Levítico 26:7 - La'aqtaqa Ñim Lo'onatac 'Enauacna 2013

⁷ Qataq qami' dataueguesopa ca qami' ipa'agueeta'ape, qataq iqallem ca qaro'ogoxonaxache da qami' dataỹa'agueta.

Levítico 26:7 Iomraidhean Croise

1 Crónicas 19:15

Qaq so amoniitapi co'ollaq ila'a da datauec so siiriopi, nache nataqa'en somayepi dataueeguesop so Abisay, som lqaỹa so Joab, nache ỹe'eguenaua'a so huaqta'a't nỹecpi. Huaña nache so Joab, ỹe'eguelaxa ye Jerusalén.

Ester 9:16

Qaq nataqa'en so laỹepi judiopi maye hueta'a so laỹepi 'alhuapi, laỹona't co'ollaxa, nache naỹamaxat da mpaxaalec da nachaalataxac, qataq dataỹa'aguet so mpa'aguenaxauapi, nache ỹalauat so setenta y cinco mil somayepi, qalaxaye saishet da huo'o ca ỹacona so logoxoshetpi somayepi.

Salmos 81:15

Nache na nquiỹatapega Ñim Nataxala', ỹe'eguenot taxa Ñimaye, qalaxaye chochaq tatec taxa da nhuaxanaguec namayepi.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Levítico 26:6

Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Levítico 26:8

Qaq caua cinco da qoñiita, nache datauec naqa'en ca cien, qaq ca cien da qoñiita, nache datauec naqa'en ca diez mil. Nache ca qami' ipa'agueetacpi iqallem qome ca qaro'ogoxonaxache da qami' dataỹa'agueta.

Deuteronómio 28:7

Qataq Ñim Nataxala' 'am ỹanem qome da 'oxonec ca 'ampa'aguenaxauapi da 'am iloquiaxan, na'aictaxa da nalochiguiñi camayepi da 'am naỹa, qalaxaye da datauec nache ỹataqta nlagaxattac.

Deuteronómio 32:30

¿Ca 'eeteco' ca 'oonolec ỹale da ỹo'orauec ca mil alleppi? ¿Huo'otaq caua dos ỹale't da datauec naqa'en ca diez mil alleppi? ¡Da saishet da nacheñi Ñim Nataxala' da ỹaneguet namayepi ca mpa'aguenaxauapi!

Josué 23:10

Qaq ca 'oonolec da qoñiita qalaq ishet da datauec naqa'en ca mil alleppi, cha'aye Ñim Nataxala' maye Qanatamnaxala'ai qami' deloctegueleguete, cha'aye maiche la'aqtac co'ollaxa Ñimaye.

Jueces 15:15

Huaña nache ila'a so 'ashena lanoc maye saxanaxa da daqaqta, huetaña ye qanayeuta'a. Qaq nacheso so irolec da ỹalauat so mil filisteopi.

Jueces 4:16

Qalaxaye so Barac icaatac so alleppi qataq aso nalaataxaqui laigonapi so Sísara, nache iviraxatta'a ye Jaroset Goyín. Nache se'eso na'a'q ỹataqta qaica da huo'otaq 'oonolec ca no'onañi da nca'altauec som nalleppi so Sísara. Nache 'enauac ileu.

Jueces 7:23

Huaña, nache qaiỹaxana so Israel le'ecpi maye chegoxoguetpi so Neftalí qataq so chegoxoguetpi so Aser qataq 'enauac so chegoxoguetpi so Manasés, da yaqto' icanapec so madianiitapi.

1 Samuel 14:13

Nache so Jonatán nqapectasheguem da quisheguem, qaq so ltaua nache ca'attasheguemgue, huaña nache so Jonatán delogui' co'ollaxa so filisteopi, qaq som shiỹaxauapi maye nqalagoqtañi naqa'en somaye, nache so ltaua ipagaqnauec da ỹalauat.