Juan 9:10 - La'aqtaqa Ñim Lo'onatac 'Enauacna 2013

¹⁰ Nache somayepi inattac somaye, 'eeta': –¿Hua'ago' ca 'eetec da 'am ishet da 'anauaañi?

Nuevo Testamento Toba Sur

¹⁰ Nachi qainattac, qoÿiita': –¿Huá'ago' ca 'eetec yi 'am mashi ishit da 'anauaañi?

Nuevo Testamento Toba Sombrero Negro

¹⁰ Qama'le ua'a da'me yenatetedac: —¿Jach'e ga'me am qo'eetec queda'me nayi ma'te auaqanatet ta'le aneloye?

Juan 9:10 Iomraidhean Croise

Eclesiastés 11:5

Qaq cha'aye sa 'auaỹaten dam llecỹaxac na la'at, qataq sa 'auaỹaten da lañaxataxac ca nogotolec da huetaigui na lauel aca late'e, qaq nache 'eetec nataqa'en da sa 'auaỹaten nam ỹo'otpi Ñim Lo'onatac 'Enauacna, ñim ỹo'ot co'ollaxa 'enauac nam huetalec ana 'alhua.

Jeremías 36:17

Ime, nache somayepi inat so Baruc, 'eeta': Ña qomi' 'aua'aqtaxanema cam 'eetec co'ollaq 'erelec ana'ana nere 'enauac de'era.

Marcos 4:27

Qaq na'aictaxa da do'ocheta huo'otaq da nlotauec, huo'otaq pe huo'otaq ye na'a'q, aso nañiguishe ñaxat qataq nquictasheguem da lañaxataxa, qalaxaye som ỹaañi saishet da noma ca 'eetec da lañaxataxac asomaye.

Juan 3:9

Nache so Nicodemo qaltaq ỹe'eguelaxalec da denataxan, 'eeta': –¿Chaq hua'ago' ca 'eetec ca lataxac de'era?

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Juan 9:11

Nache somaye 'enapeco': –Som ỹale maye le'enaxat Jesús, Somaye ỹo'ot so nshaxa. Ime, qaq ỹa'ameeleguete naua ỹa'ai'te. Nache Aỹem 'enapega, 'eeta': «'Anqo'onaxaama qome añi laỹe' na 'etaxat, le'enaxat Siloé, nache 'anỹo.» Nache Aỹem ashec, qaq can ime da ñeỹo, nache ishet da ñauaañi.

Juan 9:15

nache na fariseopi qaltaq ỹe'eguelaxalec da inattac so ỹale chaq hua'ague ca 'eetec da ishet da nauaañi. Nache somaye 'enapeco': –Somaye ỹa'ameeleguete naua ỹa'ai'te so nshaxa. Ime, nache ñeỹo, nache nagui ishet da ñauaañi.

Juan 9:21

Qalaxaye qomi' saishet da saỹaanaq chaq hua'ague ca 'eetec da nauaañi nagui, qataq saishet da saỹaanaq chaq negue't cam natare'n naua la'ai'te damaye. Qaq no'on da maiche qaunache, cha'aye damaye mashe ỹe, damaye ishet da maiche qami' da'aqtaxanema.

Juan 9:26

Qaq somayepi qaltaq ỹe'eguelaxalec da inattac, 'eeta': –¿Ca 'eetec Somaye co'ollaxa? Qataq ¿chaq 'eetec co'ollaq da 'am nataren?

Juan 9:9

Nache huo'o na 'eeta': –Aja', nachera. Qataq huo'o na 'eeta': –'A'i, saishet, damaye choche lashiquiaxaua. Qalaxaye som ỹale maiche na'aqtaxaala't, 'eeta': –Aja', nachaỹem.

1 Corintios 15:35

Qalaxaye saiuena'a da huo'o ca aỹem inat, 'eeta': «¿Ca 'eeteco' da na leuaxaicpi da qaltaq ỹe'eguelaxa da nca'alec? ¿Chaq 'eeteco' qome ca lo'ocỹaxac?»