Juan 8:12 - La'aqtaqa Ñim Lo'onatac 'Enauacna 2013

¹² Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Nuevo Testamento Toba Sur

¹² Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Nuevo Testamento Toba Sombrero Negro

¹² Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 8:12 Iomraidhean Croise

Da na'aqtaguec so Job 33:28

nacherata da Ñim Lo'onatac 'Enauacna aỹem nca'alaxateeguesop da nleuaxa, qataq ñaq 'eetalec da ñeca'altauec qataq ñaq selotaigui na yo'oqchiguiñi.»

Salmos 18:28

'Am Nataxala', aỹem 'ettalec 'anqa'en, 'Am Ñatamnaxala', aỹem 'aucoỹattalec da sootaigui na napalaxa.

Salmos 49:19

qalaxaye huo'o ca na'a'q da ỹe'eguelaxa da ỹalecta'aguet so hua'au lta'alpi, huaña nache saishet da qaltaq nauane' na yo'oqchiguiñi.

Salmos 97:11

Na yo'oqchiguiñi qalaq talec ca no'on da lataxac, qataq da namaicỹaxac talec ca ỹaỹamaqchiguiñi da lquiyaqteỹaxac.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Isaías 50:10

Qaq qami' maye huo'o naq 'enec qanqa'aiñi Ñim Nataxala' qataq qana'axaỹaxañiitega dam lavilỹaxac nam lamaxashec Ñimaye: da qoquiitaigui na napalaxa maye qaica ca le'eraxa maye ỹo'ot da yo'oqchiguiñi, qaq no'on da qauauo'oi ca qarpi'iỹaxaqui Ñim Nataxala' qataq qoviilec Ñim Lo'onatac 'Enauacna.

Isaías 9:2

Nam shiỹaxauapi maye huetaigui co'ollaxa na napalaxa, ila'a so lta'araic ne'eraxa, qaq se'eso ne'eraxa, icoỹarelec co'ollaxa nam huetaigui na napalaxa.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Mateo 5:14

Qami' nataqa'en qoñiita'am aca lcoỹaraqte nam huetalec ana 'alhua. Nataqa'en qoñiita'am ca nỹecpi maye netalec aca qaỹoqotcheguemec 'alhua, camaye 'enauac da qaila'a.

Lucas 2:32

Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Juan 12:36

Qaq nagui da ña qami' hueta'agueta nam chegoqchigui nam yo'oqchiguiñi, nache qaua'amaqchiñi Namaye, yaqto' qami' ishet da qoñiita'am na yo'oqchiguiñi. Qaq co'ollaq ime de'era 'enapec So Jesús, nache jec da nqañoxocheesop somayepi.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Juan 9:5

Nagui da Aỹem ñaq soota'a ana 'alhua, qalaq Aỹem maye Nachaỹem lcoỹaraqte 'enauac ana 'alhua.

Hechos 13:47

Cha'aye nachera da qomi' ỹamaxaleguete Ñim Lo'onatac 'Enauacna, 'eeta': 'Am sanagui da 'am lcoỹaraqte na ỹotta'a't shiỹaxauapi, yaqto' 'am 'aua'axat da nca'alaxa, choche ivitta'a ca ỹataqta pa'atec ana 'alhua.

Hechos 26:23

Qaq dam na'aqtaxanaxac qoỹenac ye cam Lca'aguishec Ñim Lo'onatac 'Enauacna, camaye qome ỹataqta huo'o da nque'eenaxac. Qaq da ime, nache qaỹalauat, qaq nacheca qome ca la'auaxanec da qanca'alaxateeguesop na leuaxaicpi. Ime, nache camaye ỹa'axatem da nca'alaxa nam qarhuo' le'ecpi qataq nam saishet da judiopi, qaq damaye 'eeta'am na yo'oqchiguiñi.

2 Pedro 2:17

Ne'ena dapaxaguenataxaatacpi maye saq 'en namayepi, 'eeta'am aca ñi'illoxoqui maye qaica ca le'ec 'etaxat, qataq 'eeta'am na lo'oc na piguem maye choche ỹachetac na la'at. Namayepi Ñim Lo'onatac 'Enauacna ỹauo'o ca nhuaxanaguec qataq ỹasaxaña ca nhuaxanaqa' maye chochaq tatec na napalaxa.

2 Pedro 2:4

Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

1 Juan 1:6

Qaq da shenaqtega da qanauochaxaua Ñim Lo'onatac 'Enauacna, qalaxaye qolaqto'ot da so'otaqtac da qaye'etaxaloxo, nache qomi' choche satenataxanaqtac, shenaqta'am nam tenataxanaxaicpi maye sa ỹalaxaguet Ñimaye.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Judas 1:6

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.

Apocalipsis 21:24

Qaq nam ỹotta'a't shiỹaxauapi maye huetalec ana 'alhua, na le'eraxa se'eso nỹecpi nache huetaigui namayepi. Qaq nam nta'alpi maye huetalec ana 'alhua nache ndotega qataq ỹami' da lsallaxa.