Levítico 26:6 - La'aqtaqa Ñim Lo'onatac 'Enauacna 2013

⁶ Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Levítico 26:6 Iomraidhean Croise

2 Reyes 2:24

Nache so Eliseo, nqoilec co'ollaxa ỹamata'aguet somayepi, nache ỹauota'a da le'enaxat Ñim Nataxala' da talec naqa'en somayepi so qauem la'aqtac. Huaña, nache ana'c soua dos oso maye chegoqraigui so aviaq, nache ỹataqta icolaxattac so cuarenta y dos se'eso nsoxoppi.

1 Crónicas 22:9

Qalaxaye huo'o qome ca 'aỹa'alec maye nlaqchigui da nlagaxayec, qaq na npa'aguenaxauapi maye lauoreuapi, so'otec qome da nhuoteete' camaye, qaq ỹoqo'oye camaye le'enaxat qome Salomón.

2 Crónicas 20:30

Qaq ỹoqo'oye da lo'onataxanaxac so Josafat, ỹataqta huo'o da nlagaxayec, cha'aye Ñim Lo'onatac 'Enauacna ỹanem da qaica cara somaye, qataq da nhuoteete' so shiỹaxauapi maye lauoreuapi.

Da na'aqtaguec so Job 11:19

Da 'annaañi qalaq qaica da huo'o ca 'am icolanaqchettac, nache qalota qome na 'am naỹa da nshetaique da 'aỹa'anem ca 'artaunaxanaxac.

Da na'aqtaguec so Job 5:23

Na coma'pi qalaq saishet qome da na'aqchet ca 'ano'onaxa qataq ca shiguiỹacpi 'enauac da 'anhuoteete'.

Salmos 144:14

Ca qarauegaxanaxala'pi ñaq huo'o qome da la'añaxac da qaỹo'onataxaalec, saishet qome da huo'o ca ñegueuo qataq ca ñeguec, qataq qaica ca na'alaxac naua qanqa'aico souaxat da nachetataic.

Salmos 147:14

Ñimaye ỹauo'o da nlagaxayec na 'ana'alhua, qataq 'am iquia'axanec na no'on ala na trigo.

Salmos 29:11

Ñim Nataxala' ỹanem da la'añaxac na lalamaxat nhuo' le'ecpi, qataq ỹanem da nqouagaxa na lalamaxatpi qataq lactapiguiñi naqa'en.

Salmos 3:5

Qaq ỹoqo'oye da choche ñenaañi nache so'oche, qaq da ime qaltaq ñelouec, cha'aye Ñim Nataxala' aỹem ỹanem da ltaunaxanaxac.

Salmos 4:8

Da ñenaañi qalaq she'emaqtac, qataq sa qaỹaloq da so'oche, cha'aye 'Am Nataxala', aỹem 'aỹa'anem da qaica ca ñeraqtaique.

Salmos 85:8

Aỹem ña'axaỹaxana qome ca la'aqtac Ñim Nataxala', cha'aye Ñimaye ỹa'axatem qome da nlagaxayec na lalamaxat nhuo' le'ecpi, yaqto' namayepi saishet da ỹe'eguelaxa da lle'etaxaloxo.

Éxodo 23:29

Qalaxaye saishet qome da samaqauec yemayepi ca 'oonolec vi'i. Ten, qom toolec yi'iye 'alhua, nache ishet da nquiguec ca shiguiỹacpi maye huauec. Nache qami' itoi'.

Proverbios 3:24

Da 'anmatec qalaq qaica ca 'añe'etaique, qataq da 'annaañi qalaq qaica ca machaqca da 'aro'ochaxa.

Proverbios 6:22

yaqto' 'am ỹaueca'agueta da huo'o ca 'aigue, qataq 'am npaxattaleguete da 'auo'ocheta, qataq da 'anlouec nache 'am detaqtacoto.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Isaías 35:9

Qataq yemaye qaica qome na llonpi, qataq saishet da nhuogoua'a nam laỹepi shiguiỹacpi maye chaqaicpi. Qaq nachenata nam qanca'alaxatecpi maye quetague' qome se'eso nqa'aic.

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Jeremías 31:26

Qaq huaña, nache ñelouec, qataq sauacheguelo naua ỹa'ai'te, nache ỹataqta saỹamaxareeta so ichoxonaxac.

