Juan 8:21 - La'aqtaqa Ñim Lo'onatac 'Enauacna 2013

²¹ So Jesús qaltaq ỹe'eguelaxalec da detaqa, 'eeta': –Aỹem ashec, qaq qami' qome Aỹem qanmichiitaique, qalaxaye qami' saishet da qauañoxoche da qaviyiỹa'a cam soota'a, cha'aye choche ivitta'a qome da qaullivi da saishet da qaỹa'axañiiñi da qauo'ocheetac na qarasouaxashechi.

Nuevo Testamento Toba Sur

²¹ So Jesús qaltaq ÿi'iguelaxalec da detaqa, 'eeta': –Aÿim ashic, qaq qami' qome aÿim qanmichiitaique, qalaxayi qami' qaulliviitañito qome naua qadasouaxashi'chilli'. Cha'ayi cam aÿim sataigue, qalaq qami' sa ishit da qauañoxochi da qaviyiÿa'a.

Nuevo Testamento Toba Sombrero Negro

²¹ Jesús yitaĝa yapaĝague'n jogaa'me jiyaĝa'u, qama'le enaac: —Da'me jayem jec qomle, qama'le da'me ami male jayem aueloyitaque, qalaĝaja da'me en adelevi q'ae'n qomle jonaa'me adoecodi'. Qama'le da'me jo'ne jajoyi ja auaqanachichi ta'le auec'achiya.

Juan 8:21 Iomraidhean Croise

1 Reyes 18:10

Aỹem sanot da ỹa'aqtac Ñim Nataxala' maye 'Anatamnaxala', da ỹoqta 'eesa da shenapec, da so nta'a, qaica ca sa ivira'a naqa'en na lamaxashecpi na laỹe 'alhuapi da 'am nmittaique. Qaq naxa da huo'o na, 'eeta': «Saishet da hueta'a ne'ena», nache somaye 'enapega nam netaña ne'enaua 'aleu' da ỹan da la'aqtac, da ỹataqta 'eesa da saishet da 'am qaỹanata.

Da na'aqtaguec so Job 20:11

Qaq na'aictaxa da ỹataqta ñaq nalota't da la'añaxac da nnogotshec, qalaxaye da tangui añi huachiqui nache ỹe'eguelaxa da 'alhua.

Proverbios 11:7

Ca qauemaic da ivita da ileu, qalaq lỹachiguiñi' da naquitaxac qataq nam tatapigui lauelpi.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Isaías 65:20

Qaq saishet qome da huaña yemaye da ileu ca nogotolec maye saxanaxa da qaỹa'aguelo naua na'axa'te da nachaalataxac, qataq ca ỹa'axaiquipi da huo'otaq saxanaxa da ivita ca laloqo' da nachaalataxac. Cha'aye ca ileu da ivi' caua cien vi'iye, nache 'eco' ña nsoqolec da ileu, qaq ca saxanaxa da ivi' caua cien vi'iye da ileu, nache camaye huetalec da qauem.

Mateo 23:39

Cha'aye ỹoqta 'eesa de'era qami' sa'aqtaxanema da chegoqchiguiña nagui da saishet da ỹoltaq Aỹem qauloỹa'a, choche ivita'a qome da qoñiita': «Ỹataqta no'on da llecỹaxac nam Lca'aguishec Ñim Lo'onatac 'Enauacna, maye nactaigui da le'enaxat Ñimaye.»

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Juan 12:33

Qaq So Jesús co'ollaq 'eetega da qaiuaxaneguet ca npe'enaxaqui, nache ỹa'axattac da 'eetec qome ca l-leuaxa Somaye.

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Juan 13:33

Qami' ỹalqolqa, mashe saqaỹapeque da qami' saq soota'agueta. Qaq qami' qome Aỹem qanmichiitaique, qalaxaye nache 'eeta'am de'era ỹa'aqtac co'ollaq sheetega na judiopi da sheeta': Saishet da qauañoxoche da qanqo'oñiỹa cam soota'a.

Juan 7:34

Qaq qami' qome Aỹem qanmichiitaique, qalaq saishet da Aỹem qauanachiỹa, cha'aye saishet da qauañoxoche da qaviyiỹa'a cam soota'a.

Juan 7:36

¿Chaq negue't cam naigui de'era la'aqtac quiye maye 'eeta': «Aỹem qanmichiitaique qome, qalaxaye saishet da Aỹem qauanachiỹa, cha'aye saishet da qauañoxoche da qaviyiỹa'a cam soota'a?»

Juan 8:24

Qaq ỹoqo'oye Aỹem qami' sa'aqtaxaateguema da saishet da Aỹem qaua'amaqchiñi qataq sa qauauattoñi da Nachaỹem, nache choche qaulliviitañito naua qarasouaxashe'echilli'.

Efesios 2:1

Qaq qami' qoviitaigui co'ollaxa da 'eeta'am da qami' leuaxaiqa, souaxat da sa qaualaiguet Ñim Lo'onatac 'Enauacna qataq qoviitaigui da qaye'etaxalqoi.