Levítico 26:44 - La'aqtaqa Ñim Lo'onatac 'Enauacna 2013

⁴⁴ Qaq na'aictaxa da ñaq qoñiitaña ca na'alhua ca qampa'aguenaxauaipi, qalaxaye saishet qome da qami' so'ota'n, qataq saishet da qami' imereuo ñaqa'en, cha'aye saishet da ñelaxaañi so ñaỹamataxac co'ollaq ñaỹamaxate' so qarta'ailpi. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 26:44 Iomraidhean Croise

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

Nehemías 9:17

Nache saishet da 'am na'axaỹaxana, qataq saishet da ntoueeta'ac so qaica ca 'ena'am da llo'oxoyec, maye 'auo'otec somayepi. Nache ỹataqta 'am saỹalaxaguet, ivitta'a da ỹauo'o so ỹaneuo lataxala' da yaqto' ỹe'eguelaxata da nlataguec somayepi ye Egipto. Qalaxaye 'am saishet da 'aualat co'ollaxa somayepi, cha'aye 'am Atamnaxala', 'am choxonnataxanaxaic, qataq sa da'angui añi 'arquiyaqte, qataq qaỹoqchiguinguit da 'aralemataic, cha'aye ỹataqta lta'araic da 'arauotaxanaqtaic.

Nehemías 9:31

Qalaxaye souaxat da lta'araic 'arauotaxanaqtaic, nache saishet da 'aulaxachigui somayepi, qataq saishet da 'aualat, cha'aye 'am maye Atamnaxala', ỹataqta 'am huotaxanaqtaqaic qataq 'am choxonnataxanaxaic.

Salmos 103:13

Ñim Nataxala' ichoxoren cam huo'o naq 'enec naqa'en Ñimaye, 'eeta'am ca nta'a da ichoxoren ca llalaqpi,

Salmos 89:33

Qalaxaye saishet qome da ñeqateeguesop da ỹauotaxanaqtaic so David, qataq saishet da sa sepaguelec da ỹa'aqtac.

Salmos 94:14

Qalaxaye 'Am Nataxala', saishet qome da qoca'ai na 'aralamaxat nhuo' le'ecpi, qataq saishet da 'andoxottec nam 'aralamaxatpi.

Jeremías 14:21

¡Qaq souaxat da la'amaqchec da 'are'enaxat, nache saishet qome da qomi' sa 'auaconegueta, saishet qome da 'auo'otan nam huaqta'a't nỹecpi maye netaña añim huo'o da llo'oxoyec 'anso'onaxaqui! ¡Ñaq 'auennata'a qome so 'anaỹamaxataxac co'ollaq qomi' 'anaỹamaxateto, qaq no'on da 'aupaqueelec qome somaye!

Jeremías 24:5

«Aỹem, maye Aỹem Nataxala' maye Aỹem Natamnaxala' na Israel le'ecpi, da ỹa'aqtac, 'eeta': 'Eeta'am ñaqa'en aca ỹataqta no'on hiigo da selota'a na nhuo' le'ecpi na Judá, maye ca'ai ñaqa'en co'ollaxa ne'ena 'alhua da samaxa yem na'alhua na caldeopi. Nache ỹataqta saỹamaxareeta qome da selota'a,

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Ezequiel 16:60

Qalaxaye Aỹem ñetoueeta'ac som ñaỹamaxataxac maye 'am so'otec co'ollaq ñaq 'am qa'añole, qataq so'ot qome ca ñaỹamaxataxac maye chochaq tatec da 'am ñaỹamaxate'.

Levítico 26:11

Qaq Aỹem nache qami' sootanguilo qome, qataq saishet da qami' sa seuoonegueta.

Romanos 11:26

Qaq qom mashe ime de'era, nache Ñim Lo'onatac 'Enauacna nca'alaxatec 'enauac nam Israel le'ecpi cha'aye, nache 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «Ca Nca'alaxaqui chegaqaña qome ye Jerusalén, qataq camaye ỹapalaxat 'enauac nam lasouaxashetpi na Israel le'ecpi.

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,