Juan 7:3 - La'aqtaqa Ñim Lo'onatac 'Enauacna 2013

³ Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Nuevo Testamento Toba Sur

³ Qaq ÿoqo'oyi soua lqaÿa't 'eetegalo somayi, 'eeta': –Sa ishit qome da qoueta'a ne'ena. No'on da 'anqo'ona yi Judea, yaqto' na 'am quetague'pi mayi hueta'a yimayi ishit da nataq'en ÿauaachigui na 'au'otpi.

Nuevo Testamento Toba Sombrero Negro

³ Qama'le ua'a da'me eetedapega jogaa'me mach'e lanoqolqa joñe'me: —Ena'te jetaque oue'ta jenjo', dite da'me oc, auajoyi di'me Judea, qaedi gaa'me jo'ne am quetedapegue' 'me ueteda'ague di'me Judea nach'e ena'am yayate'n da'me jo'ne a'uetetac.

Juan 7:3 Iomraidhean Croise

Génesis 37:20

Ña qauanaqui, salauataq namaye. Ime qome nache sasaxasoxongui aca 'oonole anam nsherepi, nache sa'axataq qome da huo'o so shiguiỹacpi chec somaye. ¡Yaqto' huaña, qaq saỹaanaq ca 'eetec so lchoxonaxacpi!»

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Marcos 3:21

Qaq so lauo' le'ecpi So Jesús co'ollaq ỹaỹaten da ỹo'ottac Somaye, nache qanqo'ona da yaqto' qaỹauec, cha'aye Somaye qoỹeetega da huo'o da aloic.

Marcos 3:31

Huaña, nache nvireuo aso late'e qataq soua lqaỹa't So Jesús, nvireua'a ca nỹec maye hueta'a Somaye, qalaxaye pa'atraue'c, nache damaxasoxooreua'a Somaye.

Lucas 8:19

Aso late'e qataq soua lqaỹa't So Jesús nvildeua'a ca hueta'a Somaye, qalaxaye saishet da qaiviraua'a Somaye souaxat da ỹataqta qalota na shiỹaxauapi.

Lucas 8:20

Nache huo'o so da'aqtaxanem So Jesús, 'eeta': –Ara 'arate'e qataq daua 'arqaỹa't pa'atraue'c, huotaique da 'am detaxairapegue'.

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Juan 7:10

Qalaxaye co'ollaq mashe ỹoxoguelo soua maiche lqaỹa't, nache So Jesús nataqa'en nqo'oneua'a se'eso naponaxac. Qalaxaye Somaye saishet da huo'o ca da'aqtaxanem.

Juan 7:4

Cha'aye ca shiỹaxaua da nshetaique da qaỹauatton, nache saishet da nqañoxottañi da huo'o ca ỹo'ot. Qaq 'am, no'on da 'auachaxana 'enauac na shiỹaxauapi nam 'auo'otpi.

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.

Hechos 2:14

Nache so Pedro nachaañi, nataqa'en soua lỹa't once namaxa'she, nache somaye ỹataqta na'axanneque naua la'aqtaqa co'ollaq detaqa, 'eeta': –Qami' Judea le'ecpi qataq 'enauac nam netaña na Jerusalén, ñeshetaique da qami' qauaỹaañi de'era. Qaq no'on da qana'axaỹaxañiichigui de'era ỹa'aqtac.

1 Samuel 17:28

Qalaxaye so Eliab, som ỹe lqaỹa so David, somaye hua'aqchigui co'ollaxa so David da na'aqtaxaatague' se'eso ỹalleppi. Nache ỹataqta dalemataỹa somaye, nache 'eetego', 'eeta': «¿Negue't ca huo'omshe 'auanaicna'a? ¿Negue't ca 'aupataxaguet da ilo'ogue aca qaguetapi maye huetauga ye toolec 'alhua? Aỹem sauatton na 'annataxanaxacpi, qataq naua qauema 'arhuennataxaco, cha'aye 'auanac da choche 'anmeenaxaneuga da alaataxac.»