Juan 8:11 - La'aqtaqa Ñim Lo'onatac 'Enauacna 2013

¹¹ Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Nuevo Testamento Toba Sur

¹¹ Nachi asomayi 'enapeco': –'A'i, qaica, 'am ÿataxala'. Nachi so Jesús 'enapego' asomayi, 'eeta': –Aÿim nataq'en sa ishit da 'am salauat. Nagui 'am qojec. Qalaxayi sa ishit qome da qaltaq 'auauo'o ca 'adasouaxashit.

Nuevo Testamento Toba Sombrero Negro

¹¹ Jaga'me yauo male 'yateguet: —Am Jaliaĝanec, qaya'te jayem 'yedetec. Jesús male enaac: —Qama'le nach'e ena'am da'me jayem, qaya'te ta'le jen adaviyaĝajet. Qama'le nayi da'me male oc, ena'te yitaĝa a'viyelaĝa't naa'me adoeco.

Juan 8:11 Iomraidhean Croise

Da na'aqtaguec so Job 34:31

Qalaxaye da huo'o ca da'aqtaxanem Ñimaye da 'eeta': ‹Aỹem huo'o co'ollaxa da ỹasouaxashet, qalaxaye nagui saxaañi da 'am senogoqchettac.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

Lucas 13:3

'A'i, saishet. Qami' nataqa'en qom saishet da qaỹa'axañiire'c naua qano'onataxacolli', qaq nataqa'en qaullivi qoñiita'am da l-leuaxa somayepi.

Lucas 13:5

¡'A'i, saishet! Qami' nataqa'en da saishet da qanaralaxache da qarataxaqui, qataq da sa qaualaqaiguet Ñim Lo'onatac 'Enauacna, nache nataqa'en qaullivi, qoñiita'am da l-leuaxa somayepi.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Lucas 15:7

Qaq Aỹem shenapec da ỹactec da ntonaxac nataqa'en na neta'ague da piguem, qom huo'otaq huo'o ca 'oonolec ne'ena shiỹaxauapi da ỹe'egueloqot Ñim Lo'onatac 'Enauacna, qaq saq 'ena'am cam noventa y nueve nam ỹaỹamaxareeta Ñim Lo'onatac 'Enauacna maye sa iuen da ỹe'eguelaxaguet Ñimaye.

Lucas 5:32

Aỹem ñanac da seỹaxana nam 'etaxaloxoicpi da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Lucas 9:56

Cha'aye na Shiỹaxaua Llalec saishet da anac da nqat da nachaalataxac ca shiỹaxaua, nacherata da nca'alaxatec.] Qaq ime, nache je'c nqo'oora so nma'piolec maye saq 'amaqtaq.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Juan 8:15

Qami' da qanmichi ca nasouaxashet, qalaq qaupaquiichigui ca maiche lhuennataxac na yo'oqchigui shiỹaxauapi. Aỹem, qalaxaye saishet da sauo'o ca lasouaxashet ca shiỹaxaua.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

1 Corintios 5:12

Aỹem saishet da sa'aualec da ñimit ca saxanaxa da da'amqaanataxan. Ñim Lo'onatac 'Enauacna maye nmit qome namayepi. Qalaxaye qami' maye iuen da qanmichi na 'amqaanataxanaxaicpi qaupaquiitelec dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qanqacheeuec que'eca qami' huetanguilo 'etaxaloxoic.»

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

Deuteronómio 17:9

nache qanachaachiua'a ca ntaxaỹaxanaxanecpi leviitapi, qataq ca aloico lo'o' da qaua'aqtaxañim. Nache camayepi qami' da'aqtaxanema ca ỹaỹamaqchiguiñi lataxac ca qanqalañiita'ai',

2 Pedro 3:15

Qataq qantooñita'ac da So Qarataxala' Jesucristo qomi' iuatta'alo, da yaqto' ishet da ñeca'alaxauec qome. So qanauochaxaua qartaua qarqaỹa Pablo, nataqa'en ỹiyiñi co'ollaxa de'era, cha'aye Ñim Lo'onatac 'Enauacna ỹa'axatem co'ollaxa de'era.