Juan 8:53 - La'aqtaqa Ñim Lo'onatac 'Enauacna 2013

⁵³ 'Am ¿'aupettega peta'a da 'anapacalec so qarta'a Abraham? Somaye, qataq 'enauac som la'aqtaxanaxanecpi Ñim Lo'onatac 'Enauacna ileu co'ollaxa. Qalaq ¿negue't 'am?

Nuevo Testamento Toba Sur

⁵³ 'Am ¿peta'a 'anapacalec so qadta'a Abraham? Somayi co'ollaxa ileu, qataq 'enauac som l'aqtaxanaxanecpi ñi Dios. Qalaq ¿négue't 'am?

Nuevo Testamento Toba Sombrero Negro

⁵³ ¿Qo'li aueetapega da'me anapacalegue di'me qadet'a Abraham? Di'me yeleu ca'li, nataq'aen dia'me Dios 'laqataĝanaĝanaqa; qama'te ¿jach'e jogamaĝa auenapela't?

Juan 8:53 Iomraidhean Croise

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Mateo 12:6

Qaq Aỹem qami' shenapegalo da huo'o na hueta'a ne'ena, maye ỹataqta napacalec da la'amaqchec acam choche atamnaxaqui.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Juan 10:33

Nache somayepi 'enapeco': –Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.

Juan 12:34

Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Juan 19:7

Qalaxaye na judiopi 'enapeco': –Qomi' huo'o dam nqataxac maye qomi' qoỹanema co'ollaxa, qaq damaye 'enapec ye ishet da qaỹalauat ca 'ena'am de'era, cha'aye damaye 'eetega da Llalec Ñim Lo'onatac 'Enauacna.

Juan 4:12

Som hua'au qarta'a Jacob co'ollaxa qomi' no'onaxata'agueta ana'ana lli'illoxoqui. Anamaye, nachana co'ollaxa ana nỹomtapigui qataq soua llalqa, qataq som na'atetpi. Qaq ¿'am peta'a 'anapacaleco' somaxa?

Juan 5:18

Qaq ỹoqo'oye na lataxala'pi na judiopi nquictec da lyaxa da ỹalauat So Jesús, cha'aye saishet da nachaqrata da sa ỹalaxalec da lataxac ye na'a'q mataxaqui, cha'aye nataqa'en 'eetega da ỹataqta Lta'a Ñim Lo'onatac 'Enauacna, qaq ỹoqo'oye da lataxac 'eeta'am Ñimaye.

Juan 8:58

Nache So Jesús 'enapeco': –Aỹem ỹataqta 'eesa de'era qami' sa'axatema, da co'ollaq saxanaqca so Abraham, qalaq nale'ena da Aỹem huo'o.

Romanos 9:5

Namayepi chegoxoguet soua hua'au' qarta'al, qataq Som ỹale maye Lca'aguishec Ñim Lo'onatac 'Enauacna nataqa'en chegoxoguet soomaye. Somaye ilo'ogue 'enauacna, qataq nacheso so Lo'onatac 'Enauacna ¡Da ño'oxonnataguec Ñimaye ỹataqta chochaq tatec! Aja', nache 'eetec de'era.