Juan 8:6 - La'aqtaqa Ñim Lo'onatac 'Enauacna 2013

⁶ Qaq soomaye 'enapec de'era, da choche ỹe'egue'n So Jesús, da yaqto' ishet da ỹauo'o ca lasouaxashet. Nache So Jesús nqollemñi, nache ỹettac ana 'alhua, huota'a ana llaxaata.

Nuevo Testamento Toba Sur

⁶ Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata.

Nuevo Testamento Toba Sombrero Negro

⁶ Jenjo' jo'ne yenadetec jogaa'me qa'a yauote da'me lapinaĝanataĝanaĝa'j qaedi yoqocha'alo da'me yauote laviyaĝajet joñe'me Jesús. Qalaĝaja ñe'me Jesús male naĝañi da'me yedelegue jena'me aleua dedaĝana jajo'me liaĝata.

Juan 8:6 Iomraidhean Croise

Génesis 49:9

¡'Am Judá, 'am ỹalcolec! 'Am qoneta'am ca llon llalec da ivita da ỹaxaañi da chec ca loxonec, ime, nache nlaxan, qataq nnaañi, 'eeta'am ca llon lta'araic. ¿Negue'tom ca ishet da sa ỹalemaxat?

Salmos 39:1

Aỹem iuennataxac co'ollaxa da ỹataqta selo'ogue da no'on ỹataxac, yaqto' saishet da huo'o ca ỹasouaxashet souaxat ca 'enapec ñi ỹachaxat, qataq sauo'o so lcoñetaxat na aỹap da ñaq salectaigui na qauemaicpi.

Proverbios 26:17

Da qaỹe'egueetaua'a ca ỹaqa'a cotaxac, qalaq 'eeta'am da qaỹacoota'alo naua ltela ca pioq.

Eclesiastés 3:7

Huo'o ye laloqo' da huo'o na qaicolaxattac, qataq huo'o ye laloqo' da qantet namaye, huo'o ye laloqo' da ñe'emaxat ca shiỹaxaua, qataq huo'o ye laloqo' da detaqa ca shiỹaxaua.

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Daniel 5:5

Qaq huaña co'ollaxa nache nque'elaxatta da qaila'a so lhuaq ca shiỹaxaua ỹataqta yo'oqta souaxat na le'eraxa aso ncoỹaraxanaxaquipi, nache deraxana aso llaxaata da ỹerelec so lque lapagaxaic se'eso qanayeetaigui nỹec. Qaq so nta'a co'ollaq ila'a so nhuaq maye deraxaatac,

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Amós 5:13

Qaq ỹoqo'oye cam ỹaanaxanaxaic qalaq choche ñe'emaxat, cha'aye ỹaỹaten da qauema naua na'axa'te.

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 15:23

Qalaxaye So Jesús saishet da ỹasateguet asomaye. Nache soua lapaxaguenataqa ana'c da nachoxoreetracot Somaye, 'eetra': –Ña 'auqocha'actaxa, ten, qomi' nca'attaleguete anamaye ỹa'alaqtai'.

Mateo 16:1

Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

Mateo 19:3

Nache huo'o so fariseopi da nqocheneua'a So Jesús da ỹauotaique da huo'o ca ỹachegoxotchigui da lasouaxashet naqa'en Somaye. Nache inattac, 'eeta': –¿Peta'a ishet da qaỹasheetem ca ỹale da nalate' aca lhua da huo'otaq huo'o ca camachaqca lasouaxashet?

Mateo 22:18

Qalaxaye So Jesús ỹaỹaten dam qauem 'eetapeguec somayepi. Nache 'enapega, 'eeta': –Qami' maye qoñiitega da qami' 'eesora, ¿ta'ainco' ye Aỹem qavi'iguiñiitac?

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Marcos 10:2

Nache huo'o so chegaqaigui na fariseopi nqocheneua'a So Jesús, da huotaique huo'o ca ỹe'eguenec lnataxanaxac, nache inattaco' Somaye, 'eeta': –¿Ishet peta'a ca ỹale da nalate' aca lhua?

Marcos 12:15

Qalaxaye So Jesús ỹaỹaten da somayepi choche ye'eguenataxaatac, nache ỹasategueto', 'eeta': –¿Ta'ainco' da qauauoitaique da Aỹem qavi'iguiñi? Ñaq Aỹem qandoiua'a aca 'oonole ana anom lcatole, maye nsheetenaxanaqte.

Marcos 3:2

Qaq so chegaqaigui na fariseopi choche nauaatac So Jesús da huo'otaq nataren so ỹale se'eso na'a'q mataxaqui maye saishetapec namayepi, da yaqto' ishet da qaỹauo'o ca lasouaxashet Somaye.

Marcos 8:11

Nache co'ollaq nvi' so fariseopi, nache chegoqtot da ncotatague' So Jesús. Qalaxaye somayepi choche ỹauotaique da ỹe'eguen Somaye da iỹaxanot da ishet da ỹo'ot ca na'anec sa qaỹauanapega da ỹa'axat da So Jesús chegoqo'ot Ñim Lo'onatac 'Enauacna.

Lucas 10:25

Huo'o so dapaxaguenataxaatapeguec na namaxasoxonaxacpi nquigueua'a So Jesús da yaqto' inat da ishet da ỹasateguet so lnataxanaxac maye ỹataqta alaqaic, nache 'eeta': –'Am Napaxaguenataxanaq, ¿chaq negue't ca iuen da so'ot da yaqto' saconeguet ca nca'alaxa maye chochaq tatec?

Lucas 11:16

Qataq huo'o na choche ỹauotaique da ỹe'eguen So Jesús. Ỹoqo'oye iỹaxaatacot da ishet da ỹo'ot ca na'anec maye sa qaỹauanapega da ỹachaxan da Somaye 'eesa da lamaxashec Ñim Lo'onatac 'Enauacna.

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.