Jueces 7:2 - La'aqtaqa Ñim Lo'onatac 'Enauacna 2013

² Nache Ñim Nataxala' 'enapega so Gedeón, 'eeta': «Ỹataqta ỹaguec nam 'annaictague'pi shiỹaxauapi, qaq qom sanem na Israel le'ecpi da loxonec ñaqa'en na madianiitapi, nache namayepi ishet qome da na'amaqten, nache ishet da 'eeta': ‹Qomi' maiche soxonaxanaq.›

Jueces 7:2 Iomraidhean Croise

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

2 Crónicas 14:11

Huaña, nache so Asa iỹaxanot Ñim Nataxala', maye Natamnaxala', 'eeta': «¡'Am Nataxala', 'am maye ishet da 'atauan cam 'añaxaic, qataq cam qaica ca la'añaxac, qaq nagui ñaq qomi' 'autaua'n qome, 'Am Nataxala' maye Qanatamnaxala', cha'aye 'am sa'amaqtenaq, qataq nachera da 'are'enaxat da souaxalec da ñanaguenaq da sataỹaqa'aguet ne'ena alleppi! Qaq 'Am Nataxala', nache 'am maye 'Am Qanatamnaxala'. ¡Ña 'auachaxan qome da qaica ca ishet da 'am dataỹa'aguet!»

Isaías 10:13

Cha'aye ñimaye 'enapec: «Nam so'otpi chegoqchigui da maiche ỹa'añaxac, qataq chegoqchigui da ỹaỹaanec cha'aye aỹem ỹaanataxanaxaic, qataq seuotaxanec nam na'alhuapi nam shiỹaxauapi, qataq sacona da lsallaxa namayepi, qataq sheeta'am cam 'añaxaic da ỹoxonec so nta'alpi.

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Isaías 2:17

Na ño'oxonnaxaicpi qataq na na'amqaanaxaicpi ỹataqta imauec qome da qaica ca 'enec. Nacheñita Ñim Nataxala' da qaỹo'oxoren qome que'eca na'a'q,

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Ezequiel 28:17

Da 'aryac 'am nlaxatchigui co'ollaxa da 'año'oxonnaxac, da 'ayo'oxoyec ỹo'ot co'ollaxa da deqat da 'araỹaanec. Qaq ỹoqo'oye qouetaiya' ñaqa'en, nache so'ot da 'am ne'eetapigui na nta'alpi.

Ezequiel 28:2

«'Am Ezequiel, qonapega ñi nta'a ye Tiro, qoneta': Da la'aqtac Ñim Nataxala', 'eeta': Añi 'arquiyaqte ỹataqta nlaqchigui da 'ana'amqaanaxac, qataq qonetega da 'am atamnaxala' cha'aye 'anso'ootangui añi nso'onaxaqui na atamnaxala'pi maye coleesop aso auaxai. Qalaxaye 'am saishet 'am atamnaxala', nacherata da choche 'am shiỹaxaua, maye qonetega 'am hueto'ot ca laỹaanataxanaxac ca atamnaxala'.

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Habacuc 1:16

Qaq ỹoqo'oye namayepi ỹataqta ỹo'oxoren na laleguecpi qataq ana lqoinapi, nache ỹanot nam lachetaqtaxanaxat qataq ỹavigaxat na nchenaxanaxat da ỹo'oxoren namayepi, cha'aye nache chegoqchigui namayepi da sa qoue da lquia'axac namayepi.

Zacarías 12:7

Qalaxaye Aỹem Nataxala', hua'auñi qome da ñeca'alaxatec na lma' ye Judá, yaqto' saishet da ỹactauec da llo'oxoyec nam chegoxoguetpi so David, qataq nam hueta'a na Jerusalén, saishet da napacalec nam laỹepi maye chegoxoguetpi so Judá.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Números 31:4

Nache ñi 'oonolec na maiche nalamaxat nhuo' le'ecpi ỹaconeua'a ca mil ỹalleppi da ỹamaq da nalat.»

Romanos 11:18

Qalaxaye saishet qome da qaupi'itaxañiitega da qanapacỹalec nam judiopi maye qaimaqa'aguet. Nachaqrata da qauennachiỹa'a da qami' qauacoñiiguet de'era nca'alaxa chegoqchigui namayepi. Qaq saishet da taỹot da nca'alaxa namayepi da ỹachegoxotchiguilo qami'.

Romanos 3:27

Da souaqto'ot Ñim Lo'onatac 'Enauacna, nache iuen da saishet da ño'oxonnaqtai'. Cha'aye Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac So Jesucristo, qaq saishet da chegoqchigui da salaxasoxoguet na namaxasoxonaxacpi maye chegoqo'ot so Moisés.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

Efesios 2:9

Qaq damaye saishet da chegoqchigui ca ỹaỹamaqchiguiñi ỹo'ottac ca shiỹaxaua, yaqto' saishet da huo'o ca na'amqangui damaye.

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

Deuteronómio 8:17

Qataq saishet qome da qarhuennataqai, da 'eeta': «'Enauac de'era qarsallaxa damaye chegaqaigui da qaro'onataxanaxac, qataq da la'añaxac naua qarhuaxaye.»

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

1 Samuel 14:6

Nache so Jonatán 'enapega so ltaua, 'eeta': Qolaq qome, saxatague da le'ego, nache sevirqa'ata ye lanataqa' ye sa qara'amaqtenaxanaxauapi. Cha'aye Ñim Nataxala' yo'oqta da qomi' itaua'n, cha'aye Ñimaye qaica naqa'en ca lqalaic da ñauegaq na qampa'aguenaxauapi, na'aictaxa da ỹataqta qalota, huo'otaq saq 'amaqtaq.