Jueces 3:7 - La'aqtaqa Ñim Lo'onatac 'Enauacna 2013

⁷ Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Jueces 3:7 Iomraidhean Croise

Éxodo 34:13

Nacherata da qanlaxachiiñi qome 'enauac aca lca'atoxonaxalatepi, qataq ca ne'enaqtac coma'pi maye atamnaxala'pi qataq ca lqui'ipi aso Aserá.

2 Reyes 23:6

Nataqa'en damaxasoxoolec da qanqateeguesop ye Jerusalén so lqui'i aso Aserá maye netaigui aso atamnaxaqui maye lalamaqte Ñim Nataxala', nache ỹataqta ỹavigaxatta, huaña so la'auaxac Cedrón, ivira'a da nda'a't so alo, ime nache ichegoxolec aso huachiquipi.

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

2 Crónicas 33:3

qataq ỹe'eguelaxa da no'oxoosheguem som qaỹoqotcheguemec atamnaqa'pi maye so lta'a Ezequías ilaxachigui co'ollaxa, nache no'oxoosheguem aso nca'atoxonaxalatepi da ỹo'oxoren so lqui'ipi so Baal, qataq ỹo'ot so lqui'ipi aso Asera, qataq nataqa'en natamnot qataq ỹo'oxoren 'enauac ana huaqaañipi maye neto'ot na piguem,

2 Crónicas 24:18

Qalaxaye somayepi ca'ai aso atamnaxaqui maye lalamaqte Ñim Nataxala' maye Natamnaxala' so hua'au lta'alpi, nache taỹa da natameetacot so lqui'ipi aso Aserá, qataq so laỹepi atamnaxala'pi. Qaq souaxat de'era lasouaxashet somayepi, nache Ñim Nataxala' dalemataỹa so lma' ye Judá qataq ye Jerusalén.

2 Crónicas 15:16

Qataq so nta'a Asa, nataqa'en nqateua'a da lo'onataxanaxac da nate'e aso lcote Macá, souaxat da asomaye damaxasoxoolec co'ollaxa da qaỹo'ot so lqui'i aso Asera. Nache so Asa, ilaxachigui co'ollaxa se'eso lqui'i aso Asera, nache ỹavigaxat huaña so la'auaxac ye Cedrón.

2 Reyes 23:14

Qataq ỹataqta dolachigui naqa'en aso saqaishetapec coma', qataq so lqui'i aso Aserá, nache nlaxattelec som netañapi co'ollaxa somayepi so shiỹaxaua lpi'inecpi.

1 Reyes 18:19

Qaq ỹoqo'oye nagui, 'auauo'o qome ca 'auamaq da laỹona't 'enauac na Israel le'ecpi, nache taỹa qome añi qasoxonaxa Carmelo, qataq ca cuatrocientos cincuenta la'aqtaxanaxanecpi ca Baal qataq ca cuatrocientos la'aqtaxanaxanecpi aca Aserá, maye lquia'axaua naxa aca Jezabel.

1 Reyes 16:33

Nataqa'en ỹo'ot aso le'enaqta lqui'i aso Aserá, huaña nache ỹataqta nquictec da inogoqchet Ñim Nataxala', maye Natamnaxala' so Israel le'ecpi, qaq nache ỹataqta napactelec na ỹo'otpi so hua'au nta'alpi ye Israel.

Jueces 6:25

Qaq nacheso se'eso pe da Ñim Nataxala' 'enapega so Gedeón, 'eeta': «'Auaconeua'a qome ca 'oonolec huaca maye mashe ivi' naua siete vi'iye, 'auachegoxotaigui nam na'atetpi ñi 'arta'a, ime, nache 'anlaxaañi añi nca'atoxonaxalate maye nauaxaỹaxaasheguem co'ollaxa ñi 'arta'a da yaqto' qanatamnot so Baal, qataq 'aulaxachigui ñi na'attañi 'epaq maye lqui'i aso Aserá maye huaqta'ai' añim nca'atoxonaxalate.

Jueces 3:12

Qaq so Israel le'ecpi qaltaq ỹe'eguelaxalec da ỹo'ot co'ollaxa na ỹataqta sa ỹaỹamaxaren Ñim Nataxala', ỹoqo'oye Ñimaye ỹanem da la'añaxac so Eglón, som nta'a ye Moab, nache napacalec da la'añaxac so Israel le'ecpi.

Deuteronómio 16:21

Saishet qome da qaỹa'añiiñi aca qo'oipaq da yaqto' naña qanqa'eñi ca lqui'i aso Aserá, qataq saishet da sa qaỹapeque qanqa'eñi aca nca'atoxonaxalate maye lalamaqte Ñim Nataxala' maye Qanatamnaxala'ai.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

2 Crónicas 34:7

Qataq ỹamaxañi aso nca'atoxonaxalatepi, qataq so lqui'ipi aso Asera, qataq so nqolacpi nache ỹataqta nda'a't lsoche naqa'en, qataq nlaxaañi 'enauac aso nca'atoxonaxalatepi maye qaỹachalec naxa so nchenaxanaxat maye ama na laita, maye hueta'a 'enauac nam 'alhuapi ye Israel. Qaq ime co'ollaxa nache ỹe'eguelaxa ye Jerusalén.

2 Crónicas 34:3

Qaq co'ollaq ivi' soua ocho vi'iye da lo'onataxanaxac, co'ollaq ñaq nsoqolec so Josías, nache somaye nmitaique Ñim Natamnaxala' som chegoxoguet David. Qaq so vi'i doce da lo'onataxanaxac, nache ỹacoolec da iqui'itaxat ye Judá qataq ye Jerusalén nqateua'a so atamnaqa'pi maye huaña so qaỹoqotcheguemec, qataq so lqui'ipi aso Asera qataq so nqolacpi, qataq so ne'enaqtacpi maye chegaqaigui so nqatelliguishec lcat,

Jueces 3:8

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so Cusán Risatayin, som nta'a ye Mesopotamia. Nache somayepi ivi' ocho vi'iye da do'onataxaatacot so Cusán Risatayin.

Jueces 8:34

Nache icoua'ai Ñim Nataxala' maye Natamnaxala', Ñim isoueeguesop co'ollaxa 'enauac so mpa'aguenaxauapi somayepi,

1 Samuel 12:9

Qalaxaye somayepi icoua'ai Ñim Nataxala' maye Natamnaxala', nache Ñimaye ỹaneguet co'ollaxa da la'añaxac so Sísara, som lataxala' so nalleppi so Jabín, som nta'a maye lma' ye Jazor, qataq da la'añaxac so filisteopi, qataq so nta'a maye lma' ye Moab, maye iloquiaxan co'ollaxa somayepi.

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

Salmos 106:7

So qarta'alpi co'ollaq hueta'a ye Egipto, qalaq saishet da ỹaỹaaneguet co'ollaxa da 'ayo'oxoyec, qataq saishet da iuennata'a da lta'araic 'arauotaxanaqtaic, nacherata da 'am dataỹa'aguet co'ollaq huaña ye loigue aso Auaxai Togaxarai.

Jeremías 23:27

Qaq na lchoxonaxacpi maye ỹa'axattapeguem na laỹepi, nachena nam huotaique da ỹachegoxotchigui, da na ỹalamaxat nhuo' le'ecpi Aỹem icoua'ai, 'eeta'am co'ollaxa som hua'au lta'alpi, da aỹem icoua'ai nache ca'ategue so Baal.

Deuteronómio 8:11

Saishet qome da qaucouaỹa'ai Ñim Nataxala' maye Qanatamnaxala'ai. Qataq saishet da sa qauo'oche na lamaxasoxonaxacpi qataq na lapaxañi lataxacpi, qataq na lqataxacpi maye qami' samaxaleguete nagui.

Deuteronómio 8:14

nache saishet qome da qana'amaqchiñi, qataq da qaucouaỹa'ai Ñim Nataxala' maye Qanatamnaxala'ai, maye qami' nqateeguesopa co'ollaxa ye Egipto, yem huaña co'ollaxa da choche qami' nlataqa;

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

Jueces 8:33

Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

Salmos 106:35

Nacherata da ỹaleeguet na ỹotta'a't shiỹaxauapi, qataq quegue na no'onataxacpi.

Salmos 106:36

Qataq natamnot so natamnaxala'pi namayepi, qaq nachera da ỹo'ot da lque'emaxa,