Levítico 1:3 - La'aqtaqa Ñim Lo'onatac 'Enauacna 2013

³ Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 1:3 Iomraidhean Croise

Génesis 22:13

Nache so Abraham, namatasheguem nache ila'a so qagueta lhuaraic, ỹemaqtaiguilo soua lcoue so nshe'ela. Qaq huaña nache nqo'ona da ỹaconeua'a somaye, nache ỹavigaxat da ỹauo'o lachetaqtaxanaqte, nmeneguet naqa'en so llalec.

Génesis 22:2

Nache Ñim Lo'onatac 'Enauacna, 'enapego' somaye, 'eeta': «'Auacona qome ñi Isaac ñim 'oonolec 'aỹa'alec, ñim ỹataqta 'arauotaxat. Nache 'anqo'ona ye 'alhua Moriah. Qaq qom 'avita yemaye, nache 'auavigaxat aca 'arachetaqtaxanaqte da Aỹem 'aỹa'anot, huaña 'anqa'en aca qasoxonaxa maye 'am sachaxana qome.»

Génesis 22:8

Nache so Abraham, 'enapeco': «Qomye Ñim Lo'onatac 'Enauacna maiche ỹauo'o ca qagueta llalec da yaqto' qarachetaqtaxanaxat, 'am ỹalcolec.» Qaq soomaye nache quete', nnaictega't.

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

2 Crónicas 29:32

Qaq ye lcata som ỹaneuo se'eso lapoota'a't shiỹaxauapi, ivi' setenta som nauegaxanaxala' huacapi, cien peenaqpi, qataq doscientos so qagueta llalaqpi. Qaq 'enauac somaye da nachetaqtaxanaxat qaỹavigaxatta da qoỹanot Ñim Nataxala'.

2 Crónicas 35:12

Qaq ime, nache qanqatec so lcheta maye iuen naxa da qaỹavigaxat, nache ỹataqtac nam nhuo' le'ecpi nam qoỹanem da yaqto' ỹanot Ñim Nataxala', nache ipacchigui da namaxasoxonaxac maye nanettalec aso lere so Moisés, qaq nache qoỹeetec nataqa'en so huaca llalaqpi.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Éxodo 12:5

Qaq que'eca shiguiỹac, camaye ỹale qataq ivi' qome ca 'oonolec vi'i, qataq ỹataqta qaica ca lque'emaxa, qagueta huo'otaq quetaq.

Éxodo 24:5

Ime, nache ỹamaq so nsoxoppi Israel le'ecpi da ỹauo'o ca lachetaqtaxanaxat huaca maye qaỹavigaxatta qataq aca nachetaqtaxanaqte maye qanhuachiigui.

Éxodo 29:18

Qaq 'enauac camaye 'auavigaxat, 'auachalec aca nca'atoxonaxalate da nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Éxodo 29:4

Ime, nache 'auauegueua'alo ca lasom ca npe'l, ñi Aarón qataq ñeua llalqa nache 'auamaxaleguete da nache'l,

Éxodo 29:42

Qaq 'era qome da chochaq tatec lataxac da qoyecỹaxaqui qataq cam qami' chegoxogueta. Da llec aca'aca nachetaqtaxanaqtepi maye qaỹavigaxat da Aỹem qoỹanot, acamaye qandoua'a ca ñegueuo ca npe'l maye huaña qome da Aỹem 'anauane' da 'am setaxaỹapegue'.

Éxodo 32:6

Nache so nte'etom so lỹa na'a'q, nache no'ottasheguem somayepi da yaqto' ỹaneuo aso lachetaqtaxanaqte maye qaỹavigaxatta, qataq aso qanhuaachigui. Ime, nache 'enauac somayepi nso'ooñi da deque'e, qataq nỹom. Qaq so ime nache dasora't.

Éxodo 35:21

qaq co'ollaq ime, nache 'enauac som nanomta da ỹataqta lquiyaqteỹaxac da huo'o ca ỹaneuo, nache ỹe'eguelaxauo da yaqto' ỹanot Ñim Nataxala' ca lachetaqtaxanaxat, da yaqto' qanauaxaỹaxaasheguen so npe'l, qataq cam laỹe qaỹo'otpi da qaỹo'ot camaye, qataq caua alogo so ntaxaỹaxanaxanec.

Éxodo 35:29

Nache 'enauac so Israel le'ecpi, ỹalleppi, qataq so 'alpi, maye maiche lquiyaqteỹaxac da ỹaneuo aso lachetaqtaxanaqte, ỹanem co'ollaxa so Moisés da yaqto' qaỹo'ot 'enauac som damaxasoxoolecpi co'ollaxa Ñim Nataxala'.

