Levítico 13:4 - La'aqtaqa Ñim Lo'onatac 'Enauacna 2013

⁴ Qaq da ỹapagaqapeqa't na nasheguem na lo'oc, qalaxaye saishet da coxongui, qataq saishet da lapagaxai ana laso, nache ca ntaxaỹaxanaxanec iỹotauga camaye caua siete na'axa'te.

Levítico 13:4 Iomraidhean Croise

Ezequiel 44:10

Qaq nam leviitapi maye Aỹem ca'ai co'ollaq na Israel le'ecpi ca'ai da ñeqa'aicỹaxac, da yaqto' ỹo'oxoren na nqolacpi, namayepi qome iuen da isheeten da lasouaxashet.

Levítico 13:11

qache nachena na nhuetaxanaxa maye nchega naqa'en na no'oc. Qaq ca ntaxaỹaxanaxanec, nache ỹa'axat da saishet da qui'itta cha'aye mashe quichigui da lalolaxa, qataq camaye sa iuen da qaỹapoua'a, cha'aye mashe qaỹaỹaten da saishet qui'itta.

Levítico 13:25

nache ca ntaxaỹaxanaxanec imeten camaye. Nache da ỹapagaq ana laso que'eca huaña ca lavigaxa, qataq da coxongui, nache ca ntaxaỹaxanaxanec da'aqtaxanem da saishet da qui'itta camaye, cha'aye huec da nhuetaxanaxa maye nchega naqa'en na no'oc.

Levítico 13:26

Qaq da imeten ca ntaxaỹaxanaxanec ca lavigaxa camaye, qaq da ila'a da qaca aca laso lapagaxai, qataq saishet da coxongui, nacherata da maiche nquictañi da imiguiñi, nache camaye iỹotauga que'eca shiỹaxaua caua siete na'axa'te.

Levítico 13:3

Nache ca ntaxaỹaxanaxanec imeten que'eca nasheguem nhuetac. Qaq da ỹapagaq ana laso ca huaña que'eca nhuetac qataq coxongui, qache nachena na nhuetaxanaxa maye nchega naqa'en na no'oc. Qaq da ime da imeten ca ntaxaỹaxanaxanec que'eca shiỹaxaua, nache da'aqtaxanem da saishet da qui'itta.

Levítico 13:31

Qaq ca ntaxaỹaxanaxanec da imeten que'eca nhuetac, nache da ila'a da saishet da coxongui qataq saxanaxa da ỹe'eguelaxa da maiche lo'oxoỹaxac na laue, nache camaye iỹotauga que'eca shiỹaxaua caua siete na'axa'te.

Levítico 13:5

Qaq da inoxoorec caua siete na'axa'te, nache qaltaq imeten. Qaq da saishet da nquictauec que'eca nhuetac, nache qaltaq iỹotauga camaye caua lỹa't siete na'axa'te.

Levítico 13:50

nache camaye imeten ca hualec que'eca nogoxoshet, qataq nache iỹotauga camaye caua siete na'axa'te.

Levítico 14:38

nache camaye pa'auec, nache damaxasoxoolec da qaỹapogui que'eca nỹec caua siete na'axa'te.

Números 12:14

Nache Ñim Nataxala', 'eeta': «So 'arta'a taxa da nqaigoxoigui na lashec aramaye, nache aramaye ivi' caua siete na'axa'te da nqañoxooñi souaxat da lcoxo. Qaq ỹoqo'oye aramaye ca'ai qome qanqa'en na qanayeuta'a nanataqa', qaq da inoxoorec caua siete na'axa'te, nache ishet da qaltaq ñe'eguelaxauo.»

Números 12:15

Nache aso María ca'ai qanqa'en so nanataqa' soua siete na'axa'te, qaq se'eso nhuo' le'ecpi nache hua'a yemaye ivitta'a da qaltaq ñe'eguelaxauo aso María.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Deuteronómio 13:14

qaq nache qauchemaxachiỹaique qome camaye. Qanmichiỹaique nache qaunache, qaq da ỹoqta 'eesa da ỹo'ottac cam qaiqaiga maye qami' huetanguilo,

1 Timoteo 5:24

Huo'o da huaña da ñanomaqta ñi shiỹaxaua da huo'o da lasouaxashet da saxanaxa da qanmit. Qataq huo'o na sa ñanomaxa, cheta'ague da ỹoqta qanmit.