Levítico 11:8 - La'aqtaqa Ñim Lo'onatac 'Enauacna 2013

⁸ Qaq saishet qome da qollequi ca lapat ne'ena shiguiỹacpi, qataq saishet da qaupocheeua'a da mashe ileu. Cha'aye saishet da qui'itta.

Levítico 11:8 Iomraidhean Croise

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Oseas 9:3

Qaq nache saishet qome da nache qoñeetalec na 'alhua maye lalamaxat Ñim Nataxala', nacherata da na Efraín, ỹe'eguelaxa qome ye Egipto, qataq ye Asiria yem huaña qome da chectac na nallec maye sa qaỹashenem namayepi da chec.

Levítico 11:7

Ana cos maye colaxara'ache naua nna'ache, qalaxaye saishet da ye'eguelaqtaxan. Cha'aye saishet da qui'itta.

Levítico 11:9

Qaq na 'etaxat le'ecpi, qalaxaye ishet da qollequi na huo'oi naua laua'tole qataq ana lso, auaxai le'ec, huo'otaq tala le'ec.

Levítico 5:2

Qataq nache 'ena'am da huo'o ca shiỹaxaua da ilamaxata'a da ỹasheleua'a ca shiguiỹac leuaxaic maye saishet da qui'itta, huo'otaq ca 'atet leuaxaic, qataq ca huauec, nataqa'en ca hualectapigui' maye saishet da qui'itta, nache que'eca shiỹaxaua saishet da qui'itta, cha'aye huo'o ca lasouaxashet.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Marcos 7:15

'Enauac nam chec ca shiỹaxaua saishet da nshepaxanaqchet da nachaalataxac da datato'ot Ñim Lo'onatac 'Enauacna. Nam ishet da nshepaxanaqchet da nachaalataxac ca shiỹaxaua, nachera da lsheunaxanaxac qataq naua qauema la'aqtaqa maye nasaxare'c.»

Marcos 7:18

Nache Somaye 'enapeco': «¿Qache nataqa'en qami' saishet da qauaỹaañi de'era? Qaica ca 'oonolec nam chec ca shiỹaxaua da ishet da ishepaxanaqchet da nachaalataxac da datato'ot Ñim Lo'onatac 'Enauacna.

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

Romanos 14:21

Qaq ỹoqo'oye 'onaxaic da saishet da qanallec na lapat qataq saishet da qanỹomgui na lataxa qataq saishet da qaỹo'ot ca camachaqca lỹa cam ishet da huañi naqa'en ca na'amqaanataxanaxaua.

1 Corintios 8:8

Qalaxaye da qarataxac maye na'attaua'a Ñim Lo'onatac 'Enauacna saishet da no'onaxat huo'otaq na'aqchet cam nallec maye sacheguenaq.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Efesios 5:11

Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

Efesios 5:7

Qaq ỹoqo'oye saishet qome da qa'aitegueua'a na shiỹaxauapi maye ỹo'ottac de'era.

Colosenses 2:16

Qaq ỹoqo'oye qami' saishet qome da qauqocheetega ca qami' quetapegueleguete souaxat cam yo'oqchigui qolliqui, huo'otaq cam qanỹomiigui, huo'otaq souaxat da qaica ca 'enec qanqa'eñi naua naponaxaqui', huo'otaq da dalaxaic so ca'agoxoic, huo'otaq ye na'a'q mataxaqui.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.