Jueces 12:4 - La'aqtaqa Ñim Lo'onatac 'Enauacna 2013

⁴ Qaq huaña nache so Jefté laỹona't 'enauac so ỹalleppi maye lma' ye Galaad, nache delogui' so maiche nhuo' le'ecpi maye chegoxoguetpi so Efraín. Nache so Galaad le'ecpi loxonec so chegoxoguetpi so Efraín souaxat da somayepi 'enapeco': Qami' Galaad lashe', maye choche qauachegoqỹauec da qoñiỹalec na maiche qana'alhuapi maye lalamaxat nam chegoxoguetpi so Efraín qataq so Manasés.

Jueces 12:4 Iomraidhean Croise

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Nehemías 4:4

Qaq huaña nache aỹem ñatamen sheeta': «'Am Qanatamnaxala', ña 'aua'axaỹa da 'eetec de'era qane'enaguec, qaq 'auo'otec qome da maiche talec 'anqa'en yemayepi da le'enaxanaxac. Qataq 'aneguet qome ca npa'aguenaxauapi da yaqto' loxonecpi yemayepi nache ỹauega ca ỹaqa'a 'alhua.

Salmos 78:9

Na maiche nhuo' le'ecpi maye chegoxoguet so Efraín, maye na'atchiguiñi na lo'ogoxonaxat qataq na lchecnecpi qataq ana lchecnapi, qalaq namayepi datauec so na'a'q maye huaigui so loquiaxac.

Proverbios 12:13

Ca qauemaic qalaq lpachigui da maiche latenataxanaxac, qaq ca ỹale no'on da lataxac qalaq qaica ca nqalanaxac da huo'o ca huaigui.

Proverbios 15:1

Ca nasataxac huesotta qalaq nmooñi naqa'en ca nalemataic, qaq ca nasataxac quia'aqaic qalaq 'eroigui naqa'en ca nalemataic.

Jueces 11:10

Nache so nqueroxonecpi nataxala'pi, 'eeta': «Ñim Nataxala', ỹataqta hua'aqchigui ñaqa'enaq, da so'otaq qome 'enauac de'era qonapec.»

Jueces 12:3

Qaq co'ollaq sela'a da saishet da qauanaqui da qomi' qautauañi', huaña nache sa seren da ñachaalataxac da selogui' so 'amoniitapi, nache Ñim Nataxala' aỹem ỹanem da ỹoxonec somayepi. Qaq nagui ¿ta'ainco' da qauanaqui da qansheetaique da aỹem qauloquiaxañi?»

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

1 Samuel 25:10

Qalaxaye so Nabal 'enapeco': ¿Negue't que'eca David? ¿Negue't que'eca llalec cam Yesé? ¡Cha'aye nagui qalota na nlatacpi maye dataueeguesop na na'aco'pi!