Juan 7:4 - La'aqtaqa Ñim Lo'onatac 'Enauacna 2013

⁴ Cha'aye ca shiỹaxaua da nshetaique da qaỹauatton, nache saishet da nqañoxottañi da huo'o ca ỹo'ot. Qaq 'am, no'on da 'auachaxana 'enauac na shiỹaxauapi nam 'auo'otpi.

Nuevo Testamento Toba Sur

⁴ Cha'ayi ca shiÿaxaua da nshitaique da qaÿauatton, nachi sa ishit da nqañoxottañi da huo'o ca i'ot. Cha'ayi 'am mashi sogote da 'au'ottac de'eda 'ad'onataxanaxac, qaq no'on da 'am 'anachaxana 'enauac na shiÿaxauapi.

Nuevo Testamento Toba Sombrero Negro

⁴ Qa'a qom jetaque 'uo da'me anatetonaguec, qama'le ja auoĝotetapiñe gaa'me uo'oe jo'ne a'uete'tape. Qa'a qalaqach'ele a'uetetac qaedi qoyauana da'me at'onatac, qama'le nach'eda aue'et da'me auajoya'agueta ena'uaque jogaa'me aleua laje'pi.

Juan 7:4 Iomraidhean Croise

1 Reyes 22:13

Nache so namaxashec maye ỹe'eguena'a co'ollaxa so Micaía, 'enapego' somaye, 'eeta': So na'aqtaxanaxanecpi, 'enauac da 'eeta'a't da la'aqtaxanaxac, da da'aqtaxaatapeguem so nta'a Ajab, da taỹa'a da no'on. Qaq ỹoqo'oye no'on taxa da nataqa'en 'am, 'ano'onaxat ca 'ara'aqtaxanaxac, yaqto' nateeteguet qome da la'aqtaxanaxac somayepi.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Mateo 4:6

nache 'enapega, 'eeta': –Qom ỹataqta 'eesa da 'am Llalec Ñim Lo'onatac 'Enauacna, nache 'auparenaxanec nagui. Cha'aye ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna namaq qome ca lamaxashecpi, da yaqto' 'am ntela'a. Nache 'am ỹachetaleguete qome naua lhua'q camayepi, da yaqto' saishet da 'am iuaxaneguet na coma'pi.»

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Lucas 6:45

Na no'on shiỹaxauapi, nache 'eetai' da ỹo'ottac ca ỹaỹamaqchiguiñi, cha'aye da no'on huetaigui da lquiyaqteỹaxac. Qaq nam qauem shiỹaxauapi, nache 'eetai' da ỹo'ottac da qauem, cha'aye da lquiyaqteỹaxac huetaigui da qauem. Naua 'ara'aqtaqa maye nauoiguilo na 'ap naamaye ỹachaxa'n naua huetanguilo añi 'arquiyaqte.»

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.