Levítico 21:1 - La'aqtaqa Ñim Lo'onatac 'Enauacna 2013

¹ Ñim Nataxala' 'enapega so Moisés, 'eeta': «Qonapega qome na ntaxaỹaxanaxanecpi maye chegoxoguet ñi Aarón, qoneta': Saishet qome da na'aqchet da qui'itta lataxac namayepi ca leuaxaic, maye maiche qarhuo'oi le'ec souaxat da ipoteua'a,

Levítico 21:1 Iomraidhean Croise

Ezequiel 44:25

Qataq saishet qome da ipoteua'a ca leuaxaic yaqto' namayepi saishet da nshepaxan, nacherata da maiche lalamaxat lta'a, huo'otaq late'e, huo'otaq llalec, huo'otaq llale, huo'otaq ca lqaỹa ỹale, huo'otaq aca lqaỹa 'alo maye saxanaxa da huaron.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Levítico 19:28

Saishet da huo'o ca ipelectac na lo'oc, qataq da ỹauo'o aca na'are na lo'oc, souaxat da huo'o ca ileu. Qaq 'era da ỹa'aqtac, Aỹem Nataxala'.

Levítico 21:11

Qataq saishet da taua'a ca hueta'a ca leuaxaic, na'aictaxa da lta'a, huo'otaq late'e, yaqto' saishet da na'aqchet.

Malaquías 2:1

«Qaq nagui, qami' ntaxaỹaxanaxanecpi, 'era da namaxasoxonaxac maye qami' taaleguete:

Malaquías 2:4

Qaq huaña qome, nache qauaỹacheñi da nache Aỹem maye qami' sanema de'era namaxasoxonaxac da yaqto' de'era ñaỹamaxataxac, co'ollaq ñaỹamaxate' so Leví, nache 'eetai' qome. Qaq 'era da la'aqtac Ñim Nataxala' maye Qaica ca Ỹaqalanapec.

Números 19:11

Qaq ca ipoteua'a ca camachaqca shiỹaxaua leuaxaic, camaye saishet da qui'itta da lataxac ivittrec caua siete na'axa'te.

Números 19:14

Qaq da qalapaxañi lataxac da huo'o ca ileuaigui ca maiche lpe'l, 'eeta': 'Enauac na netaiguipi que'eca npe'l qataq ca pa'aigui camaye, nache saishet da qui'itta da lataxac ivittrec caua siete na'axa'te.

Números 19:16

Qaq da huo'otaq huo'o ca huetauga ca no'onaxa, nache da ipoteua'a ca shiỹaxaua nalaatac, huo'otaq ca maiche ivita ye laloqo' da ileu, huo'otaq caua npi'ineqa, huo'otaq huachiqui, nache camaye saishet da qui'itta da lataxac ivittrec caua siete na'axa'te.

Números 5:2

«Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.

Números 6:6

Qataq da ñaq huetaiguilo que'ecaua na'axa'te de'era nañanaxac, nache saishet da nachaateua'a ca huetaña ca leuaxaic,