, nache acamaye saishet da iuen da ipacchigui cam ỹan co'ollaxa la'aqtac. Qaq Ñim Nataxala' ishet da ichoxoren acamaye.

Mateo 14:7

Nache ỹanem asomaye da la'aqtac da ipacchigui da ỹanem cam camachaqca iỹaxanaique asomaye.

Mateo 14:9

Nache so nta'a Herodes ỹataqta daquico. Qalaxaye mashe ỹan so la'aqtac maye 'enapec da ipacchigui, qataq souaxat so lquia'axauapi maye hua'aqchigui co'ollaxa somaye, nache damaxasoxoolec da qoỹami' asomaye so iỹaxanaua'a.

Marcos 6:23

Na'aictaxa da tachiguingui na laiñi nam 'alhuapi maye selotague' da 'auỹaxaneua'a, qalaxaye, nache 'ena'am san da ỹa'aqtac da 'am sami'.

Hechos 23:12

Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Josué 2:14

Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»

Josué 9:15

Huaña nache so Josué naỹamaxateto soua Gabaón lashe', nache ỹan so la'aqtac da saishet da huo'o ca 'ena'aque qataq da ichoxore'n da nachaalataxa'c. Nataqa'en se'eso lataxala'pi so Israel le'ecpi ỹaỹamaxareeta de'era aỹamaxataxac.

Jueces 11:31

nache qom ñe'eguelaq da mashe sauegaxan que'eca alaataxac, nache cam na'autec da chegoqteua'a ñi ima' da aỹem ca'atta'aguet, nacheca qome ca 'am sanot da savigaxat ỹachetaqtaxanaxat.»

Jueces 21:18

Qalaxaye qomi' saishet da sanaxauec ana qoyalepi da huaroneguet namayepi, cha'aye 'enauac nam Israel le'ecpi mashe sanaq co'ollaxa so qara'aqtac da qaỹo'ot da nhuaxanaguec cam ỹan aca llale da huaroneguet naqa'en nam chegoxoguetpi so Benjamín.

Jueces 21:7

¿Qaq ca shenaqteco' qome da sauoqo'o aca lhua nam no'onañipi ỹalleppi maye chegoxoguetpi so Benjamín? Cha'aye qomi' sanqot co'ollaxa so qara'aqtac Ñim Nataxala' da saishet da sashenaxaguet ana qoyalepi da huaroneguet namayepi.

Jueces 9:19

Qalaxaye nagui qami' shenapegalo: ¡Da ỹoqta 'eesa da ỹaỹamaqchiguiñi, qataq da ỹoqta lataxac qanqa'eñi da qauo'ochec so Yerubaal qataq na llalaqpi, nache ñi Abimelec ỹataqta qami' machiyiñi naqa'en qome, qataq ñimaye ỹataqta machiguiñi qanqa'aiñi!

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

1 Samuel 25:22

Nache somaye, 'enapeco': ¡Ñim Lo'onatac 'Enauacna, ỹataqta lta'araic naqa'en ca ñeuaxanaguec, qom sa nmichiguiñi ñaqa'en nagui, huo'otaq qonte' ca nnaictague'pi camaye!»