Levítico 19:12 - La'aqtaqa Ñim Lo'onatac 'Enauacna 2013

¹² Saishet da qaỹa'añi ca qara'aqtaqui da qauatenataxañiỹa da ỹe'enaxat. Cha'aye da nache qoñeetec de'era, nache 'eeta'am da qaica ca naigui da le'enaxat Nam Nataxala' maye Qanatamnaxala'ai. Qaq 'era da ỹa'aqtac, Aỹem Nataxala'.

Levítico 19:12 Iomraidhean Croise

Salmos 15:4

qataq cam ỹo'otan ca shiỹaxaua maye 'itchiguiñi da qaỹo'otan, qalaxaye ỹo'oxoren ca huo'o naq 'enec naqa'en Ñim Nataxala', qataq ca ipacchiguilo naua la'aqtaqa Ñimaye, na'aictaxa da huo'otaq qauem ca ivireguet,

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Jeremías 34:16

Qalaxaye co'ollaq qaỹata'ague de'era, nache qaltaq qanaralaxache da qarataxaqui, nache qaica ca naigui qanqa'eñi da Ỹe'enaxat, da qoñiỹapega nam qarlataquipi maye qa'axañeeuec co'ollaxa, da yaqto' qaltaq ñe'eguelaxauo da qaltaq qami' do'onataxanoto da qal-lataqui.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Levítico 18:21

Qataq saishet qome da huo'o ca ỹan ca llalec da yaqto' lachetaqtaxanaxat da ỹanot ca atamnaxala' Moloc da yaqto' ỹavigaxat, cha'aye saishet da huo'o ca ỹe'enai' na Atamnaxala'. Qaq 'era da ỹa'aqtac, Aỹem Nataxala'.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 24:11

Nache so llalec asa'aso Israel lashe, ỹo'ot da l-laraxanaxac, qataq isheuen da le'enaxat Ñim Nataxala', huaña nache qaỹauegueua'a co'ollaxa so Moisés. Qaq aso late'e somaye le'enaxat Selomit, asom llale so Dibri, maye chegoxoguet na lauo' le'ecpi so Dan.

Levítico 6:3

huo'otaq da ilalec ca nogoxoshet maye deqat nache saishet da ichoxot, qataq da ỹan ca la'aqtac da 'eetega saishet da ilalec ca deqat nogoxoshet, qataq da 'eetega saishet da ỹo'ot na nasouaxashetpi maye nache 'eetai' naxa da ỹo'ottac na shiỹaxauapi,

Zacarías 5:3

Qaq huaña nache so namaxashec aỹem da'aqtaxanem, 'eeta': «Asa'aso nere nache nanettalec, nam qauem maye talec qome 'enauac ne'ena 'alhua. Qaq som nanettalec asomaye, 'eeta': Cam decache, huo'otaq ca datenataxan da ỹan ca la'aqtac, camaye talec ca nhuaxanaguec.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Deuteronómio 5:11

Ỹoqo'oye saishet da qaua'ashaxañiỹai' da le'enaxat Ñim Nataxala' maye Qanatamnaxala'ai, cha'aye saishet da saqca ca nhuaxanaguec naqa'en ca ỹa'ashaxanai' da le'enaxat Ñimaye.

Santiago 5:12

Qami' ỹaqaỹarolqa, dam ỹoqta napactelec 'enauac na laỹepi 'eeta': Saisheto' qome da 'an ca 'ara'aqtac da chegoqchigui 'anqa'en da la'añaxac na piguem huo'otaq ana 'alhua, huo'otaq ca lỹa. Nachaqrato' da 'oonolec ca 'ara'aqtac 'anqa'en da 'auasat. Qoneta': «Aja'.» Qaq da sa 'ashet, qaq qoneta': «saishet.» Ten, qom ỹauo'o ca qanhuaxanaguiiqui Ñim Lo'onatac 'Enauacna, da saishet da qaupaquiilec ca qara'aqtaqui.