Levítico 4:3 - La'aqtaqa Ñim Lo'onatac 'Enauacna 2013

³ ‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Levítico 4:3 Iomraidhean Croise

2 Crónicas 29:21

Qataq ỹache so siete huaca llalaqpi, siete peenaqpi, siete qagueta llalaqpi, qataq siete quetaq llalaqpi, da lachetaqtaxanaxatpi da yaqto' qaỹapalaxat na lasouaxashetpi so llalaqpi so nta'alpi, atamnaxaqui, qataq na lasouaxashetpi so Judá le'ecpi. Ime, nache so nta'a ỹamaxalec so ntaxaỹaxanaxanecpi maye chegoxoguetpi so Aarón, da ỹaneuo aso nachetaqtaxanaqte da qaỹapalaxat na nasouaxashet, ỹachalec aso nca'atoxonaxalate maye lalamaqte Ñim Nataxala'.

Esdras 8:35

Qaq so mashe ime 'enauac de'era, nache so ñe'eguelaqpi maye chegaqa'a ye Babilonia, ndouo so doce huaca llalaqpi, qataq noventa y seis so qagueta lhuaraicpi, qataq setenta y siete so qagueta llalaqpi, qataq doce soua quetaq, da lachetaqtaxanaxatpi da qaỹapalaxat na lasouaxashetpi. Nache 'enauac somayepi qaỹavigaxat da qaỹo'oxoren Ñim Nataxala'.

Éxodo 29:14

qalaxaye ca lapat, qataq lo'oc, qataq ca aloq nache 'auavigaxa't, 'arouga ca pa'auec ca nanataqa' maye qanayeuta'a, cha'aye camaye nachetaqtaxanaxat maye sa imauaq da qaỹavigaxat.

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Éxodo 29:7

Ime, nache 'auacona ca aceite nache 'aucorelec na lqaic da yaqto' 'aỹotauga da ntaxaỹaxanaxanec.

Éxodo 30:10

Qataq ye 'oonolec vi'i nache huetoigui da ñi Aarón, ỹo'ot aca nachetaqtaxanaqte ỹavigaxat da yaqto' qaỹapalaxat ca lasouaxashet ca dalaxaic ñalaqpi, nache ca ltago'q aca nachetaqtaxanaqte maye qanhuaachigui ỹa'ame'n caua lcoue aca nca'atoxonaxalate. Nache aca'aca nca'atoxonaxalate ỹataqta sa qaishetapec».

Ezequiel 40:39

Qaq se'eso ñegueuo, nache netañalo soua cuatro nquia'axala'ate. Dos soua netañalo na 'oonolec laỹe se'eso ñegueuo, qaq nachesoua naxa soua qaỹachaleguete da qaỹalauat na shiguiỹacpi maye nachetaqtaxanaxat qaỹavigaxatta, qataq ana nachetaqtaxanaqte da yaqto' qaỹapalaxat na nasouaxashetpi, huo'otaq ca lỹa nasouaxashet.

Ezequiel 43:19

Qaq na ntaxaỹaxanaxanecpi leviitapi maye chegoxoguet so Sadoc, nam iuen da Aỹem nquigueua'a da aỹem do'onataxanot, qalaq 'aỹa'anem qome ca 'oonolec huaca llalec da yaqto' ỹan da lachetaqtaxanaxat souaxat nam nasouaxashetpi. Qaq 'era da ỹamaxasoxonaxac Aỹem Nataxala'.

Ezequiel 44:27

Qaq da ỹe'eguelaxaua'a ca pa'aỹauo qasoxoc aca atamnaxaqui da yaqto' ỹo'ot nam lo'onatacpi, nache ỹauo'o ca ỹaneuo lachetaqtaxanaxat souaxat ca lasouaxashet. Qaq 'era da ỹamaxasoxonaxac Aỹem Nataxala'.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 16:11

Nache ñi Aarón ỹa'auaxaañi da ỹaneuo ca huaca maye maiche lachetaqtaxanaxat sa imauaq da qaỹavigaxat yaqto' qaỹapalaxat na lasouaxashetpi, qataq na lasouaxashetpi na llalaqpi.

Levítico 16:3

Qaq ñimaye da huenoxoneua'a ye pa'auo ñi npe'l, nache irouo ca 'oonolec huaca da lachetaqtaxanaxat maye sa imauaq da qaỹavigaxat, qataq ca 'oonolec qagueta da lachetaqtaxanaxat qaỹavigaxatta.

