Levítico 26:41 - La'aqtaqa Ñim Lo'onatac 'Enauacna 2013

⁴¹ qaq nachera da ỹo'ot qome da qami' sataỹa'agueta, qataq qanqo'oñiỹa ñaqa'en ca na'alhua ca qampa'aguenaxauaipi, yaqto' sa na'amaqten da qarquiyaqteỹaxaqui. Huaña, nache saishet da qauqolliguichi da qanhuaxanaguiiqui.

Levítico 26:41 Iomraidhean Croise

1 Reyes 21:29

«¿Peta'a 'auauaachigui ñi Ajab, da huo'o da ntogotaxac da Aỹem datato'ot? Qaq souaxat da huo'o da ntogotaxac ñimaye, nache Aỹem, saishet qome da ñamaxa ca nhuaxanaguec na llalaqpi, nagui da ña nca'altauec ñimaye, maye nacherata da talec ñaqa'en qome ca nhuaxanaguec cam llalec ñimaye.»

2 Crónicas 12:12

Qaq 'era da 'eetec, co'ollaq nañan so Roboán, nache vi'iiguet da layeloxo Ñim Nataxala' maye huetalec somaye, nache saishet da nmatchiguiñi somayepi da ilaxachigui, cha'aye ñaq huo'o so no'on som hueta'a co'ollaxa ye Judá.

2 Crónicas 32:26

Qalaxaye co'ollaq qaỹata'ague da ño'oxonnaxac so Ezequías, nache somaye nmanot Ñim Lo'onatac 'Enauacna, qaq nache 'eetec nataqa'en 'enauac som hueta'a ye Jerusalén, nache Ñim Nataxala' saishet co'ollaxa da ỹasaxalec da nnogoxonaxac somayepi co'ollaq ñaq nca'altauec so Ezequías.

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

Esdras 9:13

Qaq 'enauac de'era souaqaigui souaxat na qauemsat qataq na qarasouaxashetpi. Qomi' sauattonaqta da nache 'am maye Qanatamnaxala' da qomi' 'aỹa'anema de'era qanhuaxanaguec, qalaxaye nataqa'en qomi' 'aỹa'anema da qomi' huesochiyiñi.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Nehemías 9:33

Qalaxaye saishet da saỹaỹamaxañi de'era qomi' 'auo'oteque qanhuaxanaguec, cha'aye no'oitegue da lataxac da huo'o ca 'auo'ot, qomi' qalaxaye 'itchiguiñi da qomi' 'etaxaloxoiqa.

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Ezequiel 14:23

Qami' qauamaichiguiñi qom qauloỹa'a da lataxac caamaye qataq na ỹo'otpi. Qaq huaña nache qauaỹachiñi da saishet da choche sauo'o da nhuaxanaguec ye Jerusalén. Qaq 'era da ỹa'aqtac Aỹem Nataxala'.»

Ezequiel 20:43

Qaq huaña qome yemaye, nache qauennache 'enauac nam qauem qauo'oche maye ishepaxanaqchet da qarataxaqui, nache maiche qauqaiquiỹa qome dam qarataqui souaxat nam qalota qauem maye qauo'oche co'ollaxa.

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›

Ezequiel 44:9

Qaq ỹoqo'oye Aỹem Nataxala', shenapec: Saishet qome da huenoxonoigui añi ỹalamaqte atamnaxaqui cam chegaqauec maye saishet da huetaigui da ntoonaxac, qataq da lo'ocỹaxac dam la'anaxat da ñaỹamaxataxac, qataq ivira'a cam chegaqauec maye ỹalectaigui na Israel le'ecpi.

Ezequiel 6:9

Nache ca lca'alaxaicpi iuennate qome Aỹem da ỹalectaigui que'eca ỹotta'a't shiỹaxauapi, iuennate qome da 'eetec da so'ot da nque'eenaxac souaxat da Aỹem sa ỹalaxaguet qataq souaxat da Aỹem ca'ai da yaqto' ỹo'oxoren na nqolacpi. Namayepi deqaiga qome da maiche lataxac, souaxat nam qauem maye ỹo'otpi, qataq 'enauac nam qaiqaiga maye ỹo'ot co'ollaxa namayepi.

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Mateo 23:12

Cha'aye cam ipettega da nataỹaña da la'amaqchec na laỹepi, nache camaye qaỹo'otec da qaica ca la'amaqchec. Qaq nam sa na'amaqten, qalaq nachena na qaỹamata'ac da 'amaqtaqaic.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Deuteronómio 10:16

Ỹoqo'oye qanqacheeua'a qome na qauemsat naua qarquiyaqtelli', qataq saishet da nache qoquiito'ot da sa qaualaqai.

Deuteronómio 30:6

Qataq Ñim Nataxala' nqateua'a qome na qauemsat naua qarquiyaqchilli', nataqa'en cam qami' chegoxogueta yaqto' da qarquiyaqteỹaxaqui qataq da qanachaalataxaqui ỹataqta ỹauotec Ñim Nataxala' maye Qanatamnaxala'ai, yaqto' nache 'eetai' da qarca'alletauec.

Deuteronómio 31:21

Qalaxaye qom ivireguet nam qauemsat qataq ca lta'araic nque'eenaxac, nache ne'ena no'onec maiche iuennataxanaxan qome namayepi, cha'aye ca dalaxaicpi maye chegoxoguet namayepi qom do'onaxan, nache maiche ntoonaxanaxan namayepi. Cha'aye Aỹem, mashe saỹaten da lhuennataxa namayepi, nagui da ñaq saxanaxa da senoxonaqcheteua'a yi'iye 'alhua, maye sachaxanapecot co'ollaxa namayepi.»

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Colosenses 2:11

Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.