Levítico 19:10 - La'aqtaqa Ñim Lo'onatac 'Enauacna 2013

¹⁰ Qataq saishet da qanmacheeta aca ala aca qa'añiguishe uva, qataq saishet da qanatoi aca lli'ishe. Qauaqaita'a da yaqto' natosheguem na choxoraqpi, qataq ca ỹaqa'a ca chegaqa'ague. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:10 Iomraidhean Croise

Isaías 17:6

yem huaña qome aca no'onañi maye qaicoua'ai. Qataq 'eeta'am aca oliivo da qaỹacholaxan, nache dos huo'otaq tres cauatai' no'oirañi ala aca 'oonole lcoue, huo'otaq cuatro huo'otaq cinco caua no'oirañi aca 'oonole lcheyec. Qaq 'era da la'aqtac Ñim Nataxala' maye Natamnaxala' na Israel le'ecpi.

Isaías 24:13

Qaq 'era da 'eetec qome 'enauac na ỹotta'a't shiỹaxauapi ana 'alhua, 'eeta'am qome da qanacholaxaañi aca ala aca oliivo, qataq 'eeta'am da 'eetec da qalaỹootega't aca no'onañi ala aca uva da ime da nqataguec.

Jeremías 49:9

Da ivita naxa da qanqat ana ala ana uva, nache huo'o ana qano'onaxatañi ltaxale, qaq ye pe naxa da nvireuo na cachaxaicpi qaq nachenata na iuen da ỹache.

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Levítico 19:25

Qaq da ivildec caua cinco vi'iye, nache ishet da qollequi aca ala. Qaq da qoñiitec de'era, nache ỹataqta nquiguec aca ala aca qa'añiguishe qo'oipaq. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:9

Da ivita ye laloxoqui da qanqache ca ala ca qa'añiguishequi, nache saishet qome da qanmacheeta ca ala, qataq saishet da qavi'iguelaqailec da qanatoi ca no'onañi ala.

Levítico 23:22

Qaq da ivita da qanqache ca ala ca qa'añiguishiqui, nache saishet da ỹataqta qanmacheeta ca ala camaye, qataq saishet da qanatoisheguem cam naañipi. Nacherata da qauaqaita'a da yaqto' nato ca choxoraqpi, qataq na chegaqauecpi. Qaq 'era da ỹa'aqtac, Aỹem Nataxala' maye Qanatamnaxala'ai.»

Levítico 25:6

Qalaxaye 'enauac ca maiche ñaxaalec que'eca 'alhua da huetoigui que'eca vi'i maye nmataxaqui na 'alhua, camaye ishet da qollequiitac, qataq ca qarlataqui qataq aca qarlataipi, qataq ca no'onataxanaxanecpi qataq ca chegaqauecpi maye qami' netaiguilo.

Abdías 1:5

Qaq da huo'otaq 'am naua'a da pe ca cachaxaicpi da 'am decachiỹot, qalaq saishet da imauec da ỹache nam 'ogoxoshetpi, qataq da huo'otaq 'am naua'a ca uva lo'opi da 'am decachiỹot, qalaq huo'o ana no'onaxatañi ala ana uvapi. Qalaxaye nam 'ampa'aguenaxauapi namayepi ỹataqta 'am nhuotta.

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

Deuteronómio 24:19

Qataq da qanqache aca ala ca qorañiguishiqui, nache da huo'o aca qaucouaỹa'ai aca naqtapi, nache saishet da huo'o ca ỹe'eguelaxauec da ỹe'eguenauga acamayepi, nacherata da qauaqaita'a qome yaqto' natosheguem cam chegaqauec, huo'otaq ca saploq, huo'otaq aca pa'ai, yaqto' Ñim Nataxala' maye Qanatamnaxala'ai, ỹo'ot ca qanchoxonnataguiiqui, chegoqchigui naqa'en da qaro'onataxanaxaqui.

Deuteronómio 24:20

Qataq da ivita da qanacholaxañiiñi aca ala aca qa'añiguishi olivo, nache saishet qome da qaltaq qanapoqui aca ñaq netagui aca lcouepi, nacherata da qauaqaita'a qome da yaqto' natosheguem cam chegaqauecpi, qataq ca saploqpi, qataq aca pa'aipi.

Deuteronómio 24:21

Qataq da qanqache aca qa'añiguishepi uva, nache saishet da qanmachiita aca ala, qaq aca no'onañipi, nache qauaqaita'a qome, yaqto' nqat ca chegaqauecpi, qataq ca saploqpi, qataq aca pa'aipi.

Jueces 8:2

Nache so Gedeón ỹasategueto' somayepi, 'eeta': «¿Peta'a sa qauaỹachiñi da ỹataqta lta'araic da qauo'oche, saq 'ena'am dam so'ot? Cha'aye de'eratai' qauo'oche ỹataqta napacalec dam so'otaq.

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»