Jueces 6:3 - La'aqtaqa Ñim Lo'onatac 'Enauacna 2013

³ Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Jueces 6:3 Iomraidhean Croise

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 29:1

Qaq so Jacob, qaltaq jec da nqo'ona ye na'alhua som nala' lliguisheguem le'ecpi.

1 Reyes 20:27

Qaq so Ajab nataqa'en naloqna't so alleppi Israel le'ecpi, nache ỹanem so aloq da yaqto' ỹache, nache ca'ateguet so siiriopi. Nache so Israel le'ecpi ỹa'ayiñi so lpe'lpi da hua'a so datatta so siiriopi, qaq somayepi ỹataqta saq 'amaqtaq 'eeta'am aca nlo quetaqpiole ye hueta'a, qaq so siiriopi qalaq ỹataqta imattalec se'eso 'alhua.

1 Reyes 4:30

Qaq da laỹaanec so Salomón ỹataqta napacalec so ỹaanaxanaxaicpi maye lma' da pa'aigue da nala' lliguisheguem qataq so Egipto le'ecpi.

1 Reyes 5:10

Nache so Jirán, ỹamaxa so Salomón 'enauac so 'epaqpi maye chegaqaigui na cedro, qataq pino maye iỹaxanaique co'ollaxa somaye.

Da na'aqtaguec so Job 1:3

qataq siete mil aso lalo qaguetapi, tres mil aso cameellopi, mil so lauegaxanaxala'pi huaca, qataq quinientos so 'ashenapi, qataq ỹataqta qalota so l-latacpi. Qaq somaye nacheso so ỹataqta sallaxanec 'enauac som netaña da nala' lliguisheguem.

Da na'aqtaguec so Job 31:8

nache ca ỹaqa'a, chec qome na ala ca ỹañiguishec, qataq ỹataqta napo'c naua lpa'aye anam saañepi co'ollaxa.

Éxodo 17:8

Nache so amaleciitapi naỹa ye Refidim da delogui' so Israel le'ecpi.

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.

Isaías 62:8

Ñim Nataxala' ỹachaxaasheguem na aloiguishec lhuaq, nache ỹan da la'aqtac, 'eeta': «Saishet qome da qaltaq sanem na 'ampa'aguenaxauapi da chec na 'aralamaxat trigo, qataq na chegaqauecpi da nỹomgui na maiche 'aro'onatac lataxa.

Jeremías 49:28

Da la'aqtac Ñim Nataxala' maye talec som chegoxoguetpi so Quedar qataq so nataxala'pi ye Hasor, som loxonqa co'ollaxa so Nabucodonosor maye nta'a ye Babilonia, 'eeta': «¡Ña qoqui qome da qauloquiaxañi ye Quedar! ¡Qaulaxachiigui qome ye nhuo' le'ecpi maye pa'aigue da nala' lliguisheguem!

Ezequiel 25:3

Nache qonapega da na'axaỹaxana da la'aqtac Ñim Nataxala' maye taalec yemayepi, 'eeta': Qami' qaua'alqaitagui da qantonaxaqui co'ollaq qauloỹa'a añi ỹalamaqte atamnaxaqui da qanshepaxanaqchet, qataq co'ollaq qailaxachigui ye 'alhua Israel, qataq co'ollaq noxonec na Judá le'ecpi nache qaỹauega ye ỹaqa'a 'alhua.

Ezequiel 25:4

Qaq ỹoqo'oye qami' sanegueta qome da la'añaxac na shiỹaxauapi maye lma' ye pa'aigue da nala' lliguisheguem, yaqto' yemayepi deuotaxanec qome na qana'alhuai, nache ỹo'ot na lanataqa'pi, qataq ỹanaña namaye na lma'pi. Qaq yemayepi qome chectac na ala na qorañiguishiqui qataq nỹomtapigui na lche' ana qareloi huacapi.

Levítico 26:16

nache Aỹem qami' ñamaxalo qome ca ncolanaxa lta'araic, qataq ca nalolaxasat maye qanlem, qataq ca napaxa maye ỹo'ot na ne'eraxa, qataq na'aqche't naua na'ai'te, qataq qaica naqa'en ca la'añaxac da no'ocỹaxac, qataq choche qaỹa'añiiteguiñi qome ca qa'añiguishequi, qalaxaye ca qampa'aguenaxauaipi nacheca ca chec ca ala camaye.

Miqueas 6:15

Qataq qom 'anaxan qalaq saishet da 'avira'a da 'anqat na ala ca 'añiguishec, qataq da 'aulaxachigui ana aceituna qalaq saishet da 'avira'a da 'auo'ogoxona na aceite maye chegaqaigui anamaye, qataq choche 'aulaxattapigui qome ana uva, qalaxaye saishet da 'avira'a da 'anỹomgui na lataxa maye chegaqaigui anamaye.

Deuteronómio 28:51

Qaq camayepi chec qome ca llalec ca 'arelopi, qataq ca ala ca 'añiguishecpi ivitta'a da 'am ỹachoxoren. Qataq qaica ca no'onañi naqa'en ca ala ca trigo, lataxa, aceite, qataq ca llalec aca 'arelo huacapi, qataq aca qaguetapi, nache 'am ỹalaua't qome na 'arqouaxa.

Jueces 10:12

Sidón le'ecpi, amaleciitapi qataq ye madianiitapi, nache naxa da aỹem qauỹaxañiỹot da qami' setaua'n. ¿Qaq peta'a saisheto' da qami' sesoueeguesopa namayepi?

Jueces 3:13

Qaq ỹoqo'oye so Eglón, naỹamaxate' co'ollaxa so 'amoniitapi qataq so 'amalequitapi da yaqto' huaxaiguet, nache jec da iloquiaxan so Israel le'ecpi, nache deuotaxanec so huaqta'a't nỹecpi maye le'enaxat Chaisat.

Jueces 6:2

Qaq souaxato' so madianiitapi da ỹataqta nquictauec da la'añaxac da ỹachoxoren so Israel le'ecpi, nache somayepi ỹo'ot so lloqtaxanaxaquipi, ỹanaigui aso qasoxonaxapi, qataq so auacpi maye nqañoxotaxaquipi.

Jueces 6:33

Qaq ime, nache 'enauac so madianiitapi, amaleciitapi, qataq 'enauac so chegaqa'ague da pa'aỹa'ague da nala' lliguisheguem huaxaỹa't, nache ỹa'axasoxoolec so tala Jordán, nache hua'a so ca'amegue ye Jezrel da ỹanaña so lpe'lpi.

Jueces 6:4

Nache naxa da ivita ye na'alhua so Israel le'ecpi, nache ỹa'ayiñi na lpe'lpi, nache ilaxachigui 'enauac na lañiguishecpi somayepi, nache ivira'a ye 'alhua ye Gaza, nache ỹataqta qaica ca no'onaxatañi da aloq so Israel le'ecpi, ivira'a aso qaguetapi, nauegaxanaxala'pi huaca qataq so 'ashenapi.

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.