Éxodo 35:5

Qami' qandoiuo qome aca qarachetaqtaxanaqche da yaqto' qaỹa'añiỹot Ñim Nataxala'. Qaq 'eca qome ca ishet da qaỹa'añiiuo da qarachetaqtaxanaxachi da qaỹa'añiỹot Ñim Nataxala', qataq ỹataqta lquiyaqteỹaxac qome da huo'o ca ỹaneuo ca lcat oro, plata, huo'otaq bronce,

Éxodo 36:3

Nache so Moisés, ỹami' co'ollaxa somayepi aso nachetaqtaxanaqtepi maye ỹaneuo so Israel le'ecpi, da yaqto' ỹo'ot 'enauac so iuen da qanauaxaỹaxaasheguem so npe'l, maye huaña da qanauane' Ñim Nataxala'. Qaq so Israel le'ecpi nache queto'ot da ndotegueuo na lachetaqtaxanaxatpi ye na'a'q.

Éxodo 38:1

So Besalel nataqa'en ỹo'ot aso nca'atoxonaxalate chegaqaigui na 'epaq acacia da yaqto' qaỹachalec da qaỹavigaxat ana nachetaqtaxanaqte qaỹavigaxatta. Qaq ye lcateueegue asomaye ivi' dos metros y veinticinco centímetros 'enauaque soua laỹel, qataq un metro y veinticinco centímetros ye lshequitcheguema.

Isaías 1:11

Ñim Nataxala', 'eeta': «¿Ta'ainco' da aỹem qandoitapegueua'a nam ỹataqta qalota qarachetaqtaxanaxache da qauavigaxache? Ye aỹem mashe ỹataqta saỹemec na qarachetaqtaxanaxache qagueta lhuaraicpi, qataq na lcheta na huaca llalaqpi, aỹem mashe ỹataqta seqaiga na ltago'q na huaca lhuaraicpi, qataq na qagueta lhuaraicpi, qataq na quetaq llalaqpi.

Ezequiel 20:40

Qaq 'enauac qome na Israel le'ecpi da Aỹem ỹo'oxoren qom huaña añim qui'itta ñeqasoxonaxa, añim qaỹoqotcheguema qasoxonaxa ye Israel, maye netaigui ye ña'alhua. Qaq 'era da ỹa'aqtac Aỹem Nataxala'. Qaq huaña qome yemaye nache qami' saconegueta, qataq huaña yemaye da qami' shenapegalo da aỹem qaỹa'añiỹot aca qarachetaqtaxanaqchepi, qataq da aỹem qandoiua'a aca la'auaxana ala ca qa'añiguishequi, qataq 'enauac cam qauỹochiỹauga da aỹem qaỹa'añiỹot.›

Ezequiel 40:39

Qaq se'eso ñegueuo, nache netañalo soua cuatro nquia'axala'ate. Dos soua netañalo na 'oonolec laỹe se'eso ñegueuo, qaq nachesoua naxa soua qaỹachaleguete da qaỹalauat na shiguiỹacpi maye nachetaqtaxanaxat qaỹavigaxatta, qataq ana nachetaqtaxanaqte da yaqto' qaỹapalaxat na nasouaxashetpi, huo'otaq ca lỹa nasouaxashet.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 16:7

Ime, nache ỹaconalo caua dos quetaq, nache ỹanoto Ñim Nataxala', huaña ye ñegueuo ñi npe'l.

Levítico 17:4

qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Levítico 17:9

qalaxaye da saishet da iroua'a ye ñegueuo ñi npe'l da yaqto' ỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Levítico 23:12

Qaq que'eca na'a'q maye huaigui da qaỹa'añeeuo aca'aca naqta, nache nataqa'en qaỹa'añeeuo ca 'oonolec qagueta llalec maye ivi' ca 'oonolec vi'i, qataq qaica ca lque'emaxa, da yaqto' qarachetaqtaxanaqche qaỹavigaxatta da qoỹanot Ñim Nataxala'.

Levítico 23:18

Qaq que'ecaua nauole, nache lỹatreuo qome qanqa'eñi caua siete qagueta llalqa, maye ivi' ca 'oonolec vi'i qataq qaica ca lque'emaxa, qataq ca 'oonolec huaca, qataq caua dos qagueta, nache qanpa'axatchegue'm da qaỹachalec añi nca'atoxonaxalate maye huetalec aca nachetaqtaxanaqte qaỹavigaxatta, lỹateuo aca nachetaqtaxanaqte ala ca nañiguishec qataq ca nachetaqtaxanaxat lataxa, nache qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 3:1

«Qaq da huo'o ca 'oonolec da qoñiita da ndouo aca lachetaqtaxanaqte, nache ỹauota'a aca huaca 'alo, huo'otaq ỹale da ỹanot Ñim Nataxala', da yaqto' qanhuaachigui, qalaxaye que'eca shiguiỹac iuen da qaica ca lque'emaxa.