Levítico 16:5

Qataq ñi Aarón, nache ỹachegoxotaigui na Israel le'ecpi caua dos quetaq da yaqto' namayepi lachetaqtaxanaxa't maye sa imauaq da qaỹavigaxat, qataq ca qagueta lhuaraic da lachetaqtaxanaxat qaỹavigaxatta.

Levítico 16:6

Qalaxaye ỹa'auaxaañi da ỹaneuo ca huaca maye maiche lachetaqtaxanaxat sa imauaq da qaỹavigaxat, yaqto' qaỹapalaxat na lasouaxashet qataq na lasouaxashetpi na llalaqpi ñimaye.

Levítico 4:14

Qaq da ivita da ỹaỹaten ca npe'enaxac namayepi, nache iuen da ỹaneuo ca huaca da lachetaqtaxanaxat maye sa imauaq da qaỹavigaxat. Ime, nache iroua'a ñi npe'l maye huaña naxa da qanauane' Ñim Nataxala'.

Levítico 4:23

Qaq camaye da ivita da ỹaỹaten da huo'o ca lasouaxashet, nache ỹauo'o ca ỹaneuo lachetaqtaxanaxat quetaq maye qaica ca lque'emaxa.

Levítico 4:28

Qaq da ỹaỹaten da huo'o ca lasouaxashet, nache ỹauo'o aca ỹaneuo quetaq, qataq qaica ca lque'emaxa da lachetaqtaxanaqte sa imauaq da qaỹavigaxat, souaxat ca lasouaxashet.

Levítico 4:5

Ime, nache camaye ỹacona ca laỹe' ca ltago'q ca huaca llalec, nache iroua'a ye pa'auo ñi npe'l maye huaña naxa da qanauane' Ñim Nataxala',

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 6:18

Qataq 'enauac na llalaqpi ỹalleppi ñi Aarón, ishet da chec acamaye. Qaq 'era qome da nache 'eetai' lataxac da qoyecỹaxaqui, na qaỹa'alquipi qataq ca qami' chegoxogueta, da qaỹo'ot aca nachetaqtaxanaqte maye qaỹavigaxat da qoỹanot Ñim Nataxala'. Qalaxaye 'enauac ca ỹaqauga, saishet da ipoteua'a, cha'aye acamaye sa qaishetapec.»

Levítico 8:12

Ime, nache somaye icorelec na lqaic so Aarón so aceite, nache ỹanagui da lo'onataxanaxac da ntaxaỹaxanaxanec da qaitaxaỹapegue' Ñim Nataxala'.

Levítico 9:2

Nache 'enapego' so Aarón, 'eeta': «'Auaconeua'a qome ca huaca, yaqto' nachetaqtaxanaxat maye sa imauaq da qaỹavigaxat, qataq ca qagueta lhuaraic maye qaica ca lque'emaxa, yaqto' nachetaqtaxanaxat qaỹavigaxatta, nache qoỹanot Ñim Nataxala'.

Levítico 9:3

Qaq na Israel le'ecpi, qalaq qonapega qome, qoneta': ‹Qandoiuo qome ca quetaq yaqto' nachetaqtaxanaxat maye sa imauaq da qaỹavigaxat, qataq ca huaca, qataq ca qagueta maye ñaq 'oonolec vi'i, qataq qaica ca lque'emaxa, yaqto' nachetaqtaxanaxat qaỹavigaxatta,

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Números 8:8

Qaq da ime, nache namayepi ỹacona ca 'oonolec huaca llalec, qataq ca laỹolec na ỹataqta no'on 'ayiiña, maye qairaqneguet na aceite, nache qaỹo'ot ca nachetaqtaxanaxat chegaqaigui na ala na nañiguishec, qaq 'am qalaq 'auacona ca lỹa huaca llalec, da yaqto' nachetaqtaxanaxat sa imauaq da qaỹavigaxat.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Hebreos 5:3

Camaye ỹaneuo ana nachetaqtaxanaqte maye saishet da qaỹavigaxat, qataq ana qaỹavigaxatta, yaqto' Ñim Lo'onatac 'Enauacna ỹapalaxat na lasouaxashetpi na Israel le'ecpi, qataq nataqa'en na maiche lasouaxashet camaye, cha'aye nataqa'en saishet da ỹalaq.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.