Jueces 6:7 - La'aqtaqa Ñim Lo'onatac 'Enauacna 2013

⁷ Qaq so Israel le'ecpi co'ollaq iỹaxanot Ñim Nataxala' da yaqto' isoueeguesop so madianiitapi,

Jueces 6:7 Iomraidhean Croise

Salmos 106:44

Qalaxaye Ñim Lo'onatac 'Enauacna naxa da ila'a da nque'eenaxac, qataq da hua'axaỹa da nachoxonnaxac,

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Jueces 6:6

Nache ỹataqta lta'araic da lachoxoyec so Israel le'ecpi souaxat so madianiitapi, ỹoqo'oye ivitta'a da nachoxoreetacot Ñim Nataxala' da yaqto' itauan somayepi.

Jueces 6:8

nache Ñimaye namaq so la'aqtaxanaxanec nache, 'eeta': «'Era da la'aqtac Ñim Nataxala' maye Natamnaxala' na Israel le'ecpi, 'eeta': ‹Aỹem qami' ñeqateeguesopa co'ollaxa ye Egipto, yem huaña co'ollaq qami' nlatacpi,

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.