Levítico 4:15

Huaña, nache na nqueroxonecpi maye lataxala'pi na Israel le'ecpi, ỹashel-lec na lqaic que'eca huaca. Ime, nache ipelecot na lqosot, huaña naqa'en ye lanataqa' Ñim Nataxala'.

Levítico 4:23

Qaq camaye da ivita da ỹaỹaten da huo'o ca lasouaxashet, nache ỹauo'o ca ỹaneuo lachetaqtaxanaxat quetaq maye qaica ca lque'emaxa.

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Levítico 4:32

Qaq da huo'otaq ndouo ca qagueta que'eca shiỹaxaua, nache ndouo aca qagueta maye qaica ca lque'emaxa da lachetaqtaxanaqte maye sa imauaq da qaỹavigaxat.

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Levítico 5:18

Nache camaye iuen da iroua'a ca ntaxaỹaxanaxanec ca qagueta maye qaica ca lque'emaxa, huo'otaq aca lasheue que'eca shiguiỹac da yaqto' lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet maye sa nanoma da ỹo'ot que'eca shiỹaxaua.

Levítico 6:2

«Qaq da huo'otaq huo'o ca shiỹaxaua da npe'eeleguete naua lamaxasoxonaxaco Ñim Nataxala', souaxat da ỹatenachet ca lỹa, qataq ỹoxooñi ca nogoxoshet maye qaicotano'ot da ilo'ogue, huo'otaq da ỹoqta decachiỹa, huo'otaq da deuotaxanec ca lalamaxat ca lỹa,

Levítico 6:8

Nache Ñim Nataxala' 'enapega so Moisés, 'eeta':

Levítico 7:16

Qalaxaye da qoỹaneuo aca nachetaqtaxanaqte da huo'o ca qoỹan na'aqtac, huo'otaq aca nachetaqtaxanaqte maye maiche chegoqchigui da qoỹan, nache acamaye iuen da nache qanallec que'eca na'a'q maye huetoigui da qoỹaneuo, qaq ca no'onañi, nache ishet da qanallec ca lỹa na'a'q.

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Levítico 8:21

Qaq co'ollaq ime da iỹo so lauel le'ecpi so qagueta, qataq soua lapia'ate se'eso qagueta ỹauota'a so 'etaxat, nache ỹavigaxat 'enauac somaye ỹachalec aso nca'atoxonaxalate. Qaq somaye, nache nachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala'. Qaq 'era da 'eetec so Moisés da ipacchigui da lamaxasoxonaxac Ñim Nataxala'.

Levítico 9:2

Nache 'enapego' so Aarón, 'eeta': «'Auaconeua'a qome ca huaca, yaqto' nachetaqtaxanaxat maye sa imauaq da qaỹavigaxat, qataq ca qagueta lhuaraic maye qaica ca lque'emaxa, yaqto' nachetaqtaxanaxat qaỹavigaxatta, nache qoỹanot Ñim Nataxala'.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

Números 15:3

nache qaỹa'añeeuo qome aca qarachetaqtaxanaxache huaca, huo'otaq qagueta da qaỹavigaxat da qoỹanot Ñim Nataxala', huo'otaq ca lỹa nachetaqtaxanaxat maye qaỹavigaxatta, qataq da qaipacchigui ca qoỹan na'aqtac, qataq ca maiche qoỹaneuo, qataq ca nachetaqtaxanaxat maye ama da laitaỹaxac, da yaqto' ỹamaateguet Ñim Nataxala',

Números 15:8

Qaq da huo'otaq huaca llalec que'eca nachetaqtaxanaxat qaỹavigaxatta, huo'otaq da qanhuaachigui, da yaqto' qaipacchigui ca qoỹan na'aqtac, huo'otaq da qanmane' Ñim Nataxala'

Números 19:2

«Aỹem Nataxala', 'era da san ỹamaxasoxonaxac, 'eeta': Qonapega qome na Israel le'ecpi da nauegueuo aca huaca tocalec da lo'oxoỹaxac, qataq qaica ca lque'emaxa, qataq saxanaxa da qaỹauegaxaalec.

