Levítico 20:3 - La'aqtaqa Ñim Lo'onatac 'Enauacna 2013

³ Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 20:3 Iomraidhean Croise

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Ezequiel 20:39

Qami' nhuo' Israel le'ecpi, da la'aqtac Ñim Nataxala', 'eeta': Qoquiito'ot qome da qavio'oxoyeñeetac na qarqolaquipi. Qalaxaye qom ime, nache qami' Aỹem qaualaqaiguet qome, nache saishet da qaltaq nshepaxan qanqa'eñi da qui'itta ỹe'enaxat da qauo'ocheetac ana qarachetaqtaxanaqchepi da qavio'oxoyeñeetac na nqolacpi.

Ezequiel 5:11

Aỹem Nataxala', maiche ñañan da san da ỹa'aqtac: Qaq cha'aye qami' qanshepaxanaqchichi añi qui'itta ỹalamaqte atamnaxaqui souaxat da qaỹa'añiỹaigui na nqolacpi maye nshepaxan, qataq nam qauem maye qauo'oche, qaq nataqa'en Aỹem qami' sa sechoxonnai'salo da qami' selaxachiguilo, nache saishet da qami' sechoxoreeta'ape.

Levítico 15:31

Qaq 'era da qoñiitec da ivita'aguet qanqa'eñi na Israel le'ecpi ca saishet da qui'itta, yaqto' saishet da ileupi souaxat da sa iren, qataq na'aqchet ye ỹanataqa'.»

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 18:21

Qataq saishet qome da huo'o ca ỹan ca llalec da yaqto' lachetaqtaxanaxat da ỹanot ca atamnaxala' Moloc da yaqto' ỹavigaxat, cha'aye saishet da huo'o ca ỹe'enai' na Atamnaxala'. Qaq 'era da ỹa'aqtac, Aỹem Nataxala'.

Levítico 19:12

Saishet da qaỹa'añi ca qara'aqtaqui da qauatenataxañiỹa da ỹe'enaxat. Cha'aye da nache qoñeetec de'era, nache 'eeta'am da qaica ca naigui da le'enaxat Nam Nataxala' maye Qanatamnaxala'ai. Qaq 'era da ỹa'aqtac, Aỹem Nataxala'.

Levítico 20:4

Qaq na shiỹaxauapi maye lma' ne'ena 'alhua, da saishet da iqocha'a de'era qataq saishet da damaxasoxoolec da qaỹalauat que'eca shiỹaxaua,

Levítico 21:6

Nacherata da ỹataqta nañan da do'onataxanot Ñim Natamnaxala', qataq saishet da ỹe'enai' da le'enaxat, cha'aye namayepi nachena na ỹaneuo ca nallec, qataq aca laỹe nachetaqtaxanaqtepi maye qaỹavigaxat da qoỹanot Ñim Nataxala'. Qaq ỹoqo'oye namayepi iuen da ỹataqta qui'itta naqa'en da lataxac.

Levítico 7:20

Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Levítico 7:21

Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Números 19:20

Qaq ca shiỹaxaua maye saxanaxa da qui'itta, da saishet da nqui'itaxat, nache camaye iuen da ca'ai qanqa'en ne'ena nhuo' le'ecpi, cha'aye na'aqchet ñi npe'l maye lanataqa' Ñim Nataxala'. Souaxat da saxanaxa da qaichegoxolec na 'etaxat maye ishet da qui'itta naqa'en da lataxac, nache camaye nache 'eetai' da saishet da qui'itta da lataxac.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

1 Pedro 3:12

Cha'aye Ñim Nataxala' ỹataqta ntela'a nam ỹo'ot ca ỹaỹamaqchiguiñi, qataq hua'axaỹa da nqouagaxaunaxac, qalaxaye Ñimaye ỹataqta npa'aguene' na ỹo'ottac na qauem.»