Levítico 3:2 - La'aqtaqa Ñim Lo'onatac 'Enauacna 2013

² Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Levítico 3:2 Iomraidhean Croise

Éxodo 29:10

Qaq da ime, nache 'auauegueua'a ca lasom ca npe'l ca huaca llalec, yaqto' ñi Aarón qataq ñeua llalqa, ỹashel-leguete na lqaic que'eca shiguiỹac,

Éxodo 29:11

nache ỹauaachigui 'anqa'en Ñim Nataxala' da 'aualauat que'eca huaca llalec, huaña ca ñegueuo ca npe'l.

Éxodo 29:15

Qataq 'auacona ca 'oonolec caua qagueta, yaqto' ñi Aarón qataq ñeua llalqa ỹashel-leguete qome na lqaic que'eca shiguiỹac.

Éxodo 29:16

Qaq da ime, nache 'aualauat, nache ca ltago'q 'achegoqoto caua laỹel aca nca'atoxonaxalate,

Éxodo 29:19

Ime, qataq 'auacona ca lỹa qagueta yaqto' ñi Aarón qataq ñeua llalqa ỹashel-leguete na lqaic camaye.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Levítico 1:11

qataq da ipelecot na lqosot, nache ỹachaña da pa'aỹa'ague da sheu' añi nca'atoxonaxalate, huaña naqa'en ye lanataqa' Ñim Nataxala'. Nache ñeua ntaxaỹaxanaxanaqa maye chegoxogueta so Aarón, icoroto naua laỹel añi nca'atoxonaxalate ca ltago'q que'eca shiguiỹac.

Levítico 17:3

Da huo'o ca 'oonolec na Israel le'ecpi da ỹalauat ca huaca, qagueta huo'otaq quetaq, da huaña ca qanayeetaña, huo'otaq ca pa'aỹauec ca nanataqa',

Levítico 17:4

qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

Levítico 3:3

Nache que'eca ỹaneuo aca lachetaqtaxanaqte, camaye ỹanot Ñim Nataxala' ca lcheta na lauel le'ec que'eca shiguiỹac, da yaqto' lachetaqtaxanaqte maye qaỹavigaxat,

Levítico 3:8

nache ỹashel-lec na lqaic. Ime, nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Ime, nache ñeua llalqa so Aarón icoroto naua laỹel añi nca'atoxonaxalate ca ltago'q.

Levítico 8:22

Ime, nache so Moisés damaxasoxoneuga so lỹa qagueta maye nachetaqtaxanaxat, da huo'o ca qoỹanagui da lo'onataxanaxac. Nache so Aarón qataq soua llalqa ỹashel-leguete na lqaic somaye.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Números 18:17

Qalaxaye ca la'auaxanec llalec ana huaca, qagueta, qataq na quetaq, saishet da huo'o ca lasheue da nmeneguet 'anqa'en. Cha'aye namaye qaiỹotauga da ỹalamaxat, nache qaỹalauat qome, qaq na ltago'q, nache qaiquetegaxaalec añi nca'atoxonaxalate, qaq na lcheta qaỹavigaxat da nachetaqtaxanaxat, yaqto' da ama laitaỹaxac ỹamaateguet Ñim Nataxala'.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.