Levítico 3:12 - La'aqtaqa Ñim Lo'onatac 'Enauacna 2013

¹² Qaq da ỹaneuo aca quetaq da lachetaqtaxanaqte da ỹanot Ñim Nataxala',

Levítico 3:12 Iomraidhean Croise

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 1:2

«Qonapega qome na Israel le'ecpi, da huo'o ca 'oonolec namayepi da Aỹem ỹanot ca lachetaqtaxanaxat shiguiỹac, nache ndouo ca huaca, qagueta huo'otaq quetaq.

Levítico 1:6

Qaq ca ỹaneuo que'eca shiguiỹac da lachetaqtaxanaxat qaỹavigaxatta, camaye nacheca ca nqat ca lo'oc qataq npilliguiñi.

Levítico 10:16

Qaq co'ollaq ime, nache so Moisés denataxanaique so quetaq maye qoỹaneuo da nachetaqtaxanaxat maye sa imauaq da qaỹavigaxat, nache choche ỹe'elaqtem da mashe qaỹavixaxat. Nache ỹataqta dalemataỹa so Eleazar qataq so Itamar, soua no'oirañi llalqa so Aarón, nache inatta'apo', 'eeta':

Levítico 3:1

«Qaq da huo'o ca 'oonolec da qoñiita da ndouo aca lachetaqtaxanaqte, nache ỹauota'a aca huaca 'alo, huo'otaq ỹale da ỹanot Ñim Nataxala', da yaqto' qanhuaachigui, qalaxaye que'eca shiguiỹac iuen da qaica ca lque'emaxa.

Levítico 9:15

Ime, nache so Aarón ỹaneuo nataqa'en so lachetaqtaxanaxat so Israel le'ecpi. Nache ỹacona so quetaq maye nachetaqtaxanaxat sa imauaq da qaỹavigaxat, nache ipelecot na lqosot, yaqto' qaỹapalaxat na nasouaxashetpi, 'eeta'am so hua'auñi lachetaqtaxanaxat.

Levítico 9:3

Qaq na Israel le'ecpi, qalaq qonapega qome, qoneta': ‹Qandoiuo qome ca quetaq yaqto' nachetaqtaxanaxat maye sa imauaq da qaỹavigaxat, qataq ca huaca, qataq ca qagueta maye ñaq 'oonolec vi'i, qataq qaica ca lque'emaxa, yaqto' nachetaqtaxanaxat qaỹavigaxatta,

Números 15:6

Qaq da nachetaqtaxanaxat ca peenaq, nache huaqtalec qanqa'en ca cuatro kilos ca 'ayiiña maye qairaqneguet ca napactelec ca un litro na aceite,

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.