Levítico 10:3 - La'aqtaqa Ñim Lo'onatac 'Enauacna 2013

³ Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Levítico 10:3 Iomraidhean Croise

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Da na'aqtaguec so Job 2:10

Qalaxaye so Job 'enapeco': «¡'Am 'alo, saishet da 'anasaxauec de'era sa ỹaỹamaxañi! Cha'aye qomi' saconaxaguet 'enauac na ỹaỹamaqchiguiñisat maye qomi' namaxalo Ñim Lo'onatac 'Enauacna, qalaq ¿ta'ainco' taxa da saisheto' da sa saconaxaguet nataqa'en ca sa ỹaỹamaxañi?» Qaq 'era da 'eetec da huaigui so Job, qalaxaye somaye qaica ca lasouaxashet, ivira'alo naua la'aqtaqa.

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Salmos 148:14

Ñimaye ỹanem co'ollaxa da la'añaxac na lalamaxat nhuo' le'ecpi. Qaq ñaq ỹo'oxoren qome 'enauac na pe'etegapi Ñimaye, na Israel le'ecpi maye sa iỹotaique Ñimaye. ¡Qaỹo'oxoren qome Ñim Nataxala'!

Salmos 39:10

Ñaq 'axaañi qome da aỹem 'auaxaatac, cha'aye da lhuaxanaxanaxa'c naua 'arhua'q mashe aỹem nlaxatchiguiñi.

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

Salmos 46:10

«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

Salmos 93:5

'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 19:22

Nataqa'en ye ntaxaỹaxanaxanecpi da aỹem naua'a, qalaq ỹataqta nỹota. ¡Ten qom selaxachigui yemayepi!»

Éxodo 19:24

Qalaxaye Ñim Nataxala' 'enapeco': «'Asoma, 'aunotec. Qaq qom ime, nache qaltaq 'annotsheguem, 'annaictague' qome ca Aarón. Qalaxaye ye ntaxaỹaxanaxanecpi qataq ye shiỹaxauapi qonapega da saishet da napacalec so na'anec da aỹem nnotsheguema. ¡Ten qom selaxachigui yemayepi!»

Éxodo 30:30

«Nataqa'en ñi Aarón qataq ñeua llalqa da ivita da 'aỹa'anagui da lo'onataxanaxa'c da ntaxaỹaxanaxanaqa, nache 'aucoraxana que'eca ncoraxanaxat,

Isaías 39:8

Nache so Ezequías, 'enapeco': Dam la'aqtac Ñim Nataxala' maye aỹem 'anda'a ỹataqta ỹaỹamaqchiguiñi. Somaye 'enapec de'era cha'aye ipettega da ñaq huo'o da nachaalataxac, nache huo'o da nlagaxayec qataq da ñe'emaxa.

Isaías 49:3

Nache aỹem 'enapega 'eeta': «'Am Israel, 'am ỹamaxashec, qaq nache 'am sachegoqchigui qome da sachaxan da ỹo'oxoyec.»

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Ezequiel 20:41

Qom qami' llaỹona't da qami' sachegoxotchiguiñalo nam 'alhuapi, qataq nam ỹotta'a't shiỹaxauapi maye qoñiitaña nagui da qami' laga't, qataq qom sachaxan da qui'itta ỹataxac qom qami' soota'agueta, ỹauaachigui ñaqa'en 'enauac nam nhuo' le'ecpi, nache huaña qome da saconeguet aca qarachetaqtaxanaqche maye ama da laitaỹaxac.

Ezequiel 28:22

Qoneta': Da la'aqtac Ñim Nataxala', 'eeta': 'Am Sidón, 'am ñechoxota nagui da 'am ñepa'aguenaxaua, qaq huo'o qome da ỹo'oxoyec da sootangui na laiñi da qoneta. Qaq qom sacoolec da 'am ñimit, qataq sachaxan da qui'itta ỹataxac, huaña qome nache qaỹaỹaten da Aỹem nachaỹem Nataxala'.

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Ezequiel 40:46

qaq ñi nỹec maye datategue da sheu', nache lma' na ntaxaỹaxanaxanecpi maye huetague' añi nca'atoxonaxalate. Qaq nachaqnata namayepi da ishet da nquigueua'a Ñim Lo'onatac 'Enauacna da do'onataxanot, cha'aye namayepi chegoxoguet so Sadoc.»

Ezequiel 42:13

Qaq se'eso shiỹaxaua aỹem 'enapega, 'eeta': «Yi'iye nỹecpi maye pa'aỹa'ague da sheu', qataq ye pa'aỹa'ague da taguiñi maye datateuga ye qasoxoc maye napotaua'a, yemayepi saqaishetapec. Qaq nache huaña yemaye da na ntaxaỹaxanaxanecpi maye nquigueua'a Ñim Nataxala', chec na nachetaqtaxanaxatpi maye saqaishetapec. Qaq nataqa'en nache ỹachaña ana nachetaqtaxanaqtepi ala na nañiguishec, qataq ana nachetaqtaxanaqtepi souaxat na nasouaxashetpi, qataq ana nachetaqtaxanaqtepi souaxat ca lỹa nasouaxashet, cha'aye yi'iye ndaqa' ỹataqta qui'itta.

