Jueces 12:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe qaỹata'ague de'era nache so ỹalleppi maye chegoxoguetpi so Efraín, naỹamaxat co'ollaxa nache taitague da le'ego so tala Jordán, nache taỹa ye Safón. Huaña, nache 'enapega so Jefté, 'eeta': ¿Ta'ainco' ye qomi' sa 'aucoyegue'n da yaqto' 'am setauanaq co'ollaq 'anqo'ona da 'auloquiaxan ye 'amoniitapi? ¡Qaq nagui, nache qouetaigui ñaqa'enaq ñi 'arma' da 'am savigaxataq!

Jueces 12:1 Iomraidhean Croise

Salmos 109:4

Da ỹauotaxanaqtaic namayepi qalaq nmeneguet naqa'en da lsheunaxanaxac, qalaxaye aỹem ñatameetac.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Oseas 13:1

Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.

Marcos 3:24

Ca shiỹaxauapi maye hueta'a que'eca 'alhua da maiche deloguiỹa't, nache camayepi taỹa'a da nlaguiñi.

Juan 10:32

Nache So Jesús 'enapeco': –Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?

Santiago 3:16

Qaq ỹoqo'oye chegaqaigui da nca'alaxanaxac qataq da loquiaxac qataq 'enauac nam ỹotta'a't sa ỹaỹamaxañisat.

Jueces 11:40

Qaq ỹoqo'oye so Israel le'ecpi nache chegoqta'a co'ollaxa de'era, da queto'ot da ỹo'ottac ye 'oonolec vi'i na qa'ampi da iviraxattrec naua cuatro na'axa'te da nỹeeteguelec aso llale so Jefté.

Jueces 12:2

Nache so Jefté 'enapeco': «Na ihuo' le'ecpi qataq aỹem huo'o co'ollaxa so qancotaxac da ñecotaqtague' so amoniitapi. Nache aỹem qami' seỹaxanalo co'ollaxa, qalaxaye qami' saishet da qauanaqui da qomi' qanpaxachiileguete.

Jueces 14:15

Qaq ỹoqo'oye so ivita so lỹa na'a'q, nache qoỹenapego' aso lhua so Sansón, qoỹeeta': Ña 'auauo'o ca lataxac qome da so 'arhua 'am da'aqtaxanem ca naigui se'eso ỹapogoñi la'aqtac, cha'aye da sa 'auo'ot de'era, nache qomi' 'am savigaxataq qome, qataq 'enauac nam llalaqpi so 'arta'a. ¡Cha'aye 'ena'amso' da qomi' qanaviquiireuo da yaqto' qauacoñiỹa nam qaralamaxatpi!

Jueces 15:6

Nache so filisteopi ichemaxattac, chaq negue't cam ỹo'ot de'era, nache ivitta'a da ỹaỹaten da nacheso so Sansón som ỹo'ot de'era, souaxat so lacho' maye Timná le'ec ỹanec co'ollaxa aso llale da lhua naqa'en so lỹa ỹale, qaq huaña, nache so filisteopi nqo'ona da ỹavigaxat aso 'alo qataq so lta'a.

Jueces 8:1

Qaq som nhuo' le'ecpi maye chegoxoguetpi so Efraín ỹataqta dalemataỹa co'ollaxa so Gedeón, nache ncotaỹapegue' souaxat da saishet da iỹaxana somayepi co'ollaq jec da delogui' so madianiitapi.