Levítico 23:3 - La'aqtaqa Ñim Lo'onatac 'Enauacna 2013

³ Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Levítico 23:3 Iomraidhean Croise

Éxodo 16:23

Qalaxaye so Moisés 'enapega somayepi, 'eeta': «'Era da la'aqtac Ñim Nataxala'. Qonte' laloxoqui da mataxac, qataq da qaỹo'oxoren Ñimaye. Qaq ỹoqo'oye nagui qauauoche qome cam qauauoitaique da qauauoche, qataq qaỹa'añiiuaq cam qauauoitaique da qaỹa'añiiuaq. Ime, qaq qauaỹamaxache ca no'onañi da taỹaigui imauec qonte'».

Éxodo 16:29

Ña qauloỹa'a ctaxa da Aỹem maye Aỹem Nataxala', qami' sanema ye 'oonolec na'a'q da mataxaqui, qaq ỹoqo'oye da inoxoorec naua seis na'axa'te, nache nalaiguilo naua dos na'axa'te na qami' sanema na nallec. Qaq ỹoqo'oye ye na'a'q mataxaqui, nache ñi 'oonolec da qoñiita saishet qome da iraxan ca lma', qataq saishet da huo'o ca taigue.»

Éxodo 16:30

Nache se'eso shiỹaxauapi nmatec se'eso na'a'q siete.

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Éxodo 34:21

Qataq qauo'onataxañi caua seis na'axa'te, qaq ca na'a'q siete nache qanmacheeuec, na'aictaxa da laloxoqui da qoỹaañi, huo'otaq da qanqat ana ala ca nañiguishec.

Isaías 56:2

Qaq ỹataqta machiguiñi qome ca ỹale maye ỹo'ot ne'ena namaxasoxonaxacpi, qataq da ỹalaxalec da ipaqueelec, qataq huo'o naq 'enec naqa'en ye na'a'q mataxaqui, qataq ỹataqta ntelañi da ỹo'ot ca qauem.»

Isaías 56:6

Qaq na chegaqauec shiỹaxauapi maye aỹem nañanot da aỹem do'onataxanot qataq Aỹem ỹauotec, da yaqto' ỹamaxashecpi, namayepi da huo'o naq 'enec naqa'en ye na'a'q mataxaqui qataq saishet da ca'ai da ñaỹamaxataxac,

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Lucas 13:14

Qalaxaye som ilotague' asom paxaguenaxaqui ỹataqta dalemata, souaxat So Jesús da datannaxangui so na'a'q mataxaqui. Nache 'enapega so shiỹaxauapi, 'eeta': –Huo'oi mque' naua seis na'axa'te, maye ishet da qaỹo'onataxanguilo. Qaq nachenauactaxa huetoiguilo da qauanaqui, da yaqto' qami' qanatare'n, qaq saishet da nacheye ye na'a'q mataxaqui.

Lucas 23:56

Nache co'ollaq ỹe'eguelaxareua'a ca lma't, nache iqataxaarai' som coraxat da ỹauotaique da lcoraxat so lo'ocỹaxac So Jesús. Ime, nache nmatre'c se'eso na'a'q mataxaqui, qaipactelec da lamaxasoxonaxac so Moisés.

Hechos 15:21

Cha'aye dam chegoqta'ague soua hua'au' vi'iye, huo'o co'ollaxa na shiỹaxauapi maye ỹa'axatta'ape naua namaxasoxonaxaco maye chegoqo'oto so Moisés qataq itaxaỹaxaata'ape ye na'a'q mataxaqui da huaigui ana napaxaguenaxaqui na judiopi.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.