Jueces 3:8 - La'aqtaqa Ñim Lo'onatac 'Enauacna 2013

⁸ Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so Cusán Risatayin, som nta'a ye Mesopotamia. Nache somayepi ivi' ocho vi'iye da do'onataxaatacot so Cusán Risatayin.

Jueces 3:8 Iomraidhean Croise

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Salmos 106:41

Ỹoqo'oye ỹaneguet na ỹotta'a't shiỹaxauapi, da yaqto' loxonec somayepi nam maiche lquiỹaxatpi co'ollaxa.

Salmos 129:1

Aỹem, ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec qaq nagui na Israel le'ecpi ishet da 'enapec.

Salmos 44:12

Qataq saqaỹaua'a da 'aumen na 'aralamaxat nhuo' le'ecpi, qataq qaca aca 'araueque da 'aumen namayepi.

Salmos 6:1

'Am Nataxala', saishet qome da aỹem 'anlaxa qom 'aunotac, qataq saishet da 'auauo'o ca ñeuaxanaguec qom huo'o da 'arayeloxo.

Salmos 85:3

Qataq 'avia'axaneguet 'enauac da 'aralemataic, qataq 'anllañi da ỹataqta lta'araic 'annogoxonaxac.

Éxodo 22:24

nache ỹataqta lta'araic da ỹalemataic. Nache qami' seroleguete ca ỹeelonec da qami' salaua't, nache ishet da pa'aipi aca qaramoxouaipi, qataq ca qaỹa'alquipi nache saploqpi.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Romanos 7:14

Cha'aye qomi' saỹaanaq da na namaxasoxonaxacpi chegoqo'ot Ñim Lo'onatac 'Enauacna. Qalaxaye aỹem choche aỹem shiỹaxauatto, qaq ỹoqo'oye sa seshet da ñellañi nam qauem iqopitaxanaqtaiguesat qataq aỹem l-latac da ñe'etaxaloxo.

Deuteronómio 29:20

Qaq Ñim Nataxala' saishet qome da ỹapalaxat cam lasouaxashet que'eca shiỹaxaua, cha'aye Ñim Nataxala' ca'alaxanaxaic, nache 'eroigui qome da layeloxo nache talec naqa'en que'eca shiỹaxaua 'enauac ne'ena nhuaxanaguecpi cam shiỹaxaua maye nanettalec ana'ana nere, nache Ñim Nataxala' pal naqa'en ca le'enaxat camaye da huetalec ana 'alhua.

Deuteronómio 32:30

¿Ca 'eeteco' ca 'oonolec ỹale da ỹo'orauec ca mil alleppi? ¿Huo'otaq caua dos ỹale't da datauec naqa'en ca diez mil alleppi? ¡Da saishet da nacheñi Ñim Nataxala' da ỹaneguet namayepi ca mpa'aguenaxauapi!

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Jueces 2:20

Qaq ỹoqo'oye Ñim Nataxala' ỹataqta dalemataỹa so Israel le'ecpi, nache 'enapeco': «Ne'ena nhuo' le'ecpi, ỹataqta saỹaỹamaxatapec da ñaỹamaxataxac maye samaxalec co'ollaxa som hua'au lta'alpi, qataq saishet da Aỹem ỹalaxaguet.

Jueces 3:10

Nache so Saqcha'a La'añaxac Ñim Nataxala', anac da ỹo'ot da la'añaxac so Otoniel, da yaqto' lataxala' so Israel le'ecpi. Ỹoqo'oye co'ollaq jec da deloqui, nache Ñim Nataxala' ỹanem da loxonec so Cusán Risatayin.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Jueces 4:9

Nache aso Débora, 'enapeco': «Aja', 'am seca'ategue. Qalaxaye da ño'oxonnataguec de'era alaataxac, saishet qome da 'am talec, cha'aye Ñim Nataxala' ỹanem aca 'alo da loxonec ñi Sísara.» Huaña nache aso Débora nnaicapegue' so Barac da nqo'oora ye Cedes.

1 Samuel 12:9

Qalaxaye somayepi icoua'ai Ñim Nataxala' maye Natamnaxala', nache Ñimaye ỹaneguet co'ollaxa da la'añaxac so Sísara, som lataxala' so nalleppi so Jabín, som nta'a maye lma' ye Jazor, qataq da la'añaxac so filisteopi, qataq so nta'a maye lma' ye Moab, maye iloquiaxan co'ollaxa somayepi.