Levítico 4:4 - La'aqtaqa Ñim Lo'onatac 'Enauacna 2013

⁴ Qataq iroua'a ye ñegueuo ñi npe'l maye huaña naxa da qanauane' Ñim Nataxala' que'eca huaca, nache ỹashel-lec na lqaic. Ime, nache ipelecot na lqosot huaña naqa'en ye lanataqa' Ñim Nataxala'.

Levítico 4:4 Iomraidhean Croise

2 Crónicas 29:23

Ime nache so quetaq llalaqpi maye nachetaqtaxanaxat souaxat na nasouaxashetpi, qaỹauega som hueta'a so nta'a qataq so shiỹaxauapi maye lapoota'a't da yaqto' somayepi ỹashel-lec na lqaic se'eso shiguiỹacpi.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 4:15

Huaña, nache na nqueroxonecpi maye lataxala'pi na Israel le'ecpi, ỹashel-lec na lqaic que'eca huaca. Ime, nache ipelecot na lqosot, huaña naqa'en ye lanataqa' Ñim Nataxala'.

Levítico 4:29

Ime, nache ỹashel-lec na lqaic aca'aca quetaq, qataq ipelecot na lqosot huaña ye nalaataqa' na shiguiỹac maye nachetaqtaxanaxat qaỹavigaxatta.

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Números 8:12

Ime, nache na leviitapi ỹashel-lec na lqaic ca huaca llalaqpi, nache ca 'oonolec que'eca huaca llalaqpi, ỹaneuo da yaqto' qaỹapalaxat na lasouaxashetpi, qaq ca lỹa qalaq ỹanot Ñim Nataxala' da lachetaqtaxanaxat sa imauaq da qaỹavigaxatta.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.