Levítico 19:4 - La'aqtaqa Ñim Lo'onatac 'Enauacna 2013

⁴ Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Levítico 19:4 Iomraidhean Croise

1 Reyes 14:9

Qaq 'am, qalaxaye ỹataqta ỹapactec da qauem nam 'auo'otpi, saq 'ena'am so hua'au nataxala'pi co'ollaq saxanaxa da 'am huo'o, cha'aye 'am 'auo'ot na ỹaqa'a atamnaxala'pi qataq nam ne'enaqtacpi lcat, da yaqto' Aỹem 'aunogoqchet qataq Aỹem qoca'ai.

1 Crónicas 16:26

Cha'aye nam natamnaxala'pi nam laỹepi shiỹaxauapi, qaica ca 'enec, qaq Ñim Nataxala' qalaq nacheñi ñim ỹo'ot na piguem.

2 Crónicas 28:2

Nacherata da somaye quetelec da llecỹaxac so nta'alpi ye Israel, cha'aye ỹo'ot nataqa'en so ne'enaqtacpi lqui'ipi so Baal.

Salmos 96:5

'Enauac na natamnaxala'pi na ỹotta'a't shiỹaxauapi qaica ca naigui, qalaxaye Ñim Nataxala', ỹo'ot co'ollaxa na piguem.

Éxodo 20:23

Saishet qome da qauo'oche ca qare'enaqtaqui chegaqaigui na lcat oro huo'otaq na plata da yaqto' qanatamñiitacot da 'eeta'am Aỹem.

Éxodo 32:4

nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Éxodo 34:17

Qataq saishet qome da qauo'oche ca qanatamnaxala'ai da qauachegoxochiỹaigui ca lcat nqachilliguishec.»

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 19:25

Qaq da ivildec caua cinco vi'iye, nache ishet da qollequi aca ala. Qaq da qoñiitec de'era, nache ỹataqta nquiguec aca ala aca qa'añiguishe qo'oipaq. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:5

Qaq da qaỹa'añiiua'a Ñim Nataxala' aca qarachetaqtaxanaqche maye qanhuaachigui, nache qaỹa'añiỹot aca ỹaỹamaxareeta Ñimaye.

Levítico 26:1

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Hageo 2:18

Qaq ne'ena na'a'q, veinticuatro na ca'agoxoic nueve, nache qalapaxañi na lo'oxonaxala' añim atamnaxaqui.

1 Corintios 10:14

Ỹoqo'oye qami' ỹaqaỹañicpi, qami' ñauochaxau', saishet qome da qavio'oxoyiñiitac na qanatameetacotpi maye choche ne'enaqtacpi qataq saq 'en.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

Deuteronómio 4:16

saishet qome da qana'axache da qarataxaqui da qauo'oche ca qanatamnaxala'aipi ne'enaqtacpi, da 'eeta'am da lataxac ca ỹale huo'otaq 'alo,

Deuteronómio 7:25

Nache qauavigaxache 'enauac ye ne'enaqtac atamnaxala'pi, qalaxaye saishet da qauqopichiỹa'a da qauacoñiỹa ca lcat oro, qataq plata maye lapaqtalec yemayepi, cha'aye Ñim Nataxala' ỹataqta deqaiga yemaye.

1 Juan 5:21

Maxatchaxa qome qami' ỹalqolqa, saishet da qaualaiguet nam qoỹeetega chegaqasheguempi maye 'añaxaicpi, qalaxaye saq 'en.