Jueces 10:4 - La'aqtaqa Ñim Lo'onatac 'Enauacna 2013

⁴ Qaq so Yaír, ivi' treinta so llalaqpi, qaq ñi 'oonolec somayepi nnotaxala' naxa na maiche lalamaxat 'ashena, qataq ñi 'oonolec somayepi ilotague' so maiche lalamaxat lma' maye huaigui ye Galaad. Qaq nache ivitta'a nagui yi'iye lma'pi da qaỹamata'ac da le'enaxat «Ye Lma'pi so Yaír.»

Jueces 10:4 Iomraidhean Croise

2 Samuel 16:2

Nache so nta'a inato' so Sibá, 'eeta': ¿Ta'ainco' da 'andouec ne'ena? Nache somaye 'enapeco': Ñaue'c ne'enaua 'ashena yaqto' neleguete 'anqa'en na 'aỹa'alaqpi, qaq ana nauolepi, qataq ana nqaxaỹaqta nañiguishe ala, nache lqo na alleppi, qaq na lataxa qalaq nỹomigui ca ilem na laquip qom hualec ye toolec 'alhua.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Números 32:41

Qaq so Yaír, maye nataqa'en chegoxoguet so Manasés, deuotaxanec co'ollaxa soua sa lamai' nma'ate maye lalamaqa'ate so amorreopi, nache ỹanagui da le'enaxat Javot Yaír.

Deuteronómio 3:14

Nache so Yaír maye chegoxoguet so Manasés, somaye ỹacona ye 'alhua ye Argob, ivitta'a ye loga't ye 'alhua ye Gesur, qataq ye Macá, qataq naralaxat da le'enaxat ye Basán, nache ỹanagui da Havot Yaír. Qaq de'era le'enaxat ñaq 'eetalec ivitta'a nagui.

Jueces 10:3

Ime co'ollaxa qataq nachaañi so Yaír, som galadiita, maye nataqa'en ivi' soua veintidós vi'iye da ilotague' so Israel le'ecpi.

Jueces 10:5

Qaq co'ollaq ileu so Yaír, nache qailareña ye Camón.

Jueces 12:14

Nache ivi' soua ocho vi'iye da nataxala'. Qaq so Abdón ivi' co'ollaxa cuarenta so llalaqpi, qataq treinta so laualpi, qaq ñi 'oonolec somayepi nnotaxala' naxa na 'ashena.

Jueces 5:10

¡Qaua'aqtaxañi qami', maye qoñiitalec naxa ana 'ashena lapagaxaipi, qataq qarauala'ai naxa na no'on no'oxonecpi, nataqa'en qami', maye qauapiitañi naxa da qoquiitegue na nqa'aicpi!