Levítico 21:15

yaqto' saishet da huo'o ca ne'enaguec ca chegoxoguetpi camaye, da netangui ca nhuo' le'ecpi. Cha'aye Aỹem Nataxala', sanagui camaye da yaqto' nalemaqte' da Aỹem do'onataxanot.»

Levítico 21:17

«Qonapega qome ñi Aarón, da saishet qome da huo'o cam 'oonolec cam chegoxoguetpi, da huo'o ca lque'emaxa da ỹaneuo ca nachetaqtaxanaxat nallec da ỹanot Ñim Nataxala'.

Levítico 21:21

Qaq ỹoqo'oye ca huo'o ca lque'emaxa cam chegoxoguetpi ñi Aarón, nache saishet da nachaateua'a Ñim Nataxala'. Qataq saishet qome da ỹaneuo ca nallec nachetaqtaxanaxat maye qaỹavigaxat, da qoỹanot Ñim Lo'onatac 'Enauacna.

Levítico 21:6

Nacherata da ỹataqta nañan da do'onataxanot Ñim Natamnaxala', qataq saishet da ỹe'enai' da le'enaxat, cha'aye namayepi nachena na ỹaneuo ca nallec, qataq aca laỹe nachetaqtaxanaqtepi maye qaỹavigaxat da qoỹanot Ñim Nataxala'. Qaq ỹoqo'oye namayepi iuen da ỹataqta qui'itta naqa'en da lataxac.

Levítico 21:8

Ỹoqo'oye namayepi ỹataqta ntela'aguet na ishet da ishepaxanaqchet, cha'aye namayepi nachena na ỹaneuo ca nallecpi maye qoỹanot Ñim Atamnaxala'. Qaq ỹoqo'oye namayepi iuen da qui'itta da lataxac, cha'aye Aỹem Nataxala', qui'itta da ỹataxac, qataq qami' so'oteque da qami' qui'itte' da qarataxaqui.

Levítico 22:9

Nache na ntaxaỹaxanaxanecpi ỹataqta ỹalaxalec qome na ỹamaxasoxonaxacpi, yaqto' qaica ca ileu, souaxat da ỹashaxanec da ỹa'aqtac. Cha'aye Aỹem Nataxala' maye sanem namayepi da Aỹem do'onataxanot.

Levítico 8:35

Qaq qami', nache qoviita'a qome ye na'a'q qataq ye pe, ye ñegueuo ñi npe'l, caua siete na'axa'te. Qataq qaualaqaiguet qome da lamaxasoxonaxac Ñim Nataxala' yaqto' saishet da qaullivi, cha'aye 'era da lamaxasoxonaxac maye aỹem ỹamaxalec.»

Números 16:5

nache 'enapega so Coré qataq so laỹepi, 'eeta': Qonte' nte'eta, nache Ñim Nataxala' ỹa'axat qome chaq negue't que'eca lalamaxat, qataq ca iỹotauga Ñimaye, qaq que'eca lca'ateua'a, nacheca qome ca ishet da taua'a ye lanataqa' Ñimaye.

Números 20:12

Nache Ñim Nataxala' 'enapega so Moisés qataq so Aarón, 'eeta': «Qaq souaxat da saishet da huo'o ca qarpi'iỹaxaqui Aỹem, qataq saishet da Aỹem qavio'oxoyiñi da ỹauaachigui qanqa'eñi na Israel le'ecpi, nache saishet qome da qarỹaiteuo ne'ena shiỹaxauapi qom inoxoneua'a ye 'alhua maye sanem namayepi.»

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

Deuteronómio 32:51

Qaq 'era da 'eetec qome, cha'aye qami' ỹauaachiguilo co'ollaxa 'enauac na Israel le'ecpi, co'ollaq qoviita'a ye huaña na npaxaatasheguem 'etaxat ye Meribá Cadés, yem toolec 'alhua ye Sin, co'ollaq qaica ca 'enec qanqa'eñi Aỹem.

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

1 Pedro 4:17

Mashe ivita ye laloqo' da Ñim Lo'onatac 'Enauacna nmit 'enauac na shiỹaxauapi, nache ỹa'auaxaachiguiñi da nmit na maiche lalamaxatpi. Qaq da ỹa'auaxaachiyiñi da qomi' nmi't qataq ỹauo'o da qanque'eenaxac, nache ¡chaq 'eetec ca taỹa'aguet nque'eenaxac nam saishet da ỹalaxaguet Ñim Lo'onatac 'Enauacna!

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

1 Samuel 3:18

Nache so Samuel ỹataqta ỹa'axatta 'enauac na na'aqtacpi, qaica ca ỹoxooñi, nache so Elí 'enapeco': ¡Ñimaye nacheñi Ñim Nataxala'! ¡Qaq maiche ỹoiqueetac qome da ỹo'ot cam ỹaỹamaxareeta Ñimaye!

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»