Levítico 1:1 - La'aqtaqa Ñim Lo'onatac 'Enauacna 2013

¹ Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Levítico 1:1 Iomraidhean Croise

2 Reyes 16:13

nache ỹavigaxat asomaye qataq aso lỹa lachetaqtaxanaqte, qataq icorelec asa'aso nca'atoxonaxalate so lataxa maye lachetaqtaxanaxat, qataq iquetegaxaalec asomaye so ltago'q som ỹaneuo lachetaqtaxanaxat qanhuaachigui.

2 Crónicas 29:32

Qaq ye lcata som ỹaneuo se'eso lapoota'a't shiỹaxauapi, ivi' setenta som nauegaxanaxala' huacapi, cien peenaqpi, qataq doscientos so qagueta llalaqpi. Qaq 'enauac somaye da nachetaqtaxanaxat qaỹavigaxatta da qoỹanot Ñim Nataxala'.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Éxodo 29:42

Qaq 'era qome da chochaq tatec lataxac da qoyecỹaxaqui qataq cam qami' chegoxogueta. Da llec aca'aca nachetaqtaxanaqtepi maye qaỹavigaxat da Aỹem qoỹanot, acamaye qandoua'a ca ñegueuo ca npe'l maye huaña qome da Aỹem 'anauane' da 'am setaxaỹapegue'.

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Éxodo 33:7

So Moisés ỹauo'o co'ollaxa so npe'l, nache ỹanaña so qaỹata'a so nanataqa' maye qanayeuta'a, nache ỹanagui da le'enaxat npe'l maye huaña da qanauane' Ñim Lo'onatac 'Enauacna. Nache da huo'o ca huotaique da ỹaỹaten ca 'eetapeguec Ñim Nataxala', nache taua'a somaye.

Éxodo 39:32

Qaq 'era da 'eetec da ime so npe'l maye huaña da qanauane' Ñim Nataxala', qaq so Israel le'ecpi ỹataqta imatta da ỹo'ot 'enauac som damaxasoxoolecpi Ñim Nataxala' maye ỹamaxalec co'ollaxa so Moisés.

Éxodo 40:29

Qaq aso nca'atoxonaxalate da qaỹavigaxat na nachetaqtaxanaxat, ỹanaña so naloteuga so ñegueuo so npe'l. Ime, nache ỹachalec da ỹavigaxat so lachetaqtaxanaxat shiguiỹacpi, qataq so lsoche na trigo. Qaq nache ipacchigui da lamaxasoxonaxac Ñim Nataxala'.

Levítico 7:38

Qaq 'era da 'eetec Ñim Nataxala' co'ollaq huaña añi qasoxonaxa Sinaí, co'ollaq ỹamaxalec so Moisés da 'enapega na Israel le'ecpi, huaña ye toolec 'alhua ye Sinaí da yaqto' ỹaneuo ana lachetaqtaxanaqtepi.

Levítico 9:16

Nache ỹaneuo aso nachetaqtaxanaqte qaỹavigaxatta, da yaqto' ipacchigui da llec da qoỹaneuo asomaye.

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Números 7:15

qataq so 'oonolec huaca llalec, 'oonolec peenaq, 'oonolec qagueta llalec maye ivi' ye 'oonolec vi'i, da yaqto' nachetaqtaxanaxat qaỹavigaxatta,

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Deuteronómio 27:6

cha'aye da qauo'oche aca nca'atoxonaxalate maye lalamaqte Ñim Nataxala', nache qauachegoxochiỹaigui ca no'oitai' coma', yaqto' qauachiỹalec acamaye aca qarachetaqtaxanaqche maye qaỹavigaxatta da qaỹa'añiỹot Ñim Nataxala' maye Qanatamnaxala'ai,