Levítico 12:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi, qoneta': Aca 'alo hualaxai, da ỹale ca llalec da ivita da deco'o, nache ivi' siete na'axa'te da saishet da qui'itta, qaq nache 'eeta'am da ivita da huo'o da na'axac.

Levítico 12:2 Iomraidhean Croise

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

2 Samuel 11:4

Nache so David, ỹauo'o so lamaxashec da ỹe'eguenauga asomaye, qaq co'ollaq ivireuo aso Betsabé, nache so David lauañi' asomaye. Qaq co'ollaq ime da lauatañi', nache asomaye nachel, nache ỹe'eguelaxauga so lma'.

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Levítico 12:1

Nache Ñim Nataxala' 'enapega so Moisés, 'eeta':

Levítico 12:5

Qaq da 'alo aca ñiguiñi llale, nache acamaye catorce na'axa'te da saishet da qui'itta, 'eeta'am da ivita da huo'o da na'axac, qalaxaye nataqa'en iuata'alo caua lỹa't sesenta y seis na'axa'te da nqui'itaxatta.

Levítico 15:19

Qaq aca 'alo da ivita da huo'o da na'axac, nache acamaye saishet da qui'itta inoxootrec caua siete na'axa'te. Qataq camachaqca shiỹaxaua da ipoteua'a acamaye, nache saishet da qui'itta ivitta'a da pe.

Levítico 18:19

Qataq saishet qome da huo'o ca hue'eguet aca 'alo da saishet da qui'itta souaxat da na'axac.

Levítico 5:3

Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.

Lucas 2:22

Qaq co'ollaq mashe inoxoore'c soua cuarenta na'axa'te da ñiguiñi So Jesús, nache soua lta'al iroreua'a so nogotolec aso no'onaxanaxaqui late'erai maye naña ye nỹecpi le'enaxat Jerusalén, da yaqto' ỹaarot Ñim Lo'onatac 'Enauacna.