Ezequiel 14:15

Qaq da ñamaxa ca shiguiỹacpi maye qauemaicpi ca lỹa 'alhua da yaqto' ỹalauat ca netalecpi camaye, nache ỹe'eguelaxa da toolec naqa'en qataq qaica ca ishet da ỹa'axasoxoolec camaye, souaxat da ñe'etaique na shiguiỹac maye qauemaicpi,

Ezequiel 14:17

Qaq da ñamaxa ca alaataxac que'eca 'alhua, qataq da samaxasoxoolec da qaỹalauat na shiỹaxauapi qataq na shiguiỹacpi,

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Ezequiel 34:27

Nache ana qo'oipaqpi maye netalec na no'onaxa, huo'o qome aca alapi, qataq na 'alhua qanqat qome na ala na nañiguishecpi, nache anamayepi ỹe'emaqtac qom hueta'a ye maiche na'alhua. Qaq nam ỹalamaxat nhuo' le'ecpi qom ivita da sesoueeguesop nam icoñettai' namayepi, nache huaña da ỹaỹaten da Aỹem nachaỹem Nataxala'.

Ezequiel 5:17

Aja', Aỹem so'ot qome da qami' taleguete ca nqouaxa, napiina qataq nleuaxa, qataq ca shiguiỹacpi maye qauemaicpi nache qaica naqa'en ca no'onañi ca qaỹa'alquipi, qataq da qoñeeta so'ot qome da qalota ca ileuaigui ca alaataxac. Qaq 'era da ỹa'aqtac Aỹem Nataxala'.»

Oseas 2:18

Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.

Levítico 25:18

Ỹataqta qaualaqailec qome na iqataxacpi, qataq ỹataqta qauo'oche na ỹamaxasoxonaxacpi, yaqto' qaica ca machaqca da qanachaalataxaqui ca 'alhua maye qoñiitaña.

Levítico 25:19

Qaq ca qana'alhuai ỹataqta qalota qome da alaỹaxac, nache chochaq huañi da qarquia'axaqui, ivitta'a da qami' comaraxaiqa, nache qaica camachaqca da qanachaalataxaqui.

Levítico 26:22

Nache qami' samaxaleguete ca shiguiỹacpi maye dequi'iỹapec, da yaqto' chec ca qaỹa'alquipi, qataq ito ca qareloipi, nache nquigaxattañi, qataq ivitta'a da toteguelo caua qanqa'aicolli'.

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Levítico 26:7

Qataq qami' dataueguesopa ca qami' ipa'agueeta'ape, qataq iqallem ca qaro'ogoxonaxache da qami' dataỹa'agueta.

Miqueas 4:4

Qaq huaña qome nache namayepi ỹataqta qaica ca ñe'etaique, da hueto'ot ca lpaqal aca maiche lañiguishe uva huo'otaq hiigo da nmatteguec. ¡'Era da la'aqtac Ñim Nataxala' maye qaica ca Ỹaqalanapec!

Sofonías 3:13

Na no'onañipi maye lca'alaxaicpi nam nhuo' Israel le'ecpi, saishet qome da ỹo'ot na saỹaỹamaxañi lataxacpi, qataq saishet qome da ỹa'axattac nam saq 'enpi, qataq saishet da huetaigui na alap ca natenataxanaxac. Cha'aye namayepi qailotague' qome, nache da nmatec qalaq qaica ca ñe'etaique.»

Hageo 2:9

Qaq ana'ana dalaxai atamnaxaqui, anamaye ỹactec qome da lyac, qaq saq 'ena'am aso hua'auchiguiñi. Qataq Aỹem so'otec qome da huo'o da nlagaxayec ne'ena qanayeeta'a 'alhua. Aỹem Nataxala' maye Qaica ca Seqalanapec, 'era da ỹa'aqtac.»

Zacarías 9:10

Qaq namaye ilaxachigui qome ana nnaigonapi ye Ifraín, qataq na lalopi caipi na Jerusalén, qataq na checnecpi maye lo'o da alaataxac. Nache ỹa'axatem da nlagaxayec 'enauac na ỹotta'a't shiỹaxauapi, qataq da lo'onataxanaxac ilo'ogue 'enauac ana auaxaipi, chegoqchiguiña ye Éufrates, nache ivitta'a ca ỹataqta pa'atec ana 'alhua.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Hechos 12:6

Qaq se'eso pe maye pa'aiguet se'eso na'a'q maye so Herodes huotaique da nqatec so Pedro da ỹachaxana na shiỹaxauapi. Nache so Pedro do'ocheto', huetanguilo soua dos huataxanaq lashe', qaicoñetta'aque soua dos lque'ete. Qaq soua lỹa't huataxanaq lashe' nauaata'ape so lasom aso ncoñetaxanaxaqui.

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.