Jueces 1:3 - La'aqtaqa Ñim Lo'onatac 'Enauacna 2013

³ Nache som chegoxoguetpi so Judá 'enapega so lqaỹañecpi maye lauo' le'ecpi so Simeón, da yaqto' itauan somayepi da nqo'ona ye 'alhua maye mashe qoỹanem som chegoxoguetpi so Judá, qaq da ime nache ntauna't da qaiuotaxanec ye 'alhua maye qoỹanem so lauo' le'ecpi so Simeón. Qaq so maiche nhuo' le'ecpi maye chegoxoguetpi so Simeón ỹaỹamaxareeta da huaxaiguet somayepi.

Jueces 1:3 Iomraidhean Croise

Génesis 29:33

Qaq co'ollaq qaỹata'ague de'era, nache aso Lea qaltaq huo'o so lỹa llalec, nache ỹanagui da le'enaxat Simeón, nache 'enapeco': «Ñim Nataxala' hua'aqtega co'ollaxa da ño'otanaguec, ỹoqo'oye qaltaq aỹem ỹanem na lỹa ỹalec.»

2 Samuel 10:11

Qataq 'enapega, 'eeta': «Da 'aula'a da mashe huotaique da sa ñalo'oguet ye siiriopi, nache 'auanac qome da aỹem 'autauan, qaq da 'am sela'a da mashe huotaique da sa 'analo'oguet ye amoniitapi, nache 'am ñeqo'ona qome da 'am setauan.

Josué 19:1

Qaq so lỹa 'alhua maye qanallichigui co'ollaxa, nache taalec so llalaqpi so maiche nhuo' le'ecpi maye chegoxoguetpi so Simeón. Qaq se'eso 'alhuapi nache huaigui so 'alhua maye lalamaxat so maiche nhuo' le'ecpi maye chegoxoguetpi so Judá,

Jueces 1:17

Ime, nache so maiche nhuo' le'ecpi maye chegoxoguetpi so Judá, nnaicapegue' so lqaỹañecpi maye chegoxoguetpi so Simeón, da yaqto' iloquiaxan so Canaán le'ecpi maye netaña ye Sefat, nache ỹataqta nmatchiguiñi da ilaxachigui se'eso huaqta'a't nỹecpi. Qaq ỹoqo'oye qoỹanagui da le'enaxat Jormá.

Jueces 1:2

Nache Ñim Nataxala' ỹasategueto' somayepi nache 'enapeco': «Nam chegoxoguetpi so Judá, nachena nam hua'auñi da deloqui cha'aye mashe sanem yi'iye 'alhua.»

Jueces 1:4

Nache so maiche nhuo' le'ecpi maye chegoxoguetpi so Judá jec da deloqui, nache Ñim Nataxala' ỹanem somayepi da yaqto' loxonec so Canaán le'ecpi qataq so fereseopi. Qaq huaña ye Bezec, nache ỹalauat so diez mil ỹalleppi.