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Números 23:27

Qaq huaña nache so Balac 'enapega somaye, 'eeta': Ñaq aỹem 'anqouaguec da ñeqo'onaxa ye lỹa 'alhua, saiuena'a da huaña yemaye da ỹaỹamaxareeta Ñim Lo'onatac 'Enauacna da 'auasaxalec ca qauem 'ara'aqtac na Israel le'ecpi.

Números 23:3

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' shapegueto' da ishet da ñauane' Ñim Nataxala'. Qaq ca la'aqtac Ñimaye, nache 'am sa'axatem qome. Nache so Balaam jec, tasheguema aso no'oitelec lcomaraxalate.

Números 23:30

Nache so Balac ỹo'ot da la'aqtac so Balaam, nache ñi 'oonolec huaca llalec qataq 'oonolec qagueta lhuaraic, ỹachalec añi 'oonole soua nca'atoxonaxalate.

Números 28:11

«Da ivita ye la'auaxanec na'a'q da dalaxaic so ca'agoxoic, nache qaỹa'añiỹot Ñim Nataxala', caua dos huaca llalqa, qataq 'oonolec ca qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da yaqto' nachetaqtaxanaxat qaỹavigaxatta.

Números 28:19

Nache qoỹaareuo caua dos huaca llalqa, qataq 'oonolec ca qagueta lhuaraic qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da yaqto' nachetaqtaxanaxat qaỹavigaxatta da qoỹanot Ñim Nataxala'.

Números 28:31

Nache que'eca nachetaqtaxanaxat qaỹavigaxatta lỹateuo qanqa'en ca nachetaqtaxanaxat 'ayiiña, qataq ca lataxa, qataq ca nachetaqtaxanaxat qaỹavigaxatta maye nache 'eetai' naxa da qoỹaatapegueuo 'enauaque naua na'axa'te. Qaq camayepi qaica qome ca lque'emaxa.

Números 29:13

Qaq ca la'auaxanec na'a'q nache qaỹa'añiiuo qome da qaỹavigaxa't caua trece huaca llalqa, dos ca qagueta lhuaraiqa, qataq catorce caua qagueta llalqa maye ivi' ye 'oonolec vi'i, qataq qaica ca lque'emaxa, nache nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 29:2

Qaq ca nachetaqtaxanaxat qaỹavigaxatta cam ama da laitaỹaxac maye ỹamaateguet Ñim Nataxala', qalaq qoỹaneuo ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Juan 1:36

Qaq co'ollaq ỹauaateguet So Jesús, nache 'enapeco': –Ña qauloỹa, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye chegoqo'ot Ñim Lo'onatac 'Enauacna.

Juan 10:7

Nache So Jesús qaltaq ỹe'eguelaxalec da da'aqtaxan, 'eeta': –Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

2 Corintios 9:7

Qaq ỹoqo'oye ñi 'oonolec ishet da ỹan cam lcata cam tachigui da lquiyaqteỹaxac da ỹan, qaq saishet da choche nacheta'a, huo'otaq da choche qaỹamaqtalec. Cha'aye Ñim Lo'onatac 'Enauacna ỹataqta ỹaỹamaxareeta cam ỹataqta machiguiñi da dachetaqtaxan.

Efesios 2:18

Chegoqchigui da ỹo'ot So Cristo da, na'aictaxa na lauo' le'ecpi judiopi huo'otaq nam saishet da judiopi, da 'oonolec so qomi' hueta'agueta Saqcha'a Na'añaxac som chegoqchigui da ishet da saqaỹapeque Ñim Lo'onatac 'Enauacna maye Qarta'a.

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

Deuteronómio 12:27

qaq nache huaña aca nca'atoxonaxalate maye lalamaqte Ñim Nataxala' maye Qanatamnaxala'ai, da qaỹa'añiiuo ca qarachetaqtaxanaxache da qaỹavigaxat. Qalaxaye ca ltago'q que'eca shiguiỹac maye qaỹa'añiiuo nache qaucoyeelec aca nca'atoxonaxalate, qaq ca lapat ishet da qollequi.

Deuteronómio 15:21

Qaq da huo'otaq huo'o ca lque'emaxa que'eca shiguiỹac, da huo'otaq vi'iỹauo na lapia' huo'otaq sa nauaañi, huo'otaq da huo'o ca lỹa lque'emaxa, nache saishet da 'aỹa'anot Ñim Nataxala' da yaqto' 'arachetaqtaxanaxat.

Deuteronómio 17:1

«Saishet qome da 'aỹa'anot Ñim Nataxala' maye 'Anatamnaxala' ca 'arachetaqtaxanaxat huaca, huo'otaq qagueta da huo'o ca lque'emaxa, cha'aye Ñimaye saisheteguet.»

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.