Levítico 2:1 - La'aqtaqa Ñim Lo'onatac 'Enauacna 2013

¹ Qaq da huo'o ca 'oonolec da qoñiita da ỹanot Ñim Nataxala' aca lachetaqtaxanaqte, da chegaqaigui ana ala na nañiguishec maye ishet da qaỹo'ot na lsoche, nache icorelec ca aceite qataq ỹachalec ca qo'oipaq lcha'q nchenaxanaxat ama na laita.

Levítico 2:1 Iomraidhean Croise

Éxodo 29:2

qataq ca ỹataqta no'on 'ayiiña nache 'auo'ot caua nauole 'ayiiña maye saishet da ỹaleeguet ca ỹasheeraxachigui na ndaqñiguishec, ndotec aca qairaqneguet ca aceite, qataq aca lỹa nauole sanquesaxan maye choche qaicorelec ca aceite,

Isaías 43:23

Saishet da aỹem 'aỹa'anot aca 'arachetaqtaxanaqte qagueta maye qaỹavigaxatta. Qataq aca 'arachetaqtaxanaqte da aỹem 'avio'oxoren, Aỹem saishet da 'am ñasamaqchiiñi da 'am sequicto'ot, huo'otaq da 'am sa salemaxat da 'am sequicto'ot da 'auo'ot ca 'archenaxanaxat ama na laita.

Isaías 66:20

Qataq anac naqa'en nam qarhuo'oi le'ecpi maye ỹalectaigui nam ỹotta'a't shiỹaxauapi, da yaqto' Aỹem naua'a, da 'eeta'am aca nachetaqtaxanaqte. Naua'a añim qui'itta ñeqasoxonaxa maye naña ye Jerusalén, huota'a na lalo caipi, naigonapi, qataq ana nauogonñiguishepi, 'ashenapi qataq ana nauanaxanaxapi, qaq nachetac nam qui'itta nhuenecpi da 'eeta'am naxa nam llalaqpi so Israel, da ndoua'a na lachetaqtaxanaxatpi ñi ima'. Qaq 'era da ỹa'aqtac Aỹem Nataxala'.

Ezequiel 46:20

nache aỹem 'enapega, 'eeta': «'Ena na huaña qome da na ntaxaỹaxanaxanecpi ỹaneuaq ca lapat ca shiguiỹacpi maye qoỹaneuo da nachetaqtaxanaxat da yaqto' qaỹapalaxat ca nasouaxashet, huo'otaq ca lỹa nasouaxashet, qataq da ỹaneuaq ca ala na nañiguishec maye nachetaqtaxanaxat. Qaq 'eetec qome de'era yaqto' saishet da irouga namayepi ye pa'aỹauec qasoxoc, qataq yaqto' na nhuo' le'ecpi saishet da pa'auo da nhuoiguet nam saqaishetapecpi.»

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 24:7

Nache 'auachaua'alo naua laỹel ca ndochiguiñi nchenaxanaxat ama na laita, nache 'auavigaxat camaye da yaqto' nmeneguet aca nachetaqtaxanaqte nauolepi, cha'aye naigui da qaiuennate da Ñimaye lalamaxat 'enauacna.

Levítico 5:11

Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Levítico 6:7

Nache camaye ỹanot Ñim Nataxala' ca lachetaqtaxanaxat yaqto' Ñimaye ỹapalaxat ca lasouaxashet que'eca shiỹaxaua, huo'otaq ca lỹa huasoilec camaye, nache qaỹapalaxat.»

Levítico 9:17

Ime, qataq ỹaneuo aso nachetaqtaxanaqte lsoche ana ala na nañiguishec, ỹauota'a 'oonole napocna da ỹacona, nache ỹavigaxat, ỹachalec aso nca'atoxonaxalate maye huetalec so lỹa shiguiỹac maye mashe qaỹavigaxat so nte'eta.

Levítico 9:4

qataq ca 'oonolec huaca qataq ca 'oonolec qagueta lhuaraic, nache qaỹalauat huaña ye lanataqa' Ñim Nataxala' yaqto' nachetaqtaxanaxat maye qanhuaachigui. Nataqa'en qandoiuo qome aca nachetaqtaxanaqte lsoche ana ala ca nañiguishec qairaqneguet ca aceite, cha'aye Ñim Nataxala' qami' nachaxanalo ne'ena na'a'q.›»

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Números 18:9

Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

Números 28:5

Qaq que'eca lachetaqtaxanaxat, qalaq ỹauaxaỹaxaneguet ca dos kilos ca ỹataqta no'on 'ayiiña, maye chegaqaigui na ala ca nañiguishec, nache iraqneguet ca un litro ca aceite.

Números 29:18

Nataqa'en qaỹa'añiiuo aca qarachetaqtaxanaqche 'ayiiña qataq ca lataxa maye huaxaiguet naxa ñi 'oonolec huaca llalec, qataq qagueta lhuaraic, qataq ca qagueta llalec, nache qaupaquiichigui da lamaxasoxonaxac Ñim Nataxala'.

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,

Números 7:19

Qaq somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai, maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat chegaqaigui na ala so nañiguishec,

Números 8:8

Qaq da ime, nache namayepi ỹacona ca 'oonolec huaca llalec, qataq ca laỹolec na ỹataqta no'on 'ayiiña, maye qairaqneguet na aceite, nache qaỹo'ot ca nachetaqtaxanaxat chegaqaigui na ala na nañiguishec, qaq 'am qalaq 'auacona ca lỹa huaca llalec, da yaqto' nachetaqtaxanaxat sa imauaq da qaỹavigaxat.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

1 Juan 2:20

Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Judas 1:20

Qalaxaye qami' ñauochaxau' ỹaqaỹa't, qanquigaxachiitasheguem da qarpi'iỹaxaqui Ñim Lo'onatac 'Enauacna. Cha'aye de'era qarpi'iỹaxaqui ỹataqta 'onaxaic. Qataq da qanqouagaxauñi, qalaq qauaqaita'a So Saqcha'a Na'añaxac Qui'itta da qami' da'aqtaxanema cam iuen da qanasaqaiuec.

Apocalipsis 8:3

Ime, qataq anac so lỹa namaxashec piguem le'ec, nasoqta'a aso 'eeta'am ana ỹomaxaqui late'erai maye chegaqaigui na oro, qaq asomaye huetagui so qalota nchenaxanaxat maye ama na laita, da yaqto' ỹavigaxat da datato'ot aso nca'atoxonaxalate, lỹateuo naqa'en da nqouagaxaunaxac 'enauac na lalamaxatpi Ñim Lo'onatac 'Enauacna.