Levítico 1:7 - La'aqtaqa Ñim Lo'onatac 'Enauacna 2013

⁷ Nache ca ntaxaỹaxanaxanecpi ỹo'o't ca norec, ỹachalec añi nca'atoxonaxalate, qataq nache ỹasaqtraua'q ca lalonaxat 'epaq que'eca norec.

Levítico 1:7 Iomraidhean Croise

Génesis 22:9

Qaq co'ollaq ivitra som 'alhua maye ỹecapiguiña Ñim Lo'onatac 'Enauacna, nache so Abraham, ỹo'ot aso lca'atoxonaxalate, qataq ỹachalec asomaye so qo'oipaqpi. Qaq ime, nache ỹauo'o so lquet da icoñera't naua lhuaxaye qataq naua lapia'ate so llalec Isaac, nache ỹasaxalec aso lca'atoxonaxalate, ỹachalec so qo'oipaqpi.

1 Reyes 18:33

Qaq ime, nache ỹachalec aso nca'atoxonaxalate so 'epaqpi, qataq ichecapigui so huaca, nache ỹachalec se'eso 'epaqpi.

1 Crónicas 21:26

Qaq so David, nache ỹaachiguiña somaye da no'oxoosheguem aso nca'atoxonaxalate maye lalamaqte Ñim Nataxala', nache huaña da ỹaneuo so lachetaqtaxanaxat qaỹavigaxatta qataq aso lachetaqtaxanaqte qanhuaachigui. Ime, nache iỹaxanot Ñim Nataxala', nache Ñim Nataxala' ỹasateguet somaye, nache namaq so norec chegoqtot na piguem nache talec naqa'en aso nca'atoxonaxalate maye qaỹachalec naxa nam nachetaqtaxanaxat qaỹavigaxatta.

1 Crónicas 6:34

qataq so Elcana, Jeroán, Eliel, Toaj,

2 Crónicas 7:1

Qaq so Salomón co'ollaq ime da natamnaxac, nache anac so norec chegoqo'ot na piguem, nache ỹavigaxatta so nachetaqtaxanaxat qaỹavigaxatta, qataq so laỹepi nachetaqtaxanaxatpi, huaña nache da llo'oxoyec Ñim Nataxala' ỹataqta imattaigui aso atamnaxaqui.

Nehemías 13:31

Nataqa'en saỹamaxaañi da 'eetec da qoỹaneuo so norec lashec, da ipacchiguilo naua laloqo'ote, qataq da qoỹaneuo aso la'auaxana ala so nañiguishec. Ime, nache ñatamen, sheeta': 'Am Ñatamnaxala', aỹem 'auennata'a qome da aỹem 'aỹa'anem da 'archoxonnataxanaxa.

Levítico 6:8

Nache Ñim Nataxala' 'enapega so Moisés, 'eeta':

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.