Levítico 5:1 - La'aqtaqa Ñim Lo'onatac 'Enauacna 2013

¹ Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

Levítico 5:1 Iomraidhean Croise

1 Reyes 22:16

Qalaxaye so nta'a 'enapeco': ¿Qaq chaq lcate' da she'eguelaxaalec da 'am shenapega, da 'aỹa'an ca 'ara'aqtac, nache aỹem 'aua'aqtaxaatem ca ỹataqta 'eesa la'aqtac Ñim Nataxala'?

1 Reyes 8:31

Qaq da huo'otaq huo'o ca 'oonolec da huo'o ca lasouaxashet, souaxat da ỹo'otec ca saỹaỹamaxañi ca lỹa, nache da qanauegueua'a añi nca'atoxonaxalate maye netaña ana'ana atamnaxaqui, da ỹan qanqa'en ca la'aqtac,

2 Crónicas 18:15

Qalaxaye so nta'a 'enapeco': ¿Chaq lcata naxa da 'am ñachoxonnot, da aỹem 'aua'aqtaxaatem ca ỹataqta 'eesa lataxac maye chegoqo'ot Ñim Nataxala'?

Salmos 38:4

Na qauem maye so'otpi co'ollaxa ỹataqta aỹem ipataxañi, namaye ỹataqta qapa'atta, saishet da ñalo'oguet.

Éxodo 22:11

nache que'eca shiỹaxaua ỹan ca la'aqtac hua'aqchigui naqa'en Ñim Nataxala', da saishet da ỹacona que'eca shiguiỹac maye lalamaxat ca lỹa, nache que'eca lalamaxat que'eca shiguiỹac ỹa'amaqten da la'aqtac camaye, nache ca ilotague' ca shiguiỹac sa iuen da isheeten.

Proverbios 29:24

Ca huaqtapeeguet ca cachaxaic camaye maiche na'aqchettapeguela't, cha'aye na'aictaxa da hua'aqtega da nsheunaguec qalaxaye sa da'aqtaxan.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Ezequiel 18:20

Qaq nachecata cam huo'o ca lasouaxashet da ileu qome. Qaq cam ñalec saishet da isheeten ca lasouaxashet ca lta'a, qataq cam nta'a saishet da isheeten ca lasouaxashet ca llalec. Qaq ca no'on da lataxac, qalaq ỹaconeguet qome ca lasheechiỹaxac ca nalochiguiñi lataxac maye ỹo'ot, qaq ca qauemaic qalaq ỹaconeguet qome ca nhuaxanaguec souaxat dam qauem lataxac.

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Levítico 17:16

Qalaxaye da saishet da iỹoi' caua alogo, qataq da saishet da nachel, nache camaye maiche nque'etaxangui ca lasouaxashet.»

Levítico 19:8

Qaq ca chec acamaye, nache nque'etaxangui ca maiche lasouaxashet, qaq camaye nache qaỹo'orauec, ca'ai qanqa'en ca lauo' le'ecpi, cha'aye qaica ca naigui naqa'en cam qoỹanot Ñim Nataxala'.

Levítico 20:17

Qaq da huo'o ca ỹale da hue'eguet aca maiche lqaỹa, da huo'otaq ỹaqauga llale ca lta'a, huo'otaq aca late'e, nache caamaye qaỹalaua't, ỹauaachigui qanqa'en ca lma' le'ecpi, cha'aye ỹe'en aca maiche lqaỹa. Nache nque'etaxangui de'era maiche lasouaxashet.

Levítico 4:2

«Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

Levítico 7:18

Qaq da huo'otaq huo'o ca chec que'eca lapat maye ivirauga ca na'a'q tres, nache Ñim Nataxala' saishet da ỹaconeguet qataq qaica ca naigui naqa'en aca'aca nachetaqtaxanaqte, cha'aye mashe qauem. Qaq que'eca shiỹaxaua maye chec que'eca lapat, camaye nque'etaxangui qome ca lasouaxashet.

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Jueces 17:2

Somaye da'aqtaxanem co'ollaxa aso late'e, 'eeta': «Sa'aqchigui so qauem 'ara'aqtac maye 'auasaxalec so decachiỹa aso 'om maye ivi' mil cien lcatpi plata. Qaq nachaỹem maye 'am secachiỹot, qalaxaye nagui 'am she'eguelaxatot ayemaye.»