Jueces 6:5 - La'aqtaqa Ñim Lo'onatac 'Enauacna 2013

⁵ Cha'aye so lpe'lpi qataq so na'atetpi somayepi, ỹataqta nlaqaalec yi'iye 'alhua, nache ỹataqta nlachiguiñi naqa'en. Cha'aye somayepi qataq aso lalo cameellopi ỹataqta qalota, 'eeta'am ana shiiquioxoipi maye qaica ca ishet da naloqten.

Jueces 6:5 Iomraidhean Croise

Cantares 1:5

Qami' 'alpi maye qarma'ai na Jerusalén, aỹem lairaxaale qalaxaye aỹem 'onaxai, da ỹaueraxa 'eeta'am da laueraxa na lpe'lpi na Quedar le'ecpi, da iyacỹaxac qalaq 'eeta'am da lyacỹaxac na lapoxonaxatpi so Salomón.

Isaías 13:20

Nache saishet qome da qaltaq qaỹe'eguelaxa da qanayenalec, qataq yemaye qaica qome ca ishet da qaltaq nalec. Na Arabia le'ecpi saishet qome da qaltaq ỹe'eguelaxa yemaye da nalec, qaq ivira'a na qagueta lo'opi da saishet da nmataqa' naqa'en yemaye aca lalo qaguetapi.

Isaías 60:6

Nache 'am nlaxagui qome ana cameellopi maye lalopi nam chegaqa'a ye Madián qataq ye Efa, qataq anac qome 'enauac nam chegaqa'a ye Sabá nachetac na lcat oro qataq na nchenaxanaxat maye ama na laita, nache ỹa'axatec qome nam huo'o da llo'oxoyec maye ỹo'otpi Ñim Nataxala'.

Jeremías 46:23

¡Nache nquesoxoñi ye sansattec aviaq! Qaq 'era da ỹa'aqtac Aỹem Nataxala'. Cha'aye namayepi napacalec ye lcata ana shiiquioxoipi, nache qaica ca ishet da naloqten.

Jeremías 49:29

Qauotaxañic qome ye lpe'lpi qataq ana lalo qaguetapi, qataq nam lapoxonaxatpi, qataq 'enauac nam lhuenecpi. Nataqa'en qauacoñiỹa qome ana lalopi nauanaxanaxapi, ime nache qaua'alaqaitalec yemayepi, qoñeeta': ¡Ỹataqta 'enauac na pa'aiguelo da huo'o da lchec!

Jeremías 49:32

¡Qauotaxañec aye lalopi nauanaxanaxapi qataq 'enauac ye na'atetpi! Aỹem selagaxat qome tateugalo ñaqa'en yi'iye shiỹaxauapi maye namare'c naua lqaic laỹel, qataq chegoqteegalo qome na qauem da talec ñaqa'en yemayepi. Qaq 'era da ỹa'aqtac Aỹem Nataxala'.

Jeremías 51:14

Ñim Nataxala' maye Qaica ca Ỹaqalanapec, maiche ỹan co'ollaxa da la'aqtac, 'eeta': «'Am ñamaxa qome ca qalota 'ampa'aguenaxauapi 'eeta'am ana shiiquioxoipi, nache camayepi 'am do'onaxaatalec qome da 'am loxonec.»

Deuteronómio 28:33

Qaq na ala ca 'añiguishecpi maye ñaxaalec que'eca 'ana'alhua maye chegaqaigui da 'aro'onataxanaxac, camaye chec qome na chegaqauecpi shiỹaxauapi. Nache ỹataqta huo'o da 'anque'eenaxac qataq saishet da 'am qaiyacnapec 'enauaque naua na'axa'te.

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 8:21

Huaña nache so Zebaj qataq so Salmuná 'enapegalo so Gedeón, 'eeta': ¡Ña qomi' 'aualaua't, cha'aye ca ỹale ishet da qaỹauatton da 'eesa da qaramchigui! Nache so Gedeón ñisheguem, nache ỹalaua't soomaye, nache ỹaconalo soua llo'oxoraqtel naua ltogue soua cameello maye lalol so Zebaj qataq so Salmuná.

1 Samuel 30:17

Nache so mashe yo'oqoolec na 'alhua, nache so David iloquiaxan somayepi, nache ivitta'a so avit so lỹa na'a'q da iloquiaxaatac, qalaxaye cuatrocientos so nsoxoppi so ishet da nca'alec, cha'aye neleco' aso lalo cameellopi nache datauec.