Jueces 19:1 - La'aqtaqa Ñim Lo'onatac 'Enauacna 2013

¹ Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 19:1 Iomraidhean Croise

Génesis 22:24

Qaq so Najor, nataqa'en huo'oi soua llalqa maye late'e' aso Reúma, asom ỹaqauga lhua somaye. Qaq soomaye le'enaxa't da Teba, Gaján, Tajás qataq Macá.

Génesis 25:6

Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 35:19

Qaq 'era da 'eetec aso Raquel co'ollaq ileu, qaq nache qailareña so loigue so nqa'aic maye taỹa'a ye Efrata, yem le'enaxat nagui da Belén.

2 Samuel 16:22

Huaña, nache qaỹo'ot so npe'l, nalec qanqa'en na l-laq so nỹec da yaqto' so Absalón lauañi' aso lamoxouapi so lta'a, ỹauaachigui naqa'en 'enauac so Israel le'ecpi.

2 Samuel 19:5

Nache so Joab nqo'oneua'a so nta'a, nache 'enapego', 'eeta': 'Am nta'a, nagui ỹataqta 'auauota'a da la'aloxo na 'aramaxashecpi maye 'am nca'alaxatec, qataq na 'aỹa'alaqpi ỹalleppi, 'alpi, 'arhuapi qataq ana ỹaqauga 'arhuapi.

2 Samuel 20:3

Qaq so David co'ollaq ivireua'a so lma' lta'araic ye Jerusalén, nache nqatrec soua diez lamoxou' maye no'onaxatra'agueta da ilotrague' co'ollaxa so lma' lta'araic, nache iỹotraugalo da ỹapoua'alo, qataq ỹauo'o so nhuataxaua se'eso nỹec maye netaigui soomaye. Qalaxaye qaica ca iueetraique naqa'en, qataq nache saishet da lauañito. Qaq soomaye, nache 'eco' pa'aipi, choche ivitta'a da ileu.

2 Samuel 3:7

Qaq so Saúl huo'o co'ollaxa aso lhua lỹa, le'enaxat Rispá asom llale so Ayá, asomaye lauatapiguiñi' co'ollaxa so Abner. Qaq ỹoqo'oye so Isboset 'enapega co'ollaxa so Abner, 'eeta': ¿Ta'ainco' da 'arauatapiguiñi' aso lhua lỹa co'ollaxa ye ita'a?

2 Samuel 5:13

Qaq co'ollaq ime da ca'ai ye Hebrón so David da taỹa ye Jerusalén, qaq nache huaña yemaye da dalaxai aso laỹepi lhuapi, qataq asom ỹataxanauopi, nache asomayepi deco'oiguet somaye, nache qalota so dalaxaic llalaqpi ỹalleppi qataq 'alpi.

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

1 Reyes 4:8

Qaq 'ena na le'enaxatpi se'eso nta'alpi: Ben Jur, som ilotague' so netaña aye qasoxonaxapi ye Efraín,

2 Crónicas 11:21

Qaq so Roboán, dieciocho aso lhuapi, qataq sesenta aso ỹaqauga lhuapi, qalaxaye somaye ỹataqta ỹauotec aso Macá, saishet da 'eeta'am da lauoche aso laỹepi lhuapi. Qaq somaye ivi' veintiocho so llalaqpi ỹalleppi qataq sesenta aso llalepi.

Ester 2:14

Qaq ye pe, nache nqo'oota so lma' lta'araic so nta'a, qaq ye nte'eta ye lỹa na'a'q, nache qaltaq nqo'oota so lỹa nỹec maye naigui so lma' lta'araic so 'alpi, maye ilotague' so Sasgaz, som ỹale maye lpe'et so nta'a, qataq nauaatalec aso ỹaqauga lhuapi so nta'a, qaq naxa da ime de'era, nache saishet da qaltaq ỹe'eguelaxa da nqo'oneua'a so nta'a, nacherata da so nta'a maiche qaltaq iỹaxaneuga.

Daniel 5:3

Qaq 'era da 'eetec co'ollaq qandoua'a somaye aso ỹomaxaquipi oro, maye qaỹachegoxota'a co'ollaxa aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, nache som nta'a qataq so icoyeguenpi co'ollaxa, qataq aso lhuapi, qataq asom ỹaqauga lhuapi, nache nỹomtapigui asomayepi.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Mateo 2:6

«Qaq 'am Belén, maye qouetaigui na na'alhua na Judá, ỹataqta lta'araic da 'ara'amaqchec, Da qonetaigui na laỹepi nma'pi na Judá; cha'aye 'am chegoqchiguiña qome ca Nataxala', maye ilo'ogue na Israel le'ecpi maye ỹalamaxatpi.»

Josué 24:30

Nache qailareña co'ollaxa ye Timnat seraj, maye taalec da lalamaxat co'ollaxa somaye, yem hualec aye qasoxonaxapi maye lalamaxat so chegoxoguetpi so Efraín, maye pa'aỹa'ague da sheu' añi qasoxonaxa Gaas.

Josué 24:33

Qaq co'ollaq ileu so Eleazar, som llalec so Aarón, nache qailareña aso lcomaraxalate maye lalamaqte so llalec Finés, maye qoỹanem co'ollaq huaña aye qasoxonaxapi ye Efraín.

Jueces 12:8

Qaq co'ollaq ime da nataxala' so Jefté, nache so Israel le'ecpi datalec so Ibsán, som lma' ye Belén,

Jueces 17:1

Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Jueces 17:6

Qaq se'esoua na'axa'te maye huetoigui de'era, nache so Israel le'ecpi ñaq saxanaxaqca co'ollaxa ca nta'a da ilo'ogue somayepi, qaq ỹoqo'oye ñi 'oonolec maiche nanoiqueetac da huo'o cam ỹo'ot.

Jueces 17:7

Qaq huo'o co'ollaxa so nsoqolec maye chegoxoguet so lauo' so Leví maye chochaq hueta'a co'ollaxa ye Belén som lma' so maiche lauo' le'ecpi so Judá.

Jueces 17:8

Qaq somaye ca'ai co'ollaxa ye Belén da nmitaique ca nma' lỹa da yaqto' naña. Nache quetalec so 'alhuapi maye huaña aye qasoxonaxapi ye Efraín, ivitta'a so lma' so Micaía.

Jueces 18:1

Qaq se'eso na'a'q ñaq saxanaxa co'ollaxa da huo'o ca nta'a ye Israel. Nache se'eso nhuo' le'ecpi maye chegoxoguetpi so Dan saxanaxa co'ollaxa da qoỹanem ca lalamaxat na'alhua, ỹoqo'oye somayepi nmittaique cam naña da yaqto' ỹacona da ỹo'ot lalamaxat.

Jueces 18:13

Qaq nache chegoqchiguiña yemaye da jec, taalec ye 'alhua maye huaña ana qasoxonaxapi ye Efraín, nache ivitta'a ye lma' so Micaía.

Jueces 19:16

Qaq co'ollaq mashe pe, nache nateugueye so ỹa'axaiquiolec chegoqtauga so no'onaxa maye lo'onataxanaqa'. Qaq se'eso ỹa'axaiquiolec, nache lma' co'ollaxa ye 'alhua maye huaña ana qasoxonaxapi ye Efraín. Qalaxaye somaye 'eeta'am ca chegaqauec da netaigui som chegoxoguetpi so Benjamím maye netaña yi'iye huaqta'a't nỹecpi ye Gabaa.

Jueces 19:2

Qalaxaye asomaye dalemataỹa so lhua, nache jec da ỹe'eguelaxa ye Belén, nache naña ye lma' so lta'a. Qaq co'ollaq mashe inoxoorec soua cuatro ca'agoxoiqa da netaña yemaye,

Jueces 21:25

Qaq se'esoua na'axa'te maye huetoiguilo de'era, nache so Israel le'ecpi saxanaxa co'ollaxa da huo'o ca nta'a da ilo'ogue somayepi, nache ñi 'oonolec maiche ỹoiqueetac cam ỹataqta ỹaỹamaxareeta da ỹo'ot.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.