Levítico 10:2 - La'aqtaqa Ñim Lo'onatac 'Enauacna 2013

² Huaña, nache Ñim Nataxala' anacot so norec, nache ỹavigaxa't. Qaq 'era da 'eetec co'ollaq ileu' soomaye.

Levítico 10:2 Iomraidhean Croise

2 Samuel 6:7

Nache Ñim Nataxala' ỹataqta dalemataỹa so Uzá, souaxat de'era 'eetec somaye, nache huaña naqa'en na laỹe aso arca maye laỹe' soua lqataxaco Ñim Nataxala' da ileu naqa'en somaye.

1 Reyes 13:28

ime nache jec somaye, nache ilalec so lo'ocỹaxac se'eso shiỹaxaua maye ileu huetangui so nqa'aic, qaq som llon qataq som 'ashena ñaq netraña yemaye, qaq som llon saishet da chec somaye huo'otaq da ỹe'egueeta'a da ỹalauat so 'ashena.

1 Reyes 18:38

Huaña, nache Ñim Nataxala' anacot so norec, nache ỹavigaxat so nachetaqtaxanaxat, qataq so 'epaqpi, ivira'a so coma'pi, qataq so namoxoỹaxa, qataq deqaxaỹañi naqa'en so 'etaxat maye huetangui so nsherec.

2 Reyes 1:10

Nache so Elías, 'enapeco': Da 'eesa da aỹem na'aqtaxanaxanec, nache naañi qome ca norec maye chegoqo'ot na piguem, nache 'am ỹavic qataq na 'analleppi. Huaña, nache nque'elaxatta da naañi so norec, maye chegoqo'ot na piguem, nache somaye, qataq so nalleppi nmichiguiñi da ỹavic.

2 Reyes 1:12

Nache so Elías, 'enapeco': Da 'eesa da aỹem na'aqtaxanaxanec, nache naañi qome ca norec maye chegoqo'ot na piguem, nache 'am ỹavigaxat, qataq na cincuenta 'analleppi. Huaña, nache nque'elaxatta da naañi so norec maye chegoqo'ot na piguem, nache somaye, qataq so nalleppi, nmichiguiñi da ỹavic.

1 Crónicas 13:10

Huaña nache Ñim Nataxala', dalemataỹa so Uzá souaxat da ỹauota'a na lhuaq da nllañi aso arca maye laỹe' soua nqataxaco, qaq nache huaña yemaye da nqat da nachaalataxac somaye.

1 Crónicas 15:13

cha'aye so hua'auchiguiñi co'ollaq so'otaq de'era, nache qami' saishet da qauo'oche damaye, ỹoqo'oye Ñim Nataxala' maye Qanatamnaxala', huo'oi soua nqa't da nachaalataxac, souaxat da saishet da senataq ca 'eetec ca lataxac da lamaxasoxonaxac.»

1 Crónicas 24:2

Qalaxaye soua Nadab qataq so Abiú, ileu' co'ollaq saxanaxa da ileu so lta'a, qaq soomaye qaica ca llale'c, nache so Eleazar qataq so Itamar, talec da no'onataxanaxac da ntaxaỹaxanaxanaqa.

Da na'aqtaguec so Job 1:16

Qaq co'ollaq ñaq saxanaxa da imat da la'aqtaxanaxac se'eso ỹale, nache nvireuo so lỹa, nache da'aqtaxan, 'eeta': «Nhuaxanaxaañi aso qasoxonaxa, nache nmichiguiñi da ileu naqa'en aso qaguetapi qataq so lo'opi. Qaq nachaỹemta da ñeca'alec, nache ñanac da 'am sa'aqtaxanem.»

Salmos 50:3

Ñim Qanatamnaxala' anac, qalaxaye saishet da paltalec, cha'aye Ñimaye na'auaxaata na norec maye nlaxaañi naqa'en 'enauacna, qaq naua laỹel Ñimaye qalaq dellimigui na lta'araic la'at.

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

Levítico 10:5

Nache soomaye taua'alo so npe'l, nache nqatrec soua lauo' lashe' maye leuaxaiqa, nache lpataxanguilo soua maiche alogo, nache ipacchigui da lamaxasoxonaxac so Moisés.

Levítico 16:1

Ñim Nataxala' 'enapega so Moisés co'ollaq ime da ileu' soua dos llalqa so Aarón, souaxat da sa ipaguerelec da lataxac da qanqo'oneua'a aso nca'atoxonaxalate maye lalamaqte Ñim Nataxala'.

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Números 14:37

Ỹoqo'oye se'esoua ỹale't maye qauem da la'aqtaxanaxac da ỹa'axattac ye 'alhua, nmichiyiñi da ilem so napiina, ỹauaachigui Ñim Nataxala'.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Números 26:61

Qalaxaye so Nadab qataq so Abiú, ileu' co'ollaxa huaña ye lanataqa' Ñim Nataxala', souaxat da deca'atoxoora so ỹaqa'a norec.

Hechos 5:10

Huaña, nache asomaye huañi, nache ileu, huaña ca hueta'a so Pedro. Qaq co'ollaq nnoxooreuo soua nso'q, nache ilaleguete asomaye, nache nqatre'c da ilalyiñi, ỹauaxaỹaxaatre' so lhua.

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

1 Corintios 10:11

Qaq 'enauac de'era huaigui som hua'au qarta'alpi, damaye qoỹiyiñi da naloqnaxanaxat da qaỹauotaique qomi' qaiqatalo nagui da souaqtaiguilo naua pa'atre'c na'axa'te.

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.