Levítico 26:16 - La'aqtaqa Ñim Lo'onatac 'Enauacna 2013

¹⁶ nache Aỹem qami' ñamaxalo qome ca ncolanaxa lta'araic, qataq ca nalolaxasat maye qanlem, qataq ca napaxa maye ỹo'ot na ne'eraxa, qataq na'aqche't naua na'ai'te, qataq qaica naqa'en ca la'añaxac da no'ocỹaxac, qataq choche qaỹa'añiiteguiñi qome ca qa'añiguishequi, qalaxaye ca qampa'aguenaxauaipi nacheca ca chec ca ala camaye.

Levítico 26:16 Iomraidhean Croise

1 Reyes 8:37

Qaq da huo'o ca nqouaxa ne'ena 'alhua, napaxaco, lqaxaỹaxa, huo'otaq ỹauta na nañiguishecpi ana shiiquioxoipi, pelgaxanaqpi, huo'otaq da coleesop ca mpa'aguenaxauapi na na'alhua namayepi, huo'otaq da nvita ca camachaqca nam lcheeguesat, huo'otaq na nalolaxapi,

Da na'aqtaguec so Job 18:11

Qataq qaica ca saq hua'ague da narenaguec camaye, nache ỹataqta datauec naqa'en camaye da lcolanaxa.

Da na'aqtaguec so Job 20:25

Nache ỹapacaviigui da lo'ocỹaxac ana nchecna, qaq na lsheenec acamaye, nache ỹapacaviigui ñi l-lamec, nache ỹataqta lta'araic da lcolanaxa.

Da na'aqtaguec so Job 31:8

nache ca ỹaqa'a, chec qome na ala ca ỹañiguishec, qataq ỹataqta napo'c naua lpa'aye anam saañepi co'ollaxa.

Salmos 109:6

Ñaq 'auo'ot da nmit 'anqa'en namayepi ca qauemaic, nache que'eca qauemaic ỹauo'o ca nhuaxanaguec cam huo'o da lasouaxashet.

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Salmos 78:33

Qaq ỹoqo'oye Ñim Lo'onatac 'Enauacna ỹo'otec da saqaỹauec ye loga't da nachaalataxac, 'eeta'am da choche qanaue'c naua na'a'che, qataq huaigui naqa'en na qaica ca 'ena'am da lchec.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Proverbios 3:33

Ñim Nataxala' ỹasaxalec ca qauem ca lma' ca qauemaic, qalaxaye ỹasaxalec da lchoxonnataxanaxa ca lma' ca no'on da lataxac.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 62:8

Ñim Nataxala' ỹachaxaasheguem na aloiguishec lhuaq, nache ỹan da la'aqtac, 'eeta': «Saishet qome da qaltaq sanem na 'ampa'aguenaxauapi da chec na 'aralamaxat trigo, qataq na chegaqauecpi da nỹomgui na maiche 'aro'onatac lataxa.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Jeremías 15:3

Aỹem ñamaxa qome namayepi caua cuatro ỹotta'a't nhuaxanagueco: Qaỹalauat qome huaigui ca alaataxac qaq na pioxoppi ỹauogoleetac qome namayepi qataq na maỹopi maye chec na lapat qalaq chec qome namayepi qataq na huauec shiguiỹacpi chec qome namayepi. Qaq 'era da ỹa'aqtac Aỹem Nataxala'

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Jeremías 20:4

Cha'aye Ñim Nataxala', 'enapec: ‹Nagui 'am she'eguelaxata qome da huo'o da 'arcolanaxa, qataq na 'anauochaxauapi, qataq 'auauaachigui qome na 'ampa'aguenaxauapi da ỹalauat na 'anauochaxauapi irolec ca ỹeelonec. Aỹem saneguet qome 'enauac nam hueta'a na Judá, da lhuaqỹaxac ñim nta'a ye Babilonia, qaq ñimaye ỹauega qome namayepi ye Babilonia, huo'otaq da ỹalauat irolec ca ỹeelonec.

Jeremías 5:17

Qaq camayepi chec qome na 'añiguishec ala qataq nam 'oq, qataq ỹalauat qome na 'aỹa'alaqpi ỹalleppi qataq ana 'aỹa'alepi 'alpi. Qataq chec ana 'arelopi qaguetapi qataq na huacapi, qataq ana 'añiguishe uvapi, qataq ana hiigopi. Qataq irolec qome nam lo'ogoxonaxatpi da ilaxachigui na huaqta'a't nỹecpi, nam qampaxattaua'a maye 'aupe'etega naxa.»

Ezequiel 24:23

Saishet qome da qauauacheetalec na qarqaiqui, qataq saishet da qaicaua caua qarapela'achilli'. Qataq saishet qome da qauaquicoi qataq da qanỹiñiitac. Qami' qaica qome ca qara'añaxaqui souaxat na qauem maye qauo'oche, qataq ñi 'oonolec da qoñiita qauaquicoita qome.

Ezequiel 33:10

'Am shiỹaxaua, qonapega na nhuo' Israel le'ecpi, qoneta': Qami' qoñiỹapec, naxa: Qomi' nlaqchiguilo da qarsomaxac qataq na qarasouaxashetpi. Qaq ỹoqo'oye qomi' nquictañi da qarca'alaxa. ¿Qaq cam shenaqteco' da ishet da ñeca'alaxauec?

Amós 5:11

Qaq souaxat da ỹataqta huetaiya' qanqa'eñi nam choxoraqpi, nache desheetenaxana qanqa'eñi na ala na trigo da qami' isheete'n, qaq ỹoqo'oye qami' saishet qome da qoñiỹaigui na nỹecpi, nam chegaqaigui na no'onatac coma' maye qano'oxoñiisheguem, qataq saishet qome da qauañoxoche da qanỹomiigui na lataxa maye chegaqaigui anam qaỹa'añiiñi co'ollaxa uva.

Miqueas 6:15

Qataq qom 'anaxan qalaq saishet da 'avira'a da 'anqat na ala ca 'añiguishec, qataq da 'aulaxachigui ana aceituna qalaq saishet da 'avira'a da 'auo'ogoxona na aceite maye chegaqaigui anamaye, qataq choche 'aulaxattapigui qome ana uva, qalaxaye saishet da 'avira'a da 'anỹomgui na lataxa maye chegaqaigui anamaye.

Hageo 1:6

Qami' ỹataqta qalota qome ca qa'añiguishequi, qalaxaye saq 'amaqtaq cam ala maye qanqachi; qataq qauqui'iitac, qalaxaye saishet da qami' comaraxaiqa; qanỹomiitac, qalaxaye ñaq 'eetalec da huo'o na qaraquipi; qaỹa'añiiñi na sansatta nogoxot, qalaq saishet da qami' napaqre'c, qataq ca do'onataxaatac qalaq qaica ca naigui aca lasheue da lo'onataxanaxac.

Zacarías 14:12

Qalaxaye nam ỹotta'a't shiỹaxauapi maye iloquiaxaatac co'ollaxa ye Jerusalén, Ñim Nataxala' ỹauo'o qome ca lta'araic nhuaxanaguec: namayepi nchega na lo'oc, qaltaq naua la'ai'te, qataq ñi lachaxat qom ñaq nca'altauec.

Malaquías 2:3

Qataq nataqa'en, seuotaxanec da qara'añaxaqui, qataq secoroiguilo naua qarashegolle', na la'atec na shiguiỹacpi maye Aỹem qaỹa'añeetacot naxa. ¡Qataq qoquiỹaueegue' ñaqa'en nam la'atec na shiguiỹacpi da qami' sequelogore'c!

Deuteronómio 28:51

Qaq camayepi chec qome ca llalec ca 'arelopi, qataq ca ala ca 'añiguishecpi ivitta'a da 'am ỹachoxoren. Qataq qaica ca no'onañi naqa'en ca ala ca trigo, lataxa, aceite, qataq ca llalec aca 'arelo huacapi, qataq aca qaguetapi, nache 'am ỹalaua't qome na 'arqouaxa.

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Hebreos 10:31

Qaq ¡ỹoqta da ỹataqta ỹactec da lchecỹaxac ca lhuaxanaxanaxac maye ỹan Ñim Lo'onatac 'Enauacna maye nache 'eetai' da nca'altauec!

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

1 Samuel 2:33

Qaq da huo'oi caua ño'onaxatrañi na 'aỹa'alaqpi da huetrague' añi nca'atoxonaxalate maye ỹalamaqte, qaq nachecaua caua naayiñi naqa'en naua 'arache', qataq ỹo'ot da lqui'ic añi 'arquiyaqte, qaq 'enauac na 'am chegoxoguetpi ileu qom saxanaxa da